Ukusebenzisa izihlungi zokusesha
Ngezinye izikhathi ufuna nje ukubhrawuza. Ngezinye izikhathi, wazi kahle ukuthi yini oyifunayo. Izihlungi zokusesha ziyindlela enhle kakhulu yokunciphisa lokho ongakukhetha lapho ufuna indawo yokuhlala. Uma ukwazi ukuzivumelana nezimo, ungakhetha izinsuku nezinhlobo zezindawo ezizokusiza uthole lokho okufunayo.
Qala ngokusemqoka
Ukuze uthole imiphumela enembe kakhudlwana, ngaso sonke isikhathi qala ukusesha ngokukhetha:
- Indawo oyivakashelayo
- Izinsuku zokungena nokuphuma
- Ingqikithi yenani lezivakashi nezilwane ezifuywayo
Sesha ukuhlala kwenyanga
Sethule indlela elula futhi evumelana nezimo yokusesha ukuhlala kwenyanga. Thepha Izinyanga ukuze ucacise ubude bokuhlala kwakho futhi uqoke kalula izinsuku zakho zokuqala nezokugcina. Shintsha izinsuku zakho zokuqala nezokugcina zibe ubusuku obungu-14 ukuze ubhrawuze izindlu eziningi ezitholakalayo.
Izihlungi ezithandwayo
Ngokukhetha Izihlungi ekhasini lemiphumela yokusesha, uzothola izihlungi ezithandwayo, njengalezi:
- Uhlobo lwendawo: Kusukela emagunjini ahlanganyelwayo kuya ezindaweni eziphelele, funda kabanzi ngezinhlobo zezindawo zokuhlala.
- Inani: Sebenzisa isikali esishintshashintshayo ukuze unciphise inani lemiphumela yokusesha kwakho ngokwenani lakho. Khumbula ukuthi izindawo eziningi zokuhlala zihlukile, nokuthi izici ezihlukahlukene zingalishintsha inani lobusuku.
- Ukubhukha Okusheshayo: Thola izindawo ongazibhukha ngaphandle kokulinda imvume yoMbungazi.
Ungakwazi futhi ukusebenzisa Izigaba Ze-Airbnb ukuze uhlunge ngezindlu ezihlukile. Khetha ezigabeni ezinjengezinqaba zasolwandle, izindlu ezakhiwe ngamapulangwe, noma izikebhe.
Phawula: Okwamanje, ukuhlela akusona isici sokusesha se-Airbnb, kodwa ungakwazi ukuhlunga ngokwenani ukuze uthole izindawo ezihambisana nenani elithile.
Izihlungi ezengeziwe
Ufuna ukucacisa kakhudlwana? Nazi izihlungi ezengeziwe zokukusiza ukhethe indawo efanele.
Amagumbi nemibhede
Amagumbi okulala, izindlu zokugezela, imibhede—khetha inani elilungele iqembu lakho.
Uhlobo lwendlu
Ukuhlala okwakho, ngakho-ke ufuna kube njani? Sesha ama-villa, amahostela, amafulethi, nokwengeziwe.
Izinto ezidingekayo
Abanye abantu badinga ikhishi, abanye bafuna i-TV, kanti abanye bafuna indawo yokupaka yamahhala. Khetha lokho okudingayo ukuze ukhululeke.
Amasevisi endawo
Indawo yokubhukuda? Indawo yokuzivocavoca? Ungazikhethela.
Izidingo zabanokukhubazeka
Udinga izindawo zokungena ezingenazitebhisi noma izinsimbi zokubambelela kushawa? Khetha izici zokunethezeka nokuphepha.
Ulimi lombungazi
Khetha aBabungazi abakhuluma ulimi olwaziyo.
Imithetho yendlu
Ingabe ufuna indawo evumela izilwane ezifuywayo? Ingabe uhlela ukuba nezivakashi phakathi nokuhlala kwakho? Sesha izindawo ezinemithetho ekufanele.
Izindawo zokuhlala zezinga eliphezulu
Khetha ezigabeni ezinjengalezi:
- Izintandokazi zezivakashi: Amakhaya athandwa kakhulu ku-Airbnb, ngokusho kwezivakashi.
- I-Luxe: Amakhaya amangalisayo anemiklamo ephakeme, ahlolelwe ikhwalithi.
Phawula: Okwamanje akunakwenzeka ukusesha ngegama eliyisihluthulelo.
Izihloko ezihlobene
- Bungaza
Qinisekisa ukuthi izivakashi ziyakwazi ukuthola indlu yakho
Ungahlola ukuthi indlu yakho iyavela yini emiphumeleni yokusesha ngokubuyekeza inani labaye bayibheka indlu oyifakile ezibalweni zendlu yakh… - Bungaza
Ukuqhathanisa iphefomensi yezindlu zakho
Kudatha yephefomensi yakho, ungathola izindlu ezifanayo i-Airbnb ezisebenzisayo ukuze iqhathanise. - Isivakashi
Ukusesha izindawo zokuhlala
Sebenzisa izihlungi, amabalazwe okuphuma, futhi ufunde izincazelo zezindawo ukuze uthole lokho okufunayo okufuze kakhudlwana uhambo lwakho.