Okufanele ukwenze uma indawo ohlala kuyo ingahlanzekile lapho ungena

Ngaso sonke isikhathi qala ngokuthumela umyalezo kuMbungazi wakho ukuze nixoxe ngesixazululo. Kungenzeka ukuthi uMbungazi uzokwazi ukukusiza ulungise inkinga. Uma uMbungazi wakho ehluleka ukusiza noma uma ufisa ukucela ukubuyiselwa imali, sikhona ukuze sikusize.

Thumela isicelo sokubuyiselwa imali

Nansi indlela yokulungiselela:

1. Qongelela ubufakazi: Uma kungenzeka, thatha izithombe noma ividiyo ukuze uveze izinkinga ezinjengesevisi engekho noma ephukile.
2. Thumela isicelo sakho: Uzochaza inkinga, ufake izithombe noma ividiyo uma ukwazi. Ungacela uMbungazi ukuba alungise inkinga, ucele ukubuyiselwa imali yenani lokuhlanza, noma, uma kunezinkinga ezibucayi, ungacela ukukhansela ukubhukha kwakho ukuze ubuyiselwe imali ephelele yobusuku obusele.
3. Lindela impendulo: Uma uMbungazi wakho enqaba noma engaphenduli, ungacela i-Airbnb ukuba ingenele ikusize. I-Airbnb izosebenzisa Ipholisi Yokuphinde Ubhukhe Nokubuyiselwa Imali ukuze inqume ukuthi yiluphi usizo esingalunikeza.

Ukubandakanya i-Airbnb

Nakuba sihlale sifuna ukuba Ababungazi nezivakashi balungise izinto ngokuqondile uma bekwazi, siyazi ukuthi akunakwenzeka ngaso sonke isikhathi. Uma kuvela inkinga ongakwazi ukuyixazulula nombungazi wakho (noma uma uMbungazi wakho enqaba noma engaphenduli isicelo sakho sokubuyiselwa imali), sazise futhi othile ovela eqenjini lethu uzongenela ukuze asize.

Uma sithola ukuthi inkinga ivikelwe yi-AirCover, uzobuyiselwa imali ephelele noma ingxenye yayo, noma, kuye ngezimo, zisokutholela indawo yokuhlala efanayo noma engcono.

Khumbula ukuthi unamahora angu-72 okusibikela nganoma iyiphi inkinga kusukela ngesikhathi oyithole ngaso.

Ezinkingeni ezingase zidale ubungozi bempilo, njengezimbungulu, isikhutha noma ezinye izinto ezibangela ukugula, sicela uthintane namasevisi ezimo eziphuthumayo endaweni uma kudingeka. Uma udinga usizo ngokubhukha kwakho, ungathumela isicelo ku-Airbnb, sizobe sesinquma isixazululo esifanele sisebenzisa Ipholisi Yokuphinde Ubhukhe Nokubuyiselwa Imali.