Indlela yokusingatha ukuphawula kokuziphindiselela

Ababungazi kufanele bazizwe bekhululekile ukwamukela izivakashi ngaphandle kokukhathazeka ngokuthi bangase bathole ukuphawula kokuziphindiselela. Ungakwazi ukucela ukususwa kokuphawula okholelwa ukuthi kuphambene neNqubomgomo Yokuphawula, njengokuphawula kokuziphindiselela.

Ukuphawula kokuziphindiselela kungukuphawula okunokukhetha izivakashi ezingase zikushiye ngemva kokuba usubike ukwephulwa kwenqubomgomo okubi kakhulu, njengalokhu:

• Ukoniwa kwendlu yakho
• Ukuhlala isikhathi esingaphezu kwesizibhukhile
• Ukwephula imithetho eyinhloko yendlu yakho
• Ukuba nephathi noma umcimbi ongagunyaziwe endlini yakho

Ake sithi isivakashi sibhema endlini yakho ngokuphambene nemithetho yendlu yakho. Utshela isivakashi sakho ukuthi uthole izinqamu zikagwayi egunjini lokuphumula, bese uthumela isicelo sokubuyiselwa imali ukuze uhlanzisise. Lapho siphendula, isivakashi sakho siyenqaba ukukhokha futhi sishiya ukuphawula okunolaka. Ungafaka isimangalo kulokhu kuphawula, futhi sizophenya ukuze sinqume ukuthi kuyakufanelekela yini ukususwa.

Funda indlela yokucela ukususwa kokuphawula

Ukucela ukususwa kokuphawula akuqinisekisi ukuthi kuzosuswa. Uzocelwa ukuba ubonise indlela ukuphawula okungayilandeli ngayo Inqubomgomo Yokuphawula. Uzokwazi ukusinikeza noma yimiphi imininingwane namadokhumenti mayelana nokwephulwa kwenqubomgomo, njengezithombe noma imiyalezo nezivakashi.

Amadokhumenti akho kuzodingeka abonise ukuthi inqubomgomo iye yaphulwa ngokucacile. Kumelwe kucace nokuthi ukubika ukwephulwa kwenqubomgomo ku-Airbnb kanye/noma isivakashi kungenzeka kuholele ekuphawuleni kokuziphindiselela.

Kungumbono omuhle ukugcina konke ukuxhumana nezivakashi kuthebhu yakho ethi Imiyalezo, ukuze Abosizo Lwe-Airbnb babuyekeze la madokhumenti kalula.

ABabungazi basitshele ukuthi inqubomgomo yethu ephathelene nokuphawula kokuziphindiselela ibasize ukuba babungaze ngokuzethemba. Umbungazi uLeanne uthi ukuphawula kokuziphindiselela kulokho akufakile ku-Airbnb “kwahlolwa ngokushesha futhi kwasuswa lapho ngenza isicelo. Ngakuzwa ngempela ukusekela kwe-Airbnb.”

Imininingwane ekulesi sihloko kungenzeka isishintshile selokhu sashicilelwa.