Ideshibhodi entsha ikunika umbono ocacile weholo lakho
Kulula ukwenza izinhlelo zebhizinisi lakho lokubungaza lapho ungabuka iholo lakho endaweni eyodwa. Ideshibhodi yethu yeholo edizayinwe kabusha yenza lokhu kwenzeke.
Uzothola ukucazwa okuningiliziwe kwemali oyikhokhelwe esikhathini esidlule nosazoyikhokhelwa esikhathini esizayo, imibiko eqokiwe, izihlungi, nokusesha.
Iholo lakho
Ungangena kudeshibhodi entsha kuthebhu yeMenyu. Khetha Iholo ukuze uyivule. Phezulu, ishadi libonisa:
- Imali osuyenzile enyangeni ngayinye kweziyisithupha ezidlule
- Imali osuyenzile kuze kube manje kule nyanga
- Imali ongase uyenze enyangeni ngayinye kweziyisithupha ezizayo ngokusekelwe ekubhukheni okuzayo
Amabalengwe onyaka odlule kusukela namuhla
Ngaphansi kweshadi leholo ungavula amabalengwe onyaka odlule kusukela namhlanje abala iholo lakho kusukela ngo-January 1 walowo nyaka. Amabalengwe abonisa iholo lakho eliphelele—ingqikithi yemali oyitholayo ngaphambi kokudonswa kwemali. Imali ngayinye edonswayo ibhalwe emgqeni wayo, futhi ingqikithi yemali oyikhokhelwayo ibhalwe ngezansi nje kwayo.
Nakhu ozokubona:
- Iholo selilonke
- Izintela ezigodliwe
- Izindleko zesevisi ezidonsiwe
- Noma iyiphi imali oyikweletayo
- Ingqikithi oyikhokhelwayo
Imininingwane yokukhokhelwa
Ideshibhodi igqamisa imali osazoyikhokhelwa nosanda kuyikhokhelwa. Isohlwini olukwesokudla ngezansi kwamabalengwe eholo lakho.
Vula ukukhokhelwa ukuze uthole imininingwane yethranzekshini, okuhlanganisa:
- Ukucazwa kwenani
- Usuku ekhokhelwe ngalo noma eshejulelwe ukukhokhelwa ngalo
- Ikhodi yokubhukha exhunyiwe
- Igama nesithombe sesivakashi
- Noma yimiphi eminye imininingwane esebenzayo, njengokukhokhelwa koMbungazi Ongumsizi, izicelo zeSikhungo Sezixazululo, noma iminikelo ephindaphindwayo ku-Airbnb.org
Ukusesha nezihlungi
Zonke izinkokhelo zifakwe ngokulandelana kwezikhathi ukuze zikusize uskrole kalula umlando wamathranzekshini akho. Thola imali oyikhokhelwa ngokuqondile ngokusesha inani eliqondile lenkokhelo noma ikhodi yokuqinisekisa ukubhukha.
Ukwazi nokukhetha ukuhlunga imali oyikhokhelwayo ngalezi zindlela:
- Usuku, kuhlanganise ngokwezinsuku ezithile
- Indlu, khetha indlu eyodwa noma ngaphezulu ngasikhathi sinye
- Indlela yokukhokhelwa, khetha indlela eyodwa noma ngaphezulu ngasikhathi sinye
Imibiko eqokiwe
Ungakhiqiza imibiko yeholo ngezinyathelo ezimbalwa ezilula:
- Vula uhlu oluphelele lwemali osuyikhokhelwe nosazoyikhokhelwa bese uthepha okuthi Thola umbiko
- Khetha ukuthi uyawuvula yini umbiko kudivayisi yakho noma uzithumelele i-imeyili njengefayela elinamathiselwe
- Khetha ukuthi yimiphi imininingwane ongathanda ukuyifaka, njengendlela yokukhokhelwa, usuku lokubhukha, nekhodi yokuqinisekisa ukubhukha
- Thepha okuthi Sungula umbiko
Amasethingi namadokhumenti
Uzothola amasethingi akho okukhokhelwa, imininingwane yentela, namanye amadokhumenti eholo awusizo ezansi kwedeshibhodi.
Ideshibhodi entsha yeholo iyingxenye yalokho Okukhululwa Ngo-November 2023 Kwe-Airbnb. Qala ukusebenzisa izici ezintsha namhlanje uma ungena kokuthi Imvume Yabokuqala.
Ukusebenzisa kungahluka ngokwendawo.
Imininingwane ekulesi sihloko kungenzeka isishintshile selokhu sashicilelwa.