Indlela okhokhelwa ngayo lapho ubungaza
Okuvelele
Ukufaka indlela yokukhokha kusiza ekuqinisekiseni ukuthi izimali zakho zithunyelwa ngokuphumelelayo
Ukuze ubale ukukhokhelwa, cabangela inani lakho lobusuku, izimali ezinezelwe, izindleko, nezintela
- Thola okwengeziwe eziqondisweni eziphelele zokulungiselela indlu ephumelelayo
Ababungazi abasha bavame ukubuza ukuthi, “Ngikhokhelwa kanjani?” I-Airbnb ikwenza kube lula ukuthola izinkokhelo—noma lokho esikubiza ngokuthi ukukhokhelwa—ngezinyathelo ezilula ezimbalwa. Nansi indlela okusebenza ngayo:
Indlela ozokhokhelwa ngayo
Ukuze uthole izinkokhelo ku-Airbnb, kumelwe ukhethe indlela yakho yokukhokhelwa engxenyeni ethi Izinkokhelo Nokukhokhelwa ye-akhawunti yakho. Izindlela zokukhokhelwa zihlanganisa ukudlulisa imali ngebhange noma i-ACH, i-PayPal, ama-Payoneer Prepaid Debit Card, ne-Western Union, phakathi kwezinye, kuye ngokuthi ukuyiphi indawo.
Nanka amabalengwe endlela yokufaka indlela yokukhokhelwa ku-akhawunti yakho:
Uzokhokhelwa imali engakanani
Ukuze ubale ukukhokhelwa kwakho, faka noma iziphi izindleko ezinezelwayo (njengenani lokuhlanza noma imali yesivakashi enezelewe) enanini lakho lobusuku. Le ingqikithi yakho yokuqala.
Uma usunayo ingqikithi yokuqala, susa izindleko nezintela. Nakuba izintela zingahlukahluka ngokusekelwe endaweni ohlala kuyo, iningi laBabungazi likhokha inani lesevisi elingu-3%. Leli nani lisiza i-Airbnb ikhokhe izindleko zemikhiqizo namasevisi esiwanikezayo (njengosizo lwamakhasimende luka-24/7!) futhi libalwa engqikithini yokuqala yokubhukha.
Khumbula ukuthi iholo lakho lizohlukahluka kuye ngobude bokuhlala kwesivakashi, izaphulelo ezifakiwe, njll. Uma ukukhokhelwa kwakho kwephuza noma kubonakala kuphansi kunalokho obukulindele, kungase kubangelwe ukubhukha okukhanseliwe noma okushintshiwe okubangele ukuba isivakashi sakho sibuyiselwe imali ephelele noma ingxenye yayo.Uzokhokhelwa nini
Imali oyitholayo ngokubungaza ngokuvamile uzoyithunyelelwa emahoreni angu-24 ngemva kwesikhathi sokungena kwesivakashi sakho esishejuliwe. Ukuthi izimali zakho zingena nini ngokuqondile ku-akhawunti yakho kuzoxhomeka endleleni yokukhokhelwa oyikhethile.
Ngokwesibonelo, imali ngokuvamile ifika ku-akhawunti yakho phakathi nezinsuku zebhizinisi ezingu-7 lapho uyidlulisa ngebhange kanti ifika phakathi nosuku lwebhizinisi olulodwa ku-PayPal nakumakhadi e-Payoneer—nakuba isikhathi esiqondile sincike ekutheni i-akhawunti yakho ikuphi nendawo. Uma ubungaza ukuhlala kwesikhathi eside (ubusuku obungu-28 noma ngaphezulu), i-Airbnb ngokuvamile izothumela iholo ngezitolimende zenyanga, kusukela emahoreni angu-24 ngemva kokufika kwesivakashi sakho.
Ungahlola isimo sokukhokhelwa kwakho Emlandweni Wemali Engenayo Nephumayo noma nini.
Okuvelele
Ukufaka indlela yokukhokha kusiza ekuqinisekiseni ukuthi izimali zakho zithunyelwa ngokuphumelelayo
Ukuze ubale ukukhokhelwa, cabangela inani lakho lobusuku, izimali ezinezelwe, izindleko, nezintela
- Thola okwengeziwe eziqondisweni eziphelele zokulungiselela indlu ephumelelayo