USIZO EZIKHUKHULENI ZASE-RIO GRANDE DO SUL
Ezikhathini ezibucayi, yiba uMbungazi
Izikhukhula eziyinhlekelele zicekela phansi izingxenye ezithile zeRio Grande do Sul. I-Airbnb.org inikeza indawo yokuhlala yesikhashana yamahhala kwabasindile, amavolontiya kanye nabezimo eziphuthumayo.Ungasiza. Bhalisela ukubungaza eRio Grande do Sul naseSanta Catarina.
Nikeza indawo yokuhlala
Unayo indawo ongayinikeza? Ungayifaka mahhala noma ngesaphulelo nge-Airbnb.org ukuze usize abasindile, abosizo oluphuthumayo, nabanye abathintekile ezinhlekeleleni.
Indlela ukubungaza okusebenza ngayo
- Uzonikeza umbhede ontofontofo nezinto ezidingekayo eziyisisekelo zezinsuku ezimbalwa kuya emavikini ambalwa. Funda okwengeziwe ngokubungaza izivakashi ze-Airbnb.org.
- I-Airbnb.org ibambisene ingophathina nohulumeni nezinhlangano ezingenzi nzuzo ezihlola ukufaneleka kwezivakashi futhi izisize ngaphambi, phakathi, nangemva kokuhlala kwazo.
- I-Airbnb ihoxisa zonke izindleko zesevisi ekuhlaleni kwe-Airbnb.org. Njengenhlalayenza, i-Airbnb inikeza aBabungazi i-AirCover, ehlanganisa u-$1 million USD womshwalense womonakalo, u-$3 million USD wokuvikelwa emonakalweni, nokunye.
Nikela
Yonke iminikelo isiza ekufezeni isidingo esibucayi sezindawo zokuhlala zezimo eziphuthumayo. Funda indlela iminikelo esebenza ngayo
Wonke umnikelo wakho uya ekutholeleni abantu izindawo zokuhlala zesikhashana.
Izindawo zokuhlala zimahhala ngokuphelele ezivakashini ze-Airbnb.org.
Sisekela umphakathi wethu kungakhathaliseki izwe, uhlanga, ubuzwe, noma indlela umuntu abhekwa ngayo.
Imibuzo Evame Ukubuzwa
Ngingakuthola kanjani ukuhlala kwezimo eziphuthumayo kwe-Airbnb.org?
Njengamanje, i-Airbnb.org ayinayo inqubo yokwamukela ngokuqondile abantu abafuna usizo oluphuthumayo. I-Airbnb.org isebenza nezinhlangano zikahulumeni nezingenzi nzuzo ezisiza ekunqumeni ukufaneleka kwesivakashi ngasinye. Funda okwengeziwe
Ngubani ongabhukha indawo nge-Airbnb.org?
Abantu abaye bathintwa yizikhukhula eRio Grande do Sul bangase bafanelekele ukubhukha indawo yokuhlala yezimo eziphuthumayo nge-Airbnb.org. Kungenzeka ukuthi bangabasindile kulesi sigameko noma bayizisebenzi ezinika usizo ngokomthetho. I-Airbnb.org isebenza nezinhlangano zikahulumeni nezingenzi nzuzo ezisiza ekunqumeni ukufaneleka kwesivakashi ngasinye. Funda okwengeziwe
Ngingakwazi yini ukunikeza ikhaya lami ngenani eliphelele ku-Airbnb bese ngilinika mahhala noma ngesaphulelo ku-Airbnb.org?
Yebo. Indawo yakho izoba nekhalenda elilodwa, ngakho izivakashi ngeke zikwazi ukuyibhukha kabili indawo yakho.
Ngizokwazi kanjani ukuthi ukubhukha kuvela ku-Airbnb.org?
ABabungazi batshelwa phakathi nenqubo yokubhukha uma isicelo sokubhukha kungesokuhlala kwezimo eziphuthumayo kwe-Airbnb.org.
Kwenzekani lapho ukuhlala kwesivakashi kuphela?
Izivakashi ze-Airbnb.org zinomthwalo wokuphuma ngesikhathi okuvunyelwene ngaso ngokuvumelana nerekhodi lokubhukha. Uma kwenzeka wephuza ukuphuma, i-Airbnb ineqembu elikhethiwe lama-ejenti osizo achwepheshile azosebenzisana nesivakashi ukuze siphume ngesikhathi.
Angiyena umbungazi we-Airbnb, kodwa ngingathanda ukunikeza ikhaya lami ngokuqondile kulesi simo. Yini okufanele ngiyenze?
Ungabhalisela ukubungaza ngokukhethekile nge-Airbnb.org, okusho ukuthi uzobungaza kuphela izivakashi ezidinga ukuhlala kwezimo eziphuthumayo futhi uzohlinzeka ngendawo yakho mahhala. Kuye ngesikhathi nendawo, izivakashi zakho kungenzeka zisohambweni ngenxa yezikhukhula zakamuva noma kungenzeka ukuthi zihanjiswa ezinye izimo eziphuthumayo esikhathini esizayo. Indawo yakho ngeke itholakalele ukubhukhwa yizivakashi ekuhlaleni kokuvakasha, izotholakalela ukuhlala kwezimo eziphuthumayo kuphela.