Thola ukuphawula kwakho kokuqala kwezinkanyezi ezingu-5

Izilinganiso nokuphawula kusiza izivakashi zinqume ukuthi okokuzithokozisa kwakho kuzilungele yini. Ukuphawula okuhle kungaholela ekubhukheni okwengeziwe neholo elengeziwe.

Sebenzisa amathuluzi okubeka inani kokuthi Ithebhu yokufakiwe namasethingi okutholakala ekhalendeni lakho ukuze uqalise.

• Faka izaphulelo. Ukunikeza izaphulelo zesikhathi esinomkhawulo, zababhukha kuqala, nezeqembu elikhulu kungakusiza uqalise ukubhukha futhi ugcine inani lakho liphansi.
• Vula ukutholakala kwakho. Khetha ukuthi izivakashi zingabhukha okokuzithokozisa kwakho kusasele isikhathi eside kangakanani. Ikhalenda lakho lihlelwe ngendlela yokuba lingatholakali ngokuzenzakalelayo.
• Nciphisa izikhathi zokuvala. Ukuvumela izivakashi ukuba zibhukhe uma sekusondela isikhathi sokuba okokuzithokozisa kwakho kuqale kungaheha ukubhukha okwengeziwe.
• Beka izikhathi ezimatasa kuqala. Cwaninga izinsuku nezikhathi ezithandwayo zokokuzithokozisa kwasendaweni yakini, njengezimpelasonto noma amaholide. Ungase ushejule izikhathi ukuba zibe kanye, nsuku zonke, noma maviki onke.

Umbiko wezivakashi ukusiza unikeze okokuzithokozisa kwekhwalithi ephezulu kakhulu futhi wakhe idumela lakho njengombungazi. Izivakashi zicelwa ukuba zinikeze:

• Isilinganiso sakho konke. Izivakashi zinikeza isilinganiso sokokuzithokozisa ngakunye ngesikali senkanyezi eyodwa kuya kwezingu-5. Isilinganiso sakho sako konke sivela kokufake ku-Airbnb, emiphumeleni yokusesha, nakuphrofayili yakho.
• Izilinganiso eziningiliziwe. Izivakashi zinikeza umbiko onemininingwane eqonde kakhudlwana ngokulinganisa ukuhluka, ubuchwepheshe, ukuxhumana, indawo, ukwethembeka, nenani.
• Ukuphawula komphakathi. Lokhu kuvela kuphrofayili yakho nasengxenyeni yokuphawula yalokho okufake ku-Airbnb. Uma uphendula ekuphawuleni okubonwa ngumphakathi, impendulo yakho izovela ngaphansi kwako.
• Umyalezo oya kumbungazi. Umyalezo wakhe ungabonwa nguwe ne-Airbnb kuphela. Imiyalezo, ndawonye nokuphawula, ingasiza i-Airbnb yenze ngcono imiphumela yokusesha futhi ibone amakhaya izivakashi eziwathandayo.

Uma usuthole ukuphawula kwakho kokuqala okungu-10, ukwazi ukuthola imibono embikweni wezivakashi. Sebenzisa imenyu ukuze ungene engxenyeni yemibono ye-app ye-Airbnb.

Ababungazi abaphambili basho indlela abanikeza ngayo izivakashi okungaphezu kwalokho ezikulindele ezilinganisweni eziningiliziwe.

Ngaphezu kwala macebiso okwamukela izivakashi, khumbula Imithetho Ebekiwe Yababungazi neziNqubomgomo Zokuphepha Zokubungaza ze-Airbnb. Zichaza okulindelekile okuyisisekelo kokunikeza okokuzithokozisa okuphephile, kwekhwalithi ephezulu.

Bonke ababungazi, izithombe, nemininingwane yokufakwe ku-Airbnb kumelwe kuhlangabezane nezindinganiso nezimfuneko zoKokuzithokozisa kwe-Airbnb.

Imininingwane ekulesi sihloko kungenzeka isishintshile selokhu sashicilelwa.