Indlela yokwamukela izivakashi zakho zokuqala ze-Airbnb
Okuvelele
Faka iziqondiso zokungena zakamuva ukuze wenze ukufika kube lula
Tholakala ezivakashini futhi ugcine indawo yakho ihlanzekile
Bungaza ngokungabandlululi, kuyingxenye esemqoka yokuba uMbungazi ophumelelayo
Ungase ushaywe uvalo njengoba ulindele ukufika kwezivakashi zakho zokuqala. Kodwa sizokusekela kuzo zonke izinyathelo. Ingabe ufuna ukujabulisa izivakashi zakho zokuqala kanye nezilandelayo? Hlola lo mhlahlandlela wezinyathelo ezinhlanu.
Isinyathelo 1: Xhumana nazo kusenesikhathi futhi kaningi
Ukwamukela izivakashi kuqala ngaphambi kokuba zingene emnyango. Ngokuphendula ngokushesha imiyalezo yezivakashi, uzenza zazi ukuthi uyazikhathalela izidingo zazo.
Lezi zingxoxo zokuqala ziphinde zibe yithuba lokusho okulindelekile. Amanye amacebiso awusizo:
- Thembeka. Izivakashi kungenzeka aziyibonanga imininingwane ebalulekile encazelweni yendlu yakho. Kuwumqondo omuhle ukuzikhumbuza uma wena, umndeni wakho, ezinye izivakashi, noma izilwane ezifuywayo nizohlanganyela noma yiziphi izindawo nazo.
- Yiba nelukuluku. Ungavula umnyango wokungabandlululi ngokumane ubuze izivakashi zakho, Yini eniyidingayo ukuze nizizwe nikhululekile futhi namukelekile endaweni yami?
- Phendula ngendlela elula. Sebenzisa imiyalezo ye-Airbnb noma i-app ukuze uphendule izivakashi lapho usekhaya nalapho usendleleni.
- Cabangela phambili. Uma ulindele ukuthumela imininingwane efanayo ezivakashini eziningi, yonga isikhathi ngokusebenzisa amathuluzi ethu emiyalezo.
Isinyathelo 2: Yenza ukungena kube lula
Ungaphendula imibuzo evamile futhi wenze izinto zibe lula ezivakashini ngokuthi ugcwalise zonke izikhala ezingaphansi kwengxenye ethi Imininingwane yezivakashi kuthebhu yakho ethi Izindlu, kuhlanganise neziqondiso zokufika endaweni yakho, iziqondiso zokungena, nemininingwane ye-wifi. Lokhu kuzofakwa kumathebhu Ohambo ezivakashi zakho emahoreni angu-48 ngaphambi kokuba zingene.
Izivakashi—ikakhulukazi lezo ezivela emiphakathini eyayibukelwa phansi ngaphambilini—ziveze ukuthi ukuzingenisa kungazenza zizizwe zikhululeke kakhudlwana. Kodwa uma useduze, ungakwazi ukubuza izivakashi zakho ukuthi zingathanda yini ube khona lapho zingena.
Isinyathelo 3: Gcina izinto zihlanzekile futhi zicocekile
Lapho izivakashi zibhukha ku-Airbnb, zilindele ukuthola indawo ehlanzekile. Uma izivakashi zithola izintuli egumbini lokulala noma izimvuthuluka ekhishini, lokho kungaba ukuphela kwento eziyikhumbulayo ngendawo yakho.
Ukuthola izinwele kuyaluqeda uthando ngendawo, ngakho qiniseka ukuthi unakisisa izindawo ezivame ukuba nezinwele, njengamashidi, amathawula, phansi, nezindlu zokugezela. Futhi ukuba nezinto eziningi kakhulu kuzokwenza indawo yakho iminyane, ngakho zama ukubeka noma yiziphi kulezi zinto kuklozethi noma endaweni ecishe ifane engekho endleleni
Isinyathelo 4: Zazi izidingo zezivakashi
Isivakashi ngasinye sihlukile, kodwa eziningi zizolindela ukuthola izinto ezithile kanye nemininingwane ngokushesha. Ungase ucabangele:
- Ukufaka endaweni yakho izinto ezidingekayo eziyinhloko, ezihlanganisa amathawula, amalineni, insipho, nephepha lasethoyilethi
- Ukuthuthukisa imanyuwali yendlu yakho ukuze unikeze izivakashi imininingwane ebalulekile mayelana nezindawo okungamelwe ziye kuzo, iziqondiso ze-wifi, njll.
- Ukubhala incwadi yeziqondiso echaza ngezindawo zokudlela ozithandayo, izitolo zokuthenga, izitolo zekhofi, nokunye
- Ukuzenza utholakale ngomyalezo, ucingo, noma nge-imeyili uma kwenzeka kube nokungahambi kahle
- Ukubhala phansi izinombolo zocingo zabantu ababalulekile, njengomuntu olungisa amapayipi wamanzi, umuntu olungisa izinto ezonakele endlini, inkampani elungisa i-inthanethi nethelevishini, noma omakhelwane abatholakala kalula
Isinyathelo 5: Nikeza futhi uthole ukuphawula
Uma izivakashi zakho seziphumile, zizoba nethuba lokushiya ukuphawula ngendawo yakho. Ukuphawula kwakho kokuqala okumbalwa kubalulekile empumelelweni yakho ku-Airbnb. Isilinganiso sakho esivamile senkanyezi sizovela endlini yakho ngemva kokuthola ukuphawula kwabantu abathathu futhi singase sithinte ukuma kwakho emiphumeleni yokusesha.
Uzothola nethuba lokuphawula ngezivakashi. Inqubo yokuphawula isiza ekwakheni ukwethembana phakathi kwezivakashi naBabungazi, okusungula isisekelo sawo wonke umphakathi we-Airbnb. Thembeka futhi ube nenhlonipho endleleni owenza ngayo, futhi usebenzise imithetho efanayo ukuze uhlole zonke izivakashi.Okuvelele
Faka iziqondiso zokungena zakamuva ukuze wenze ukufika kube lula
Tholakala ezivakashini futhi ugcine indawo yakho ihlanzekile
Bungaza ngokungabandlululi, kuyingxenye esemqoka yokuba uMbungazi ophumelelayo