Indlela yokukhetha amasethingi akho okubhukha

Ungamukela ukubhukha kwezivakashi ngendlela eyodwa kwezimbili: ngokuzenzakalelayo ngokuBhukha Okusheshayo, noma ngokuphendula mathupha ezicelweni zokubhukha. Izivakashi nababungazi abaningi bayayithanda indlela elula eyonga isikhathi yokuBhukha Okusheshayo.

Ukubhukha Okusheshayo kuvumela izivakashi ukuba zibhukhe ngokushesha noma yiziphi izinsuku ezitholakalayo ekhalendeni lakho. Uzothola kuphela izicelo zokubhukha okunezimo ezikhethekile ezidinga imvume yakho, njengokuhlala okungaphezu kobusuku obungu-31. 

Zonke izivakashi kumelwe ziyamukele imithetho yendlu yakho futhi zihlangabezane nezimfuneko zokubhukha ze-Airbnb. Ngemva kokushicilela okufake ku-Airbnb, ungafaka amasethingi adinga izivakashi ezisebenzisa Ukubhukha Okusheshayo ukuba:

• Zibe seziqede ukubhukha ngaphandle kokuphawula okubi noma isigameko esibikwe kwaboSizo Lwe-Airbnb.
• Zifunde futhi ziphendule imibuzo emyalezweni ozenzakalelayo owusungulayo wangaphambi kokubhukha.

Uma isivakashi sifuna ukubhukha indawo yakho, uzothola isicelo sokubhukha. Uzoba namahora angu-24 okuba wamukele noma wenqabe isicelo ngaphambi kokuba siphelelwe yisikhathi. Ungasetha izaziso ukuze uqiniseke ukuthi uthola izicelo ngokushesha okukhulu.

Uma isivakashi sithumela isicelo sokubhukha, izinsuku zivalwa ngokuzenzakalelayo ekhalendeni lakho ukuze kuvinjelwe ukungqubuzana kwazo nezicelo eziseza. Lezo zinsuku zihlala zivaliwe uma usamukela isicelo noma uma usiyeka siphelelwe yisikhathi, ngakho kubalulekile ukuphendula kuzo zonke izicelo ngokushesha.

Amasethingi akho okubhukha azoshintshela kokuthi Ukubhukha Okusheshayo ngemva kokuba usuqinisekise ukubhukha okungu-5. Ungabuyekeza amasethingi akho noma nini.

Nazi ezinye izinto okufanele uzicabangele lapho ukhetha amasethingi okubhukha kwakho:

Ukubhukha Okusheshayo

• Izivakashi ziyakuthanda ukukwazi ukuqinisekisa ukubhukha ngokushesha, okungaholela ekubhukheni okwengeziwe.
• Ukubhukha Okusheshayo kwamukela ukubhukha ngokwemithetho oyisethile.
• Kuzodingeka ugcine ikhalenda lakho libuyekeziwe futhi ulivumelanise nanoma yimaphi amanye amakhalenda owasebenzisayo.

Izicelo zokubhukha

• Izivakashi ziyazazisa izimpendulo ezisheshayo, ngakho kungcono ukusebenzisa le ndlela kuphela uma ukwazi ukuphendula engakapheli amahora angu-24.
• Ufuna ukugcizelela imithetho noma izici ezikhethekile zendawo yakho, njengezitebhisi eziholela endaweni yokungena okuwukuphela kwayo.
• Awukwazi ukwenqaba izicelo ngezizathu ezephula inqubomgomo yokungabandlululi ye-Airbnb.

Khetha indlela ezokusiza ugweme ukukhansela izivakashi ngezizathu ezingavinjelwa, okungaholela ezindlekweni nakweminye imiphumela.

Imininingwane ekulesi sihloko kungenzeka isishintshile selokhu sashicilelwa.