Ukuqinisekisa ukuthi indawo yakho ihlanzekile

Ukunikeza indawo ehlanzekile kuyingxenye ebaluleke kakhulu yokubungaza kwezinkanyezi ezinhlanu. Njengengxenye yemithetho ebekiwe yaBabungazi, zonke izindawo ezifakwe ku-Airbnb kufanele zihlanzeke futhi zingabi nazo izingozi zempilo lapho izivakashi zingena. ABabungazi abanesu lokuhlanza eliqinile bazothola impumelelo enkulu.

Kungakhathaliseki ukuthi umsebenzi uwenza ngokwakho noma uqasha umuntu ozohlanza, kubalulekile ukuthi indawo yakho ibe ehlanzeke kakhulu phakathi nokuhlala kwesivakashi ngasinye, isikhathi ngasinye.

Uma izivakashi zithola unwele endlini yokugezela noma izitsha ezingcolile kusinki, ukuhlala kwaso kuyaphazamiseka. Lokhu kungase kuziholele ekutheni zibhale ukuphawula okubi, noma zifushanise ukuhlala kwazo.

Uma uqasha umuntu ozohlanza, yenza inqubo yokuhlanza ngokwakho kanye ukuze uzokwazi ukuthi yini edinga ukwenziwa. Qiniseka ukuthi uhlela isikhathi esanele phakathi nokubhukha ukuze umsebenzi wenziwe kahle. Thola umuntu ohlanzayo wesibili noma enye ibhekhaphu uma kwenzeka umuntu ohlanzayo engafiki ngelinye ilanga.

Lapho uhlanganisa uhlelo lwakho, zama lawa macebiso abanye aBabungazi:

• Ndlula umbhede bese uwasha izingubo kuqala ukuze ube nesikhathi esanele sokuwasha okunye uma kudingekile.
• Hlanza futhi udaside wonke amasafeyisi, unake ngokukhethekile izinto ezithintwa kakhulu njengamarimothi nezibambo zesicabha.
• Ndlala imibhede, shintsha amathawula, setha kabusha izingubo zokulala zokuhlobisa nemicamelo, sebenzisa irola yokususa uboya kunoma yini eyidingayo.
• Vula amafasitela ngenkathi uhlanza ukuze kungene umoya ohlanzekile uma isimo sezulu sivuma.
• Shanela futhi umophe indawo ephansi ekugcineni ukuze ususe noma yiziphi izintuli noma udoti.

• Zonke izindawo zidasidiwe futhi zahlanzwa.
• Zonke izindawo eziphansi zihlanzwe nge-vacuum noma zashanelwa futhi zahlanzwa ngemophu.
• Zonke izindawo azinazo izimbungulu, izinambuzane, ulwebhu, isikhunta, namabala angcolile.
• Yonke ilineni namathawula kuhlanzekile, kunuka kahle, futhi akunawo amabala.
• Yonke imibhede indlaliwe, ithintithiwe, futhi uboya bususiwe.
• Wonke amathoyilethi, osinki, amashawa, nobhavu bahlanzekile futhi basuswa amagciwane.
• Yonke i-shampoo, insipho yokugeza umzimba, insipho yokugeza izandla, noma insipho yokuwasha izitsha igcwalisiwe.
• Zonke izinto zomuntu siqu zibekwe endaweni esithekile.
• Zonke izitsha zokudlela, izinto zokupheka, nezinkezo zihlanzekile futhi zibekiwe.
• Zonke izinto zasekhishini, okuhlanganisa ifriji, isitofu, nohhavini, kuhlanzekile futhi kulungele ukusetshenziswa. Akukho ukudla okusele okusefrijini.
• Wonke udoti ukhishiwe.
• Indawo inuka kamnandi futhi ihlanzekile.