Indlela yokukhetha indawo efanele

Izivakashi zithanda ukuchitha isikhathi ezindaweni ezizisiza zixhumane nesiko lendawo. Bonisa indlela indawo okuyo inokubaluleka okukhethekile ngayo nokuthi kungani uyikhethile.

Okungenani, indawo yakho mayinethezeke, ihlanzeke, futhi iphephe. Kufanele futhi ihambelane nokwenziwayo.

• Xoxa ngesizinda sendaba. Thana fahlafahla ngomlando ocebile wendawo nangamagugu ayo ukuze ugcizelele ukubaluleka kwayo. UDebora, obungaza amakilasi okupheka ekhaya lakhe eRome, uxoxa ngamaresiphi, izingoma, namanye amasiko awafundiswa ngugogo wakhe. Uthi, “Konke esikwenzayo kunomlando.”
• Ungayi kude. Funa izindawo izivakashi ebezingeke zizithole kwenye indawo. URuby, obungaza okokuzithokozisa kokudla eLisbon, uthi izivakashi uzivakashisa amabhizinisi emindeni yasendaweni kuphela, njengesitolo esincane sezinto ezibhakiwe. Uthi, “Kushiya izivakashi zisale zibambe ongezansi.”

Khetha indawo engalibaleki ebonisa isiko lendawo.

• Zivumele zingene ezindaweni njengabantu bendawo. Vakashela izindawo izivakashi ebezingeke zikwazi ukufika kuzo ngokwazo. UTeresa, obungaza ikilasi lokunambitha iwayini eLisbon, uzama ukufaka “okuhlukile,” njengokuthola izindawo ezingavulelekile emphakathini noma ukuhamba ngamahora angavamile. Uthi, “Lokhu kwakha umuzwa wokuthi uthole okuthile okusha.”
• Gxila ezintweni ezitholakala endaweni. Okubukwayo, imisindo, nokunambitheka kwenza indawo ihluke kwezinye. “Isimo sendawo kumele sikwenze uzizwe ungathi usukwenye indawo ngokushesha,” kusho uGraciela, obungaza ikilasi lokupheka eMexico City. “Izivakashi ziyazi ukuthi okokuzithokozisa kwazo kuzoba mnandi yini, zisafika nje.”

Ukubungaza endaweni engazange iguqulwe nefanelana nalokho okwenzayo kungaholela ekutholeni izilinganiso nokuphawula okungcono.

Bonke ababungazi, izithombe, nemininingwane yokufakwe ku-Airbnb kumele kuhlangabezane namazinga nezimfuneko Zokokuzithokozisa kwe-Airbnb.

Imininingwane ekulesi sihloko kungenzeka isishintshile selokhu sashicilelwa.