Indlela yokunquma ukuthi indawo yakho iphrayivethi yini noma iyahlanganyelwa

Uma zikhetha ukuthi zizohlalaphi, izivakashi zifuna ukwazi ukuthi zizobe ziyihlanganyela yini indawo noma zizobe zizodwa.

I-Airbnb inikeza okukhethwayo okuthathu lapho ufaka indawo yakho.

• Indlu ephelele: Izivakashi yizona kuphela ezikuleyo ndawo, okuthi ngaphezu kwendawo yokulala kuvame ukuhlanganisa igumbi lokugezela, ikhishi, nendawo ezongena zona zodwa.
• Igumbi eliphrayivethi: Izivakashi zinekamelo lazo zodwa, ziyakwazi nokungena ezindaweni ezihlanganyelwayo, ezingahlanganisa indawo yokungena, igumbi lokugezela, nekhishi.
• Igumbi elihlanganyelwayo: Izivakashi zilala endaweni ezingayihlanganyela nawe noma abanye, njengegumbi elihlukaniswe ngephathishini futhi elisetshenziswa izivakashi ezibhukhe zodwa.

Esinyathelweni esilandelayo, sizokucela ukuba uchaze indawo yakho ngamazwi akho. Ungafaka imininingwane ecacisayo ukuthi yiziphi izindawo eziphrayivethi futhi yiziphi ezihlanganyelwayo. Ngokwesibonelo, uma ubungaza indlu ephelele futhi uzobe ukhona egcekeni, ungase ubhale: “Sihlala endlini ehlukile esegcekeni elingemuva nendlwana yezivakashi.”

Ungayilungisa incazelo yendlu yakho noma nini uma isimo sakho sishintsha.