I-Coronavirus (COVID-19) icekele phansi imboni yezohambo kulo nyaka, yaphazamisa ababungazi emhlabeni jikelele. Ukuze kusizwe umphakathi wethu, izisebenzi ze-Airbnb zinikele ngo-$1 miliyoni ovela emaphaketheni azo ukuze baqalise isikhwama sababungazi abadonsa kanzima. Abasunguli be-Airbnb nabo futhi banikele ngo-$9 miliyoni—ngaphezu komunye u-$7 miliyoni ovela kubatshalizimali—kwaba yingqikithi ka-$17 miliyoni.
“Njengoba ngingusonhlalakahle, iholo lami alanele ukukhokha izikweletu nokufundisa indodana yami. Muva nje, ubaba wendodana yami utholakale enomdlavuza futhi ngokudabukisayo washona. Iholo engilithole ku-Airbnb lisizile ekukhokheleni ukwelashwa kwakhe futhi manje lisetshenziselwa ukusiza ekunakekeleni umama wakhe. Ukuhlangana nabantu abasha nokwenza abangane baphakade nge-Airbnb bekulokhu kuyinduduzo. Ukuthola lesi sibonelelo kungokuthile okuhle kulezi zikhathi ezinzima kakhulu.”
“I-Covid-19 isibe nomthelela omkhulu esimweni sethu sezezimali. Kusukela sadilizwa, asinayo imali eyanele yokuzondla. Sizale usana ngenkathi le nkinga isaqhubeka. Ukuthola lesi sibonelelo kusisizile sakhokha izikweletu futhi sanakekela ingane yethu.”
“Ngithathe umhlalaphansi futhi umkami akasebenzi. Phakathi nesikhathi se-COVID-19, ngahlinzelwa umdlavuza okungibangele izindleko ezinkulu ezingalindelekile. Ukubungaza ku-Airbnb kusivumele ukuba sikhokhele ibhondi yethu kanye nezindleko kodwa i-COVID manje isibe nomthelela ekubhukheni kwethu. Ukuthola lesi sibonelelo kuzosisiza ukuba sidlule kule nkathi enzima ngokuhamba kwesikhathi. ”