Indlela yokusebenzisa kahle inqubo yakho yokubungaza

Ukubungaza kudinga isikhathi—kodwa uma usukujwayela, ungathuthukisa izici eziningi zenqubo yakho. Ngaleyo ndlela, ugxila ekwenzeni ukuhlala kwezivakashi zakho kukhumbuleke.

Ukusetha inqubo yokuhlanza kukusiza uhlanzisise kahle.

• Cabangela ukuqasha umuntu ohlanzayo oyiphrofeshinali.
• Qiniseka ukuthi amashidi namathawula akho angumbala ofanayo, ukuze uwawashe wonke ngesikhathi esifanayo.
• Yiba nenye isethi yamashidi namathawula ukuze kube lula ukulungisa ngemva kokuphuma kwesivakashi ngasinye.
• Hlela ukuhlanza okunzulu kwasikhathi sonke ukuze wenze ukuhlanza kube lula phakathi nokuhlala.
• Shejula i-oda eliqhubekayo lemikhiqizo yokuhlanza oyisebenzisayo nezinye izinto ezidingekayo, njengephepha lasethoyilethi nensipho. Lokhu kungonga isikhathi futhi kukusize ugweme ukuphelelwa yizinto ezidingekayo.

Ukuphendula imiyalezo yezivakashi akudingeki kudle isikhathi. Amathuluzi we-Airbnb asiza ekusheshiseni inqubo.

• Dawuniloda i-app ye-Airbnb ukuze uphendule ngokushesha. Khetha imiyalezo bese ugcina umsindo wakho wedivayisi uvuliwe.
• Sebenzisa imiyalezo eshejuliwe ukuze uthumele imininingwane ethile lapho izivakashi kungenzeka ziyayifuna, njengokuqinisekisa ukuthi izivakashi zizitholile iziqondiso zokungena ngosuku olungaphambi kokuhlala kwazo.
• Setha izimpendulo ezisheshayo ukuze uphendule imibuzo evame ukubuzwa ngokushesha ngokubhala izimpendulo kusengaphambili.

Ukwenza ukungena kube lula kungasiza izivakashi zakho zizizwe zisekhaya.

• Sebenzisa Iziqondiso zokufika eThuluzini lokulungisa indlu ukuze ufake imininingwane ebalulekile, okuhlanganisa indlela yakho yokungena nesikhathi, indlela okuhanjwa ngayo, imanyuwali yendlu, nephasiwedi ye-wifi.

• Khetha ukuzingenela—ukusebenzisa amakhiphedi, ama-smart lock, noma amabhokisi esikhiye—ukuze wonge isikhathi futhi unikeze izivakashi inkululeko eyengeziwe.

• Cabangela ukufaka uMbungazi Ongumsizi ukuze umenenje indlu yakho nokubhukha.

Imininingwane ekulesi sihloko kungenzeka isishintshile selokhu sashicilelwa.