Setha indlela yokubeka inani

Ukubuyekeza inani lakho ngokuqhubekayo kukusiza ukuthi wehlise amanani. Cabangela amacebiso alandelayo njengoba usungula indlela yakho yokubeka inani.

Nquma ukuthi ufuna ukulibuyekeza nokulishintsha kaningi kangakanani inani lakho. Nazi izinto ezimbalwa ongazenza kushejuli ekusebenzelayo.

• Vula ubusuku obengeziwe: Vula noma yibuphi ubusuku ekhalendeni lakho owaziyo ukuthi ungabungaza ngabo. Lokhu kusiza okufake ku-Airbnb kuvele emiphumeleni yokusesha eyengeziwe futhi kungakhuphula iholo lakho.
• Hlela ubude bohambo: Funa izikhala phakathi kokubhukha. Uma izikhala zimfushane kuneminimamu yohambo lwakho, akekho ongabhukha lobo busuku. Ukusetha iminimamu yokuhlala emfushane ngezinsuku ezithile kungakusiza ugcwalise ikhalenda lakho.
• Qhathanisa okufakwe ku-Airbnb okufanayo: Ukuhlola amanani ezindlu ezibhukhiwe nezingabhukhiwe endaweni yakini kungakusiza ubeke inani elingambi eqolo.

“Ngiyathanda ukubheka okufakwe ku-Airbnb okufanayo ukuze ngiqhathanise amanani ami, ngiqiniseke ukuthi inani lami alikho phezulu kakhulu noma phansi kakhulu, bese ngithola inani elikahle elizongilungela,” kusho uKaren, uMbungazi ovelele eNelson, eCanada.

Ungavula futhi i-Smart Pricing noma nini ukuze ulungise inani lakho ngokuzenzakalelayo ngokwesidingo sendawo. Leli thuluzi liwusizo ikakhulukazi uma ufuna ukuthuthukisa inani lakho ngaphandle kokulihlola njalo.

Ngisho nalokho okufakwe ku-Airbnb okuthandwa kakhulu kungaba nezinkathi ezithule ezinokubhukha okumbalwa. Nazi izindlela ezimbalwa zokwenza okufake ku-Airbnb kuvelele njengoba ulungiselela izikhathi ezingematasa.

• Nikeza izaphulelo: Izaphulelo zokuhlala kweviki nokwenyanga zingakusiza ugcwalise ikhalenda lakho futhi unciphise ukungena nokuphuma kwezivakashi. Ukufaka isaphulelo somzuzu wokugcina kungakhanga izivakashi ezibhukha osukwini olulodwa kuya kwezingu-28 ngaphambi kokufika.
• Nciphisa izinsuku ezivaliwe: Ukuvumela izivakashi zibhukhe sekusondele isikhathi sokungena kungakusiza uhehe ukubhukha okwengeziwe. Khetha ukuthi isikhathi sokuthola ukubhukha sibe usuku olufanayo, kuye ngokuthi udinga isikhathi esingakanani phakathi kokubhukha kwesivakashi nokufika kwaso.
• Vumela ukuhlala okufushane: Ukunciphisa iminimamu yobude bohambo kukhanga izivakashi ezibhukha ukuhlala okufushane. Uyakwazi ukukhetha ukuqoka iminimamu yohambo lwakho ngosuku lweviki.

“Ngokuqinisekile ngibona ukuhlala okwengeziwe kwesikhathi esifushane,” kusho uJimmy, uMbungazi ovelele ePalm Springs, eCalifornia. “Ukuhlala komzuzu wokugcina yikona abantu abangazange bakuhlele, ngakho izinsuku ezimbili zizwakala njengeholide elihle. Ukuzivumelanisa nezimo kuyakhanga.”

Amathuluzi amaningana we-Airbnb angakusiza uzisebenzise ngokunenzuzo izikhathi lapho isidingo sezivakashi siphakeme. Nanka amasu ambalwa okufanele uwacabangele.

• Faka isaphulelo sababhukha kuqala: Ukunikeza isaphulelo ekubhukheni okwenziwe enyangeni eyodwa kuya kwezingu-24 ngaphambi kokungena kukusiza ukuthi uhehe izivakashi ezihlela kusenesikhathi. Ngezaphulelo zika-3% noma ngaphezulu, izivakashi zibona isimemezelo esikhethekile emiphumeleni yokusesha nasekhasini lalokho okufakwe ku-Airbnb. Inani lakho elinesaphulelo livela eceleni kwenani lakho elivamile, elikhanseliwe.
• Setha iphromoshini eqokiwe: Ukwenza amaphromoshini kuyindlela enhle yokuthola ukubhukha okwengeziwe ngezikhathi ezithile. Uma unikeza izaphulelo zika-15% noma ngaphezulu, izivakashi zibona isimemezelo esikhethekile ekhasini lalokho okufake ku-Airbnb nasemiphumeleni yokusesha. Kunezimfuneko ezithile zokwenza iphromoshini, njengokuthi ube nokubhukha okungenani okukodwa onyakeni odlule.
• Khulisa inkathi yakho yokutholakala: Ungavula iminyaka engaba mibili kusengaphambili ekhalendeni lakho. Okufake ku-Airbnb kuzovela emiphumeleni eyengeziwe yokusesha—nasohlwini olufushane lwemiphumela uma kunezindawo ezimbalwa ezitholakalayo ngaleso sikhathi.

“Ngezinye izikhathi ngithola abantu ababhukhela amaholide abo asehlobo kusasele unyaka, noma uKhisimusi kusasele izinyanga eziyisithupha,” kusho u-Anne, uMbungazi ovelele eTarragona, eSpain. “Abantu abavame ukubhukha kusenesikhathi abavamile ukukhansela. Kubalulekile futhi ngoba usuke wazi ukuthi yini ezayo.”

Ulawula amanani akho namanye amasethingi ngaso sonke isikhathi. Imiphumela yakho ingashintshashintsha.

Ababungazi bakhokhelwe ngokubamba kwabo iqhaza ezingxoxweni zenhlolokhono.

Imininingwane ekulesi sihloko kungenzeka isishintshile selokhu sashicilelwa.