Ukwenza okokuzithokozisa kwakho kulungele ukubhukhwa

Siyakuhalalisela ngokugunyazwa Kokokuzithokozisa kwakho kwe-Airbnb! Ngemva kokushicilela indlu yakho, nazi izinto ezimbili ongazenza ukuze uhehe izivakashi zakho zokuqala.

Kuzodingeka usethe ikhalenda lakho ukuze izivakashi zibhukhe okokuzithokozisa. Nquma ukuthi uzokunikeza kaningi kangakanani okokuzithokozisa ngokusekelwe ebudeni besikhathi sako, ukutholakala kwakho, nemigomo yebhizinisi lakho.

Ukuze uqalise, khetha usuku ofuna ukubungaza ngalo bese uthepha okuthi Shejula okokuzithokozisa. Khetha isikhathi, uhlobo lokubhukha, inani, usayizi weqembu, neminye imininingwane. Ukunikeza okokuzithokozisa izikhathi ezingu-10 noma ngaphezulu ngenyanga, okuhlanganisa okungenani usuku olulodwa lwangempelasonto ngeviki, kungasiza izivakashi zithole usuku nesikhathi esihlangabezana nezidingo zazo.

Ababungazi abaningi bafaka izinyanga ezingaba zimbili zokutholakala ukuze bandise amathuba abo okubhukhwa. Ungashejula okokuzithokozisa okunikeza nsuku zonke ezinsukwini ezingaba ngu-60 kusengaphambili nokokuzithokozisa okunikeza masonto onke emavikini angaba ngu-52 kusengaphambili.

Khumbula ukuvimbela noma yiziphi izinsuku ongeke ukwazi ukubungaza ngazo ukuze ugweme ukukhansela. Ungavala nesikhathi esingaphambi nangemva kokokuzithokozisa ukuze ulungiselele noma uhlanze.

Izivakashi eziningi zicabangela inani lapho zibhukha Okokuzithokozisa kwe-Airbnb. Ukubeka inani elingambi eqolo kungasiza ukuba okufakile ku-Airbnb kuvelele.

Qala ngokuthola ukuthi udinga malini ukuze ukhokhele izindleko zakho. Ngemva kwalokho, ungase uthole ukuthi ukunikeza inani eliphansi kumuntu ngamunye kungaheha izivakashi ezengeziwe futhi kuholele ekutholeni imali eyengeziwe. Ngokwesibonelo:

• Izivakashi ezingu-4 ezibhukhe ngo-$75 USD ngasinye = $300 USD
• Izivakashi ezingu-8 ezibhukhe ngo-$60 USD ngasinye = $480 USD

Ungasungula futhi iphromoshini entsha yokokuzithokozisa ukuze uhehe izivakashi zakho zokuqala kanye nokuphawula kokuqala. Iphromoshini iyithuba lokunikeza isaphulelo esingu-5% kuya ku-50% enanini lakho izinsuku ezingu-30.

Uma ukhetha okungenani isaphulelo sika-20%, inani lakho elinesaphulelo lizoboniswa emiphumeleni yokusesha ye-Airbnb eceleni kwelasekuqaleni, elikhanseliwe. Okokuzithokozisa kuzobuyela enanini lakho lasekuqaleni lapho isaphulelo siphela.

Ukuze usungule iphromoshini:

1. Iya kokufake ku-Airbnb bese uthepha okuthi Shintsha
2. Iya kokuthi Amasethingi enani bese uthepha Izaphulelo
3. Ngaphansi kokuthi Izaphulelo ezikhethekile, iya kokuthi Iphromoshini yokokuzithokozisa okusha bese uthepha okuthi Sungula isaphulelo

Ulawula amanani akho namanye amasethingi ngaso sonke isikhathi. Imiphumela yakho ingashintshashintsha.

Imininingwane ekulesi sihloko kungenzeka isishintshile selokhu sashicilelwa.