Indlela yokubhala isihloko esihehayo

Isihloko sakho siyithuba lokuba wenze abantu banake kakhulu okuhamba phambili ngendawo yakho. Izihloko ezimfushane zingcono kakhulu, futhi akudingeki usebenzise zonke izinhlamvu ezingu-50 ezitholakalayo.

Nazi izibonelo zezihloko ezingu-3 ongabukela kuzo:

• Ukushaywa umoya ngasolwandle ngama-kayak
• Igumbi lezivakashi eziyizithandani eliyi-Victorian
• Istudiyo esilungelene nendalo eduze kwe-LAX

Ukuze ubhale esakho, cabanga ngalokho okwenza indawo yakho ikhange futhi ihluke. Ungazami ukuyixoxa yonke indaba—mane nje ucele izivakashi ukuba zithole okwengeziwe.

Zama la macebiso okubhala isihloko esihehayo:

• Bhala phansi amagama ambalwa achaza indawo yakho ngamagama akhethekile, njengokuthi “ithulile,” “iyakhanya,” nokuthi “iphakathi nedolobha.” 
• Bhala izici ezingase zenze izivakashi ziyithande kakhulu, njengokuba kwayo seduze nendawo ethandwayo.
• Yishiye imininingwane esivele ivela emiphumeleni yokusesha, njengomkhandlu noma idolobha nengqikithi yesibalo semibhede.
• Bhala uhlamvu lokuqala lwegama kuphela ngosonhlamvukazi esihlokweni sakho kanye nanoma yimaphi amagama angamabizo-qho.
• Gwema ama-emoji, izimpawu, nezinhlamvu ezikhethekile.

Ungasishintsha isihloko sakho noma nini. Empeleni, ababungazi abaningi balungisa izihloko zabo lapho benezela izinto ezidingekayo noma bethola lokho izivakashi zabo zokuqala ezimbalwa ezikuthanda kakhulu.