Okwenza kubaluleke kangaka ukuphendula izivakashi ngokushesha

Ukusebenzisa amathuluzi e-Airbnb kungakusiza uphendule kalula.
Ngu Airbnb ngo- Mey 4, 2021
Ungakufunda imizuzu engu-2
Kulungiswe ngomhla ka- Mas 9, 2023

Ababungazi abaphumelela kakhulu baphendula imiyalezo yezivakashi ngokushesha nje lapho beyithola. Empeleni, ukuba nezinga lokuphendula elihle kungasiza indlu yakho ivele phezulu ekusesheni kwezivakashi.

Impendulo esheshayo ibaluleke ikakhulukazi ngaphambi kokubhukha, lapho izivakashi zingase zidinge eminye imininingwane yokuba zibhukhe, kanye nangesikhathi sokungena nokuphuma, lapho izivakashi zingase zidinge impendulo esheshayo emibuzweni. Sicele Ababungazi abagcina izinga lokuphela elishesha kakhulu ukuthi babelane ngamacebiso ambalwa.

Ukuba ophendulayo kakhudlwana

“Hlolisisa ukuthi imiyalezo yakho yezaziso ze-app ye-Airbnb, i-SMS, kanye ne-imeyili ziyasebenza yini, ukuze zibonakale efonini yakho ephathwayo lapho kungena umyalezo omusha,” kusho u-Omar, uMbungazi Ovelele e-Mexico City.

Kusuka lapho, zama amathuluzi e-Airbnb ukuze wenze izimpendulo zakho zisebenze ngokuzenzakalelayo. U-Kath, uMbungazi e-Albany, e-Australia, uyakuthanda ukusebenzisa izimpendulo ezisheshayo. “Zonga isikhathi kakhulu futhi zingivimbela ukuba ngibhale into efanayo ngokuphindaphindiwe,” uyasho.

Imiyalezo eshejuliwe ibuye ibe usizo, ikakhulukazi ekungeneni nasekuphumeni. U-Keshav, ilungu leBhodi Yabeluleki Bababungazi e-New Delhi, e-India, uthumela umyalezo oshejuliwe amahora angu-24 ngaphambi kokungena ngakunye ohlanganisa iziqondiso zokungena endaweni yakhe neminye imininingwane yokufika.

“Uma ngingasiboni isivakashi lapho kuyisikhathi sokungena, ngimthumelela omunye umyalezo wokubuza ukuthi, ‘Sawubona, unayo yonke imininingwane? Nayi futhi, uma kwenzeka uzama ukuthola indawo,’” kusho u-Keshav.

Indlela izinga lokuphendula elibalwa ngayo

Izinga lokuphedula lakho ubuningi bemiyalezo emisha evela ezivakashini oyiphendule emahoreni angu-24 ezinsukwini ezingu-30 ezidlule.

  • Lokhu kuhlanganisa ukuphendula imibuzo emisha evela esivakashini, kanye nokwamukela, ukugunyaza kusengaphambili, noma ukwenqaba isicelo sokubhukha.

  • Ukuthatha amahora angaphezu kwangu-24 ukuphendula kuzonciphisa izinga lokuphendula lakho lilonke futhi kukhulise isikhathi sokuphendula esiyisilinganiso.

Ingxenye eyinhloko yokubungaza ukuhlala uxhumekile ku-akhawunti yakho ye-Airbnb nokuphendula imiyalezo ngokushesha. Ukwenza lokho kuthuthukisa izinga lokuphendula lakho futhi kusiza indlu yakho ukuba ivele phezulu emiphumeleni yokusesha.

Imininingwane ekulesi sihloko kungenzeka ukuthi ishintshile kusukela ekushicilelweni.
Airbnb
Mey 4, 2021
Ingabe lokhu kube wusizo?