Indlela yokufaka indawo okuyo

Ngaphambi kokwenza ukubhukha, izivakashi zingase zihlole ukuthi ikhaya lakho liseduze kangakanani nezindawo ezihlela ukuvakasha kuzo.

Ukwazi ukukhetha ukuthi uzonikeza indawo ezungezile noma indawo okuyiyonayona ebalazweni eliboniswe emiphumeleni yokusesha. Kunoma yikuphi, izivakashi ngeke zithole ikheli lakho lomgwaqo kuze kuqinisekiswe ukubhukha kwazo.

1. Faka ikheli lakho lomgwaqo. Qala ukuthayipha, futhi uma ikheli elinembile livela, likhethe.

2. Qinisekisa ikheli lakho. Yenza noma yikuphi ukulungisa okudingekayo ukuze kunembe, njengokufaka inombolo yefulethi noma yendlu.

3. Qiniseka ukuthi uphini usendaweni efanele. Uma uphini ungabekiwe endaweni efanele, hudula ibalazwe uphini uze ukhombe endaweni efanele.

4. Khetha ibalazwe. Okufake ku-Airbnb kuzoba nebalazwe lendawo ezungeze indawo yakho ngaphandle kokuba ushintshele ekuboniseni indawo eqondile okuyo.

• Ibalazwe lendawo ezungezile libonisa iradiyasi ezungeze indawo yakho, ethi ayilingane nemayela elilodwa (ngaphansi kwekhilomitha elilodwa) yekheli lomgwaqo.
• Ibalazwe lendawo okuyiyonayona libonisa uphini okhomba empambana-mgwaqo eseduze ngaphandle kokumaka indawo eqondile.

Hlolisisa imininingwane yakho futhi ulungise noma yimaphi amaphutha ngaphambi kokudlulela esinyathelweni esilandelayo. Lapho nje ukubhukha kwakho kokuqala sekuqinisekisiwe, ngeke usakwazi ukwenza izinguquko ngaphandle kokuxhumana Nabosizo Lwe-Airbnb.