Indlela yokukhetha nokufaka izithombe zekhwalithi ephezulu

Izivakashi zivame ukuncika ezithombeni ukuze zinqume ukuthi zibhukheni ku-Airbnb. Izithombe zokokuzithokozisa kwakho kufanele zidonse amehlo, zicacise lokho okungalindelwa, futhi zakhe isasasa.

Zonke izithombe ozithumelayo kufanele zibe ezekhwalithi ephezulu. Isithombe ngasinye kufanele sibe nerezolushini engamaphikseli angu-800 x 1,200 nosayizi wefayela ongaba amamegabhayithi angu-10. Ungathola le miphumela ngamakhamera amaningi wesmathifoni.

Thumela izithombe:

• Ezithathwe nguwe noma ozisebenzisa ngemvume
• Ezinemibala, hhayi ezingumbala omnyama nomhlophe
• Ezikhanya kahle, kutuswa ukukhanya kwemvelo
• Ezingenazinto eziningi nakungemuva
• Ezingekho lufifi, okuthwebulayo kube maphakathi
• Eziyinhlanganisela yemininingwane eseduze nebuqamama

Ungathumeli izithombe:

• Ezimnyama noma usebenzise i-flash ngokweqile
• Ezilufifi, ezingacacile, noma zerezolushini ephansi
• Ezihlelwe kakhulu, ezihlungiwe, noma eziguquliwe
• Ezingama-selfie noma izithombe eziphozelwe
• Ezibhangqiwe
• Eziyizinhlobo ezingaphezu kolulodwa lwesithombe esifanayo
• Zamalogo noma amabhrendi

Uma udinga izithombe ezengeziwe, cabangela ukucela abangani noma umndeni ukuba bathathe izithombe benalawa macebiso engqondweni. Noma cela izivakashi zikuthumelele izithombe zazo ezinhle kakhulu futhi zikunikeze imvume yokuzisebenzisa kokufake ku-Airbnb.

Thumela izithombe ezingu-5 noma ngaphezulu—eziningi ngangokunokwenzeka njengoba ufuna ukuheha izivakashi nokubonisa ngokucacile lokho ezingakulindela.

Izithombe ziboniswa ezindaweni ezingu-3 kokokuzithokozisa okufakwe ku-Airbnb: kugridi, emininingwaneni yohambo, nakugalari yezithombe. Uzokhetha nesithombe sekhava esikhangayo, esibonwa yizivakashi emiphumeleni yokusesha ku-Airbnb.

Sizobuyekeza izithombe ozithumelayo futhi sigunyaze izithombe ezihlangabezana nemithetho yethu. Nakhu okumelwe ukuthumele engxenyeni ngayinye.

Igridi. Izithombe ezine phezulu kokufake ku-Airbnb zakha lokho okubizwa ngokuthi igridi. Faka izithombe:

• Zezivakashi ezibamba iqhaza kokwenziwayo okuyinhloko
• Zalapho uhola okokuzithokozisa
• Zesici esibalulekile, njengesithombe esithathelwe eduze sento egqokwayo noma sesithako
• Zendawo, njengesithombe esiveza indawo ebanzi yalokho okwenziwayo

Imininingwane yohambo. Imininingwane yohambo iyi-ajenda emfushane esiza izivakashi zinqume ukuthi okokuzithokozisa kuyafaneleka yini. Izithombe zemininingwane yohambo zincane, ngakho khetha izithombe ezingeyona inkimbinkimbi ezinengemuva elingenalutho. Faka izithombe:

• Zezikhathi ezihambelana nezincazelo ozibhalile
• Zabantu, izinto, neminye imininingwane okulula ukuyiqonda

Igalari yezithombe. Izivakashi zingabuka zonke izithombe ozifaka kugalari yezithombe. Igalari yakho kufanele ibonise ukuthi yini eyenza okokuzithokozisa kuhehe futhi kukhumbuleke. Faka izithombe:

• Zezivakashi zisebenzelana nawe, nanoma yimuphi umbungazi ongumsizi, kanye nezinye izivakashi
• Zokwenziwayo okuthwetshulwe kuma-engeli ahlukahlukene, okuhlanganisa lokho okubonwa izivakashi
• Noma yiziphi izinto izivakashi ezingalindela ukuya nazo ekhaya zizigcine

Qiniseka ukuthi unemvume yokusebenzisa noma yiziphi izithombe ozithumelayo, nokuthi izithombe zikubonisa ngokunembile okokuzithokozisa.

Bonke ababungazi, izithombe, nemininingwane yokufakwe ku-Airbnb kumelwe kuhlangabezane namazinga nezimfuneko zoKokuzithokozisa kwe-Airbnb.

Imininingwane ekulesi sihloko kungenzeka isishintshile selokhu sashicilelwa.