Indlela yokuthuthukisa ukuxhumana

Izivakashi ziyawazisa amathuba okuxoxa nawe ngokusuka enhliziyweni kanye nezinye izivakashi. Yenzani izinto eningeke nizikhohlwe, ngaphambi, phakathi, nangemva kokokuzithokozisa ukuze zizozizwa zinokuxhumana futhi zizizwe zisekhaya.

Yakha isikhathi emininingwaneni yohambo lwakho ukuze izivakashi zikwazi ukusondelana nawe, zisondelane nomunye nomunye futhi zisondelane nanomphakathi wakho. Lokhu kungabandakanya okuthile okuzokwenziwa obekuhleliwe nobekungahleliwe.

• Hlela ukuthi ingxoxo izoqaliswa ngani. Cabangela umbuzo omfishane, njengokubuza izivakashi ukuthi zisukaphi. UGraciela, obungaza ikilasi lokupheka eMexico City, wake wenza izivakashi zakhe ezivela emazweni zathola ukuthi zingomakhelwane. Uthi, “Leso isingeniso esilula senza kwaba nokusondelana obekungalindelekile.”
• Vumela iqembu lazane. Ungase umeme izivakashi ukuba zixoxe ngesihloko esithile noma uxoxe indaba ezozisiza zazane. “Ngihlangana nabantu abahle kakhulu abanezindaba zokuphila ezimangalisayo,” kusho u-Alan, obungaza uhambo lwaseNiagara Falls. “Futhi bakhetha ukwenza okokuzithokozisa ukuze bahlangane nabantu. Bakudinga ngempela lokho kuxhumana nabanye abantu.”
• Yethula umphakathi wakini. Siza izivakashi zixhumane nabantu bendawo, kungakhathaliseki ukuthi kuhleliwe noma akuhleliwe. URuthy, obungaza okokuzithokozisa kokudla eLisbon, uthi uyi-glue ehlanganisa izivakashi nomphakathi. “Izivakashi ziyajabula lapho sizethula kugogo osemgwaqweni.”

Uma wenza ushintsho ukuze unikeze izivakashi isikhathi sokuxhumana, lungisa imininingwane yohambo lwakho ukuze zikwazi ezingakulindela.

Khuluma njalo nezivakashi zakho kuthebhu ethi Imiyalezo ngaphambi nangemva kokokuzithokozisa.

• Hlela isikhathi sokuthumela umyalezo wokwamukela izivakashi. Qalisa imiyalezo yeqembu ngesingeniso. Buza ukuthi yini ezinethemba lokuyithola kulokhu kuzithokozisa nokuthi ukhona yini ogubha isenzakalo esikhethekile.
• Funda ngeqembu ngalinye. Hlala uhilelekile engxoxweni ukuze wenze kube nalokho kuxhumana okuseduze. Uzophinde uthole imininingwane ngezivakashi zakho kuthebhu ethi Namhlanje, ebandakanya nalokho ezikuthandayo nokuthi zivelaphi.
• Ngemva kwalokho, landelela. Yabelana ngezithombe, amavidiyo, nokutusa, futhi ukhuthaze izivakashi ukuba zenze okufanayo. Lokhu kungasiza ekuqiniseni ukuxhumana okwenziwe izivakashi ezibe nako futhi kugcine okokuzithokozisa kukhumbuleka lapho zicelwa ukuba zinikeze izilinganiso kanye nokuphawula.

Bonke ababungazi, izithombe, nemininingwane yokufakwe ku-Airbnb kumele kuhlangabezane namazinga nezimfuneko Zokokuzithokozisa kwe-Airbnb.

Imininingwane ekulesi sihloko kungenzeka isishintshile selokhu sashicilelwa.