Bungaza ukuhlala kwasepulazini ku-Airbnb
I-Airbnb ifuna ukusiza abanikazi bamapulazi abengeziwe babe yingxenye yomphakathi wababungazi be-Airbnb futhi benze imali eyengeziwe ngokuvakasha kwasemapulazini. Ukubungaza ukuhlala kwasepulazini ku-Airbnb kubonisa izivakashi ukuthi kunjani ukuphila kwansuku zonke kwasepulazini.
Iyini i-Airbnb?
I-Airbnb ihlanganisa abantu nezindawo zokuhlala kanye nezinto abangazenza emhlabeni jikelele. Umphakathi usekelwa ababungazi, abanikeza izivakashi zabo ithuba eliyingqayizivele lokuvakasha njengomuntu wasendaweni.
Kungani kumelwe ubungaze ku-Airbnb?
I-Airbnb yenza kube lula futhi kuphephe ukubungaza izihambi. Nguwena okulawula ngokugcwele ukutholakala kwakho, amanani, imithetho yendlu nokuthi uxhumana kanjani nezivakashi.
Ngeke sikulahle
Ukuze sigcine wena, ikhaya lakho kanye nempahla yakho niphephile, sivikela konke ukubhukha ngo-$1M USD ekuvikelweni ngomonakalo wendlu kanye nomunye u-$1M USD womshuwalense wezingozi.
Ukubungaza ngezinyathelo ezingu-3
Faka indawo yakho mahhala
Yabelana nganoma iyiphi indawo ngaphandle kwezindleko zokubhalisa, kusukela ku-guesthouse kuye enqolobaneni nakho konke okunye okukhona.
Nquma indlela ofuna ukubungaza ngayo
Khetha ishejuli yakho, amanani kanye nezimfuneko zezivakashi. Sikhona ukuze sikusize endleleni.
Yamukela isivakashi sakho sokuqala
Uma nje indlu yakho isivela bukhoma, izivakashi ezifanelekayo zingakwazi ukukuthinta. Ungazithumelela nanoma yimiphi imibuzo ngaphambi kokuhlala kwazo.
Sikuvikele nxazonke
Siyazi ukuthi kusemqoka ukwethemba abantu abahlala ekhaya lakho. I-Airbnb ikuvumela ukuthi usethe izimfuneko eziqinile zokuthi ngubani ongabhukha futhi wazi izivakashi ngaphambi kokuhlala kwazo.
Nokho, uma kwenzeka kuvela okuthile, ngeke sikulahle. Kusukela ku-$1M wethu wokuvikelwa komonakalo wendlu kuya kusevisi yomhlaba wonke 24/7, usekeliwe njengombungazi kuze kube sekugcineni.
Ukukhokha kwenziwe lula
Khokhisa inani olifunayo
Kuhlale kunguwe ozikhethela inani lakho. Udinga usizo? Sinamathuluzi okukusiza uhambisane nokufunwayo endaweni yangakini.
Khokha amanani aphansi
Akukho zindleko zokuvula i-akhawunti. I-Airbnb ngokuvamile ikhokhisa ababungazi u-3% ongaguquguquki ngokubhukha ngakunye, okuyinani eliphakathi kwamanani aphansi kakhulu embonini.
Khokhelwa masinyane
Lapho nje isivakashi singena, singathumela imali yakho nge-Paypal, siyifake ngokuqondile noma ngezinye izindlela ezitholakalayo.
Imibuzo yakho iyaphendulwa
Kulula ukuba ngumbungazi we-Airbnb ezindaweni eziningi, futhi kuhlale kumahhala ukufaka indlu. Amafulethi aphelele namakhaya, amakamelo, izindlu ezakhiwe esihlahleni nezigodlo kungezinye zezindlu ezimbalwa ababungazi asebeke babelana ngazo ku-Airbnb.
Ukuze uthole imininingwane ethe xaxa ngalokho okulindelwe kubabungazi, hlola izindinganiso zomphakathi we-Airbnb, ezigxile ekuphepheni, ukuvikeleka, nokwethenjelwa kanye nezindinganiso zokwamukela izihambi, okusiza ababungazi bazitholele okuphawulwa yizivakashi okuncomekayo.
Sicela wonke umuntu osebenzisa i-Airbnb asiphe imininingwane embalwa ngaphambi kokuba athathe uhambo nathi. Izivakashi kudingeka zibe nale mininingwane egcwaliswe ngokuphelele ngaphambi kokuba zifake isicelo sokubhukha. Le mininingwane isiza uqiniseke ukuthi uyazi ukuthi ungalindela bani, nokuthi ungaxhumana kanjani nesivakashi.
Izimfuneko ze-Airbnb ngezivakashi zihlanganisa: • Igama nesibongo • Ikheli le-imeyili • Inombolo yocingo eqinisekisiwe • Umyalezo wesingeniso • Isivumelwano Semithetho yakho Yendlu • Imininingwane yokukhokha
Izivakashi kulindeleke, ukuba zibe nesithombe sephrofayili, kodwa akuyona imfuneko. Ungacela futhi nezivakashi ukuba zikunike umazisi ngaphambi kokubhukha indawo yakho.
Ukubhalisela i-Airbnb nokufaka ikhaya lakho ohlwini kumahhala ngokuphelele.
Uma usuthole isicelo sokubhukha, sikhokhisa inani lesevisi ye-Airbnb kubabungazi, ngokuvamile elingu-3%, ukusiza ukukhokhela izindleko zokuqhuba ibhizinisi.
Isiqinisekiso Sokubuyiselwa se-Airbnb sihlinzeka ngesivikelo esifika ku-$1,000,000 kumbungazi ngomonakalo wendlu evikelwe esimweni esingavamile somonakalo owenziwe isivakashi odlulela ngale kwemali ekhishwa uma isivakashi senze umonakalo noma uma ingekho imali ekhishwa uma isivakashi senze umonakalo.
Uhlelo Lwesiqinisekiso Sokubuyiselwa aluvikeli ukheshi nezibambiso, izinto eziyigugu, umsebenzi wobuciko oyivela-kancane, ubucwebe, izilwane ezifuywayo noma isikweletu somuntu ngokwakhe. Situsa ukuthi ababungazi bavikele noma basuse izinto eziyigugu lapho beqashisa ngendawo yabo. Uhlelo futhi aluvikeli ukulahleka noma umonakalo wendlu ngenxa yokuguga nokugqwala ngokusetshenziswa.
Funda kabanzi Ngesiqinisekiso Sokubuyiselwa ku-http://airbnb.com/guarantee
Inani olikhokhisayo ngendlu yakho linqunywa nguwe ngokuphelele. Ukuze sikusize uthathe isinqumo, ungasesha izindlu ezicishe zifane edolobheni lakho noma endaweni engumakhelwane ukuze uthole umbono wamanani emakethe.
Izimali Ezengeziwe • Inani lokuhlanza: Ungase ufake inani lokuhlanza enanini lakho lobusuku ngabunye noma ufake inani lokuhlanza kumasethingi akho okubekwa kwamanani. • Ezinye izimali: Ukuze ukhokhise izimali ezengeziwe ngaphandle kwamanani akho (anjengemali yokufika sekwephuzile noma imali yesilwane esifuywayo), kufanele uqale uzidalule ezivakashini lezi zimali ezingase zikhokhwe ngaphambi kokubhukha bese usebenzisa Isikhungo sethu Sesixazululo ukuze ucele ngokuvikelekile inkokhelo yezimali ezengeziwe.
Ithuluzi le-Airbnb Lendlela Yokubeka Inani likuvumela ukuba usethe amanani akho ukuthi enyuke noma ehle ngokuzenzakalelayo ngokusekelwe ezinguqukweni zokufunwa kwezindlu ezifana neyakho.
Ngaso sonke isikhathi unesibopho ngenani olibekayo, ngakho-ke Indlela Yokubeka Inani ilawulwa ngamanye amasethingi amanani owakhethayo, futhi ungalungisa amanani obusuku ngabunye noma nini.
Indlela Yokubeka Inani isekelwe ohlotsheni lwendlu yakho nendawo ekuyo, inkathi yonyaka, ukufunwa kwayo nezinye izici (ezinjengemicimbi endaweni yangakini).
Ulazi kahle ipulazi lakho kunanoma ubani futhi kubalulekile ukuba wenze izivakashi zakho zazi noma iziphi izingozi zokuphepha ezingaba khona. Kufanele uchaze ngokucacile ukuthi iziphi izingxenye zepulazi okungangeni kuzo izivakashi nezinye izinyathelo zokuphepha okungase kudingeke bazithathe ukuze bahlale bephephile futhi bahloniphe ipulazi lakho phakathi nokuhlala kwabo. I-Airbnb inanemithetho ngezilwane ezingase zibe yingozi.
Funda kabanzi: https://www.airbnb.com.au/help/article/2135/what-are-airbnbs-rules-about-potentially-dangerous-animals
Sihlanganise ikhasi Lokubungaza Ngobuhlakani ukuze sisize ababungazi ku-Airbnb bajwayelane nemisebenzi yokubungaza, futhi banikeze amabalengwe emithetho, iziqondiso, nemikhuba emihle kakhulu ehlukahlukene engathinta ababungazi. Kudingeka ulandele iziqondiso zethu, njengeMithetho yethu Yokubungaza, futhi uqiniseke ukuthi ulandela imithetho esebenza ezimweni nasendaweni okuyo ngokuqondile.
Funda kabanzi: https://www.airbnb.com.au/help/article/1377/responsible-hosting-in-australia
Isiqiniseko Sokubuyiselwa Imali Sombungazi se-Airbnb, Umshwalense Wokuvikelwa Kombungazi we-Airbnb, Nomshwalense Wokuvikelwa Kokokuzithokozisa we-Airbnb ukunikeza ikhava eyisisekelo emonakalweni nasezindlekweni ezibaliwe. Yize kunjalo, lokhu akungeni esikhundleni somshwalense wabanikazi bezindlu, umshwalense wabaqashi, noma ikhava eyanelisayo yezindleko. Kungase kudingeke uhlangabezane nezinye izimfuneko zomshwalense. Kufanele usebenze ne-ejenti noma umphathi womshwalense ukuze uthole ukuthi nhloboni yezibophezelo, imikhawulo, nekhava edingekayo ezimweni zakho ngokuqondile.
Isikhungo Solwazi se-Airbnb singumthombo wezilungiso ze-Airbnb, izihloko eziwusizo, neziqondiso zokubungaza.
Funda kabanzi: https://www.airbnb.com.au/resources/hosting-homes
Isikhungo Solwazi Sokokuzithokozisa kwe-Airbnb siwumthombo wamathuluzi akusiza ubungaze Okokuzithokozisa kwakho ngokuphumelelayo.
I-Help Centre ye-Airbnb yilapho ungathola khona usizo nemininingwane ngokubhukha kwakho, i-akhawunti, indlu, ukuxhumana nesivakashi, nokunye okwengeziwe.
Funda kabanzi: https://www.airbnb.com.au/help/home
Ready to earn?
Ready to earn?