Indlela yokusebenzisa inqubo yokuhlanza yezinyathelo ezingu-5 ye-Airbnb

Thola isiqondiso sokusebenzisa inqubo yokuhlanza yezinyathelo ezingu-5.
Ngu Airbnb ngo- Jun 4, 2020
Ungakufunda imizuzu engu-6
Kulungiswe ngomhla ka- Jun 25, 2021

Okuvelele

  • Inqubo yokuhlanza yenziwa izinyathelo eziyisihlanu: lunga, hlanza, hlanza nge-sanitizer, hlola futhi ulungiselele

  • Siyazi ukuthi kungaba nzima uqala ukusebenzisa indlela yokuhlanza entsha, ngakho-ke ungathola amacebiso engeziwe, izinhlu eziqokiwe zezinto okumelwe zenziwe, nokuningi esigabeni sokuhlanza sokokuthi Ithebhu yokusebenzayakho

    • Futhi ungahlola incwadi yokuhlanza yobuchwepheshe ye-Airbnb ukusiza ukusebenzisa inqubo yokuhlanza ethuthukisiwe yezinyathelo ezingu-5

    • Thola okwengeziwe eziqondisweni eziphelele zethu zokwenza indawo efanelekela izivakashi

    Ngenxa yokuthi inhlanzeko ibaluleke kakhulu kunanini ngaphambili, Ababungazi bezindawo zokuhlala badinga ukuzibophezela enqubweni yokuhlanza ethuthukisiwe yezinyathelo ezingu-5 ye-Airbnb—futhi silapha ukuze sikusize usebenzise le nqubo. Lesi sihloko sizokuchazela ngezinyathelo ezingu-5, kuhlanganise nesiqondiso esengeziwe, amacebiso, kanye nezindlela ezingcono kakhulu zokukusiza ukuthi ulandele indinganiso yokuhlanza engaguquguquki. Lezi zindlela ezingcono kakhulu zisekelwe encwadini yokuhlanza ethuthukisiwe, eyenziwe nezazi zezempilo nezokungenisa izihambi kucatshangelwa inhlalakahle yakho.

    Ngaphambi kokuhlanza, kubalulekile ukuthi wena noma abahlanzi bakho abangochwepheshe nicele iziphathimandla zendawo yangakini iziqondiso zobude besikhathi sokulinda esifanele ngaphambi kokungena endaweni. Ngokwesibonelo, i-U.S. Centers for Disease Control and Prevention isikisela ukulinda isikhathi eside ngangokunokwenzeka (okungenani amahora amaningana) ngemva kokuba isivakashi sihambe, ngaphambi kokungena endaweni njengoba kokhu kungasiza ukunciphisa ukuchayeka kwakho emagciwaneni. Ukuze ushiye isikhathi esanele sokuqedela inqubo yokuhlanza, ungabuye ucabangele ukufaka okuvimba ukubhukha phakathi kokubhukha ngokulungisa amasethingi akho esikhathi sokulungiselela.

    Ukuze sikusize uqale, sabelana ngezindlela ezinhle kakhulu ezimayelana nezinyathelo ezingu-5 zenqubo yokuhlanza: lungiselela, hlanza, hlanza nge-sanitizer, hlola bese usetha kabusha.

    Isinyathelo 1: Lungiselela ukuhlanzwa okuphephe kakhudlwana

    • Faka umoya ohlanzekile ngaphambi kanye nangesikhathi uhlanza. Iziphathimandla ezilawulayo ezinjenge-World Health Organisation (WHO) kanye ne-U.S. Centers for Disease Control and Prevention (CDC) zitusa ukuba uvule iminyango yangaphandle kanye namawindi futhi usebenzise amafeni okufaka umoya ukuze wandise izinga lokugeleza komoya egumbini ngaphambi kokuqala ukuhlanza nokubulala amagciwane. Faka umoya ohlanzekile egumbini isikhathi eside ngangokunokwenzeka ngaphambi nangesikhathi uhlanza.
    • Qongelela izinto zokuhlanza ezifanele. Situsa ukusebenzisa isibulali-magciwane noma i-sanitizer ebhalisiwe nomnyango kahulumeni wendawo ofanele (isb. I-European Chemicals Agency noma i-U.S. Environmental Protection Agency).
    • Buyekeza iziqondiso zakamuva zokuphepha zamakhemikhali akho. Funda amalebula emikhiqizweni yakho njalo ukuze uqonde izithako zayo ezisebenzayo nendlela yokuyisebenzisa ngokufanele.
    • Geza izandla zakho okungenani imizuzwana engu-20 ngensipho namanzi. Uma lokho kungenzeki, sebenzisa i-sanitizer yezandla equkethe u-60% wotshwala okungenani, bese uhlola nomnyango kahulumeni wendawo yangakini ukuze uthole iziqondiso zakamuva.
    • Faka izinto zokuzivikela. Ngaphambi kokungena endaweni, faka izinto zokuzivikela ezinjengamagilavu kanye nesifonyo noma indwangu eyemboza umlomo namakhala.
    • Khipha wonke udoti. Ukuqala ngalesi sinyathelo kusiza ukuvimbela udoti ongcolile ekungcoliseni indawo uma seyihlanziwe. Qinisekisa ukuthi ufaka izikhwama ezintsha kuyo yonke imigqomo kadoti, okuzokwenza kube lula ukulahla amaphepha okusula kanye nomunye udoti.
    • Qoqa wonke amashidi angcolile endaweni yakho yonke. Sizwe kuBabungazi ukuthi ukuwasha izimpahla kungomunye wemisebenzi edla isikhathi kunayo yonke phakathi kokuphuma nokungena kwezivakashi. Qoqa amashidi angcolile ngokushesha nje lapho ungena endaweni, futhi ugweme ukuwathintitha, okungandisa ukusakazeka kwamagciwane.
    • Khipha amapulagi ngaphambi kokuhlanza. Ngenxa yokuphepha kwakho nokuvikela izinto eziseduze, khumbula ukukhipha amapulagi wezinto zikagesi ngaphambi kokuzihlanza. Izinto zikagesi lezo amapulagi wazo axhunyiwe "ezicinyiwe" zisuke zisaxhunyiwe kugesi kuze kube yilapho sewakhishiwe amapulagi. Ungavala futhi amandla kuyi-breaker.

    Isikhumbuzo sokuphepha: Cabangela ukugqoka izinto zokuzivikela ezihlanzekile ngaphambi kokungena endaweni. Ukuhlola wonke amalebula okuphepha kungabuye kukusize uqonde indlela yokusebenzisa amakhemikhali okuhlanza ngendlela efanele.

    Isinyathelo 2: Hlanza uthuli nemfucumfucu

    Ukuhlanza kuyilapho ususa amagciwane nokugcola ezintweni ezisobala—ngokwesibonelo, ukusebenzisa indwangu enensipho ukusula ikhawunta yasekhishini noma phezu kwesitofu. Kubalulekile ukuqedela lesi sinyathelo ngaphambi kokuhlanza indawo yakho nge-sanitizer.

    • Washa amashidi ngezinga lokushisa eliphezulu kakhulu elituswe umkhiqizi. Khumbula ukugeza izandla zakho ngaphambi kokubamba noma imaphi amashidi ahlanzekile.
    • Geza zonke izitsha, bese ukhipha izitsha emshinini wokugeza izitsha. Kubalulekile ukugeza izitsha ezisetshenziswe yizivakashi ukuze uqikelele izinga lenhlanzeko elifanele. Uma ungenawo umshini wokugeza izitsha, geza izitsha usebenzisa amanzi ashisayo nensipho elwa namagciwane. Ukuze ugweme ukutheleleka ngamagciwane, qala ngokuhamba endlini yakho uqoqe izitsha kuwo wonke amagumbi.
    • Sula izintuli endaweni, bese uyashanela noma usebenzise i-vacuum phansi. Uma usula izintuli, qala phezulu uye phansi ukuqinisekisa ukuthi azikho izimpawu ezibonakalayo ezisele. Shanela zonke izindawo ezigandayiwe, bese uhlanza ikhaphethe nge-vaccum.
    • Hlanza izindawo eziqinile ngensipho namanzi. Sula indawo ngayinye ususe ukungcola, amafutha, uthuli, namagciwane. Izindawo eziqinile zihlanganisa izinto ezifana namatafula, osinki, amakhabethe, kanye naphansi lapho kunyathelwa khona. Lapho uhlanza phansi lapho kunyathelwa khona, suka ekhoneni elingemuva legumbi uye phambili, bese uchitha amanzi kusinki ongakahlanzwa.

    • Hlanza izindawo ezithambile ulandela iziqondiso zomkhiqizi. Izindawo ezithambile zihlanganisa izinto ezinjengokhaphethi, umbhede kanye nosofa nezihlalo. Uma ingcolile, susa ngokucophelela noma yikuphi ukungcola noma izisihla ezibonakalayo, bese uhlanza ngezinto zokuhlanza ezifanele. Uma kungenzeka, hlanza izinto emshinini ngokuvumelana neziqondiso zomkhiqizi.

    Isikhumbuzo sokuphepha: Ukusiza ukuvimbela ukusabalala kwamagciwane, ungabuthinti ubuso bakho lapho usahlanza.

    Isinyathelo 3: Hlanza ngezibulala-magciwane

    Ukuhlanza nge-sanitizer yilapho usebenzisa amakhemikhali ukunciphisa inani lamagciwane namabhakhtheriya. Kulesi sinyathelo, sifuna ukuba Ababungazi bahlanze nge-sanitizer zonke izindawo ezithintwa kakhulu. Ngokwesibonelo, Ababungazi bangahlanza nge-sanitizer izibambo zeminyango, izinkinobho zezibani, kanye namakhabethe ngokufutha kulezi zinto ikhemikhali eliyisibulalala-magciwane.

    • Lapho indawo isihlanzekile, yifuthe ngesibulala-magciwane. Gxila ekubulaleni amagciwane ezintweni ezithintwa njalo endlini (njengezibambo zomnyango kanye nezinkinobho zesibani). Qikelela ukuthi uhlanza nge-sanitizer izinto zikagesi ulandela iziqondiso zokuhlanza ezivela kumklami womkhiqizo.
    • Vumela isibulali-magciwane ukuba sihlale simanzi ubude besikhathi obubekiwe. Ilebuli yomkhiqizo izocacisa ukuthi kudingeka uhlale umanzi isikhathi esingakanani ukuze uhlanze nge-satinizer kahle indawo esobala. Lokhu kunika amakhemikhali isikhathi sokubulala amagciwane amaningi ngangokunokwenzeka.
    • Vumela okusulile ukuba komiswe umoya. Uma okusulile koma ngaphambi kwesikhathi sokuthinta okumanzi, asikho isiqinisekiso sokuthi umkhiqizo uwabulele ngempela amagciwane achazwe kulebula.

    Isikhumbuzo sokuphepha: Hlola onke amalebula okuphepha ukuze uqikelele ukuthi uwasebenzisa kahle amakhemikhali okuhlanza.


    Isinyathelo 4: Hlola izinhlu zakho zezinto okumelwe zenziwe zekamelo ngekamelo

    Uzokwazi ukungena ezihlwini eziqokiwe zezinto okumelwe zenziwe ngokusekelwe emininingwaneni yendlu yakho. Qinisekisa ukuthi uhlola izindlela ezingcono kakhulu ohlwini ngalunye lwezinto okumelwe zenziwe lwekamelo ngekamelo, futhi wabelane neqembu lakho lokubungaza noma ochwepheshe bokuhlanza.

    • Hlolisisa zonke izindawo ezisobala ezithintwa kakhulu ukuthi zihlanzwe nge-sanitizer. Singatha noma yini okungenzeka ukuthi ayenziwanga.
    • Phawula noma iziphi izinkinga zokulondoloza indawo noma izinto ezingekho. Njengoba udlula ukuze ubheke ukuthi kuqediwe yini, phawula noma iziphi izinto ezidinga ukushintshwa, ukugcwaliswa kabusha, noma ukubuyiselwa kabusha.

    Isinyathelo 5: Lungiselelela ikamelo

    Ukuze usize ekuvimbeleni ukutheleleka ngamagciwane, kubalulekile ukuqedela ukuhlanza nokuhlanza nge-sanitizer ikamelo ngaphambi kokulilungiselela kabusha isivakashi esilandelayo.

    • Lahla futhi uwashe izinto zakho zokuhlanza. Lahla imikhiqizo elahlwayo efana nokokusula amagciwane. Qiniseka ukuthi uphinde uhlanze noma yimaphi amanye amathuluzi asetshenzisiwe. Geza noma yiziphi izindwangu zokuhlanza ngezinga lokushisa eliphakame kakhulu elifanela leyonto.
    • Susa ngendlela ephephile noma yiziphi izinto zokuhlanza lapho usuqedile ukuhlanza. Lahla noma uwashe noma yiziphi izinto zokuzivikela ngokuvumelana neziqondiso zokusetshenziswa kwalezo zinto.
    • Geza izandla zakho okungenani imizuzwana engu-20 ngensipho namanzi. Uma lokho kungenzeki, sebenzisa i-sanitizer yezandla equkethe u-60% wotshwala okungenani, bese uhlola nomnyango kahulumeni wendawo yangakini ukuze uthole iziqondiso zakamuva.
    • Hlola igumbi ngalinye ngokulibuka ukuze uqinisekise ukuthi liungele isivakashi esilandelayo. Zicabange uyisivakashi ungena endlini yakho okokuqala.
    • Khipha izinto zokuhlanza ezizosetshenziswa yizivakashi zakho. Sizwile ezivakashini ukuthi zifuna ukukwazi ukuhlanza ngokwazo ngesikhathi zihlezi endaweni yakho. Siza izivakashi zakho ngokuzinikeza izinto zokuhlanza ezingazisebenzisa, njenge-sanitizer yezandla, amathawula ephepha alahlwayo, isifutho sokubulala amagciwane noma okokusula, nensipho yezandla eyengeziwe.
    • Gcwalisa kabusha izinto zakho zokuhlanza. Qinisekisa ukuthi ubheka izinsuku zokuphelelwa yisikhathi bese ugcwalisa noma yiziphi izinto ozisebenzisile ukuze ulungele ukungena kwezivakashi okulandelayo.

    Isikhumbuzo sokuphepha: Beka ngaso sonke isikhathi imikhiqizo yamakhemikhali endaweni izingane ezingenakufinyelela kuyo.

    Zibophezele ezindinganisweni eziphezulu zokuhlanza

    Manje njengoba usuyazi inqubo yokuhlanza enezinyathelo ezingu-5, sekuyisikhathi sokulungisa indlela osebenza ngayo manje futhi usebenzise lezi zindlela kuwo wonke amagumbi endlini yakho. Siyazi ukuthi kungaba nzima ukwamukela indlela entsha yokuhlanza, ngakho sibhale incwadi ecacile yokuhlanza enesiqondiso esisekelwa ochwepheshe, amacebiso okuphepha, kanye nohlu lwezinto ezihlolwayo ukuze ikusize usebenzise inqubo ye-Airbnb yokuhlanza ethuthukisiwe enezinyathelo ezingu-5. Sicela Ababungazi bezindawo zokuhlala ukuba balandele inqubo yokuhlaza ye-Airbnb ethuthukisiwe enezinyathelo ezingu-5 phakathi nakho konke ukuhlala.

    Lapho Ababungazi bezibophezela ekulandeleni inqubo yokuhlanza enezinyathelo ezingu-5, ukuzibophezela kwabo ekuhlanzeni okuthuthukisiwe kuzoboniswa ekhasini lendlu yabo ukuze kutshelwe izivakashi ukuthi bavumile ukulandela indlela engashintshi yokuhlanza.

    Sicela uphawule ukuthi izimfuneko zokuhlanza zingase zithuthukiswe ngokuhamba kwesikhathi njengoba isiqondiso sochwepheshe sishintsha. Inqubo ye-Airbnb yokuhlanza ethuthukisiwe eyizinyathelo ezingu-5 esekelwe esayensini eqhubeka ithuthuka kanye nencwajana enemininingwane ecacile yokuhlanza ihlose ukubeka phambili impilo nenhlalakahle yaBabungazi nezivakashi.

    Siyazi ukuthi ukufaka inqubo entsha endleleni yakho yokusebenza kuthatha isikhathi, ngakho sakha okokufunda nokwemikhiqizo ukuze sikusize uphothule ngokuphumelelayo nangokunembile lezi zinqubo zokuhlanza. Hlola ingxenye yokuhlanza yethebhu yakho yemininingwane ukuze uthole imfundo, amacebiso, kanye nohlu lwakho lokuhlola. Uze uthole isiqondiso esicacile, ungadawuniloda incwajana yokuhlanza.
    Imininingwane ekulesi sihloko kungenzeka ukuthi ishintshile kusukela ngesikhathi eshicilelwe ngaso. Inqubo yokuhlanza ethuthukisiwe eyizinyathelo ezingu-5 inikeza izimfuneko ezilula zokuhlanza indlu yakho. Ukuze uthole imininingwane eyengeziwe yendlela yokusebenzisa lezo zinyathelo, sicela uyihlole yonke incwajana yokuhlanza ye-Airbnb. NjengoMbungazi, kungadingeka uthathe izinyathelo ezengeziwe ukuze uvikele wena, amaqembu akho, kanye nezivakashi zakho, futhi kufanele uhlole futhi uthobele njalo nanoma imiphi imithetho yendawo esebenzayo noma iziqondiso. I-Airbnb ayinakubekwa icala nganoma ikuphi ukulimala noma isifo esibangelwa ukulandela le nqubo yokuhlanza. Ukuze uthole iziqondiso nemithetho yokuhlanza eqondene nendawo oyibungazayo, sicela ubekise lesi sihloko se-Help Center.

    Okuvelele

    • Inqubo yokuhlanza yenziwa izinyathelo eziyisihlanu: lunga, hlanza, hlanza nge-sanitizer, hlola futhi ulungiselele

    • Siyazi ukuthi kungaba nzima uqala ukusebenzisa indlela yokuhlanza entsha, ngakho-ke ungathola amacebiso engeziwe, izinhlu eziqokiwe zezinto okumelwe zenziwe, nokuningi esigabeni sokuhlanza sokokuthi Ithebhu yokusebenzayakho

      • Futhi ungahlola incwadi yokuhlanza yobuchwepheshe ye-Airbnb ukusiza ukusebenzisa inqubo yokuhlanza ethuthukisiwe yezinyathelo ezingu-5

      • Thola okwengeziwe eziqondisweni eziphelele zethu zokwenza indawo efanelekela izivakashi
      Airbnb
      Jun 4, 2020
      Ingabe lokhu kube wusizo?