Yazi kabanzi ngezivakashi zakho ngokuphuculwa kwephrofayili
Inothi lomhleli: Lesi sihloko sishicilelwe njengengxenye Yokukhululwa Kwasehlobo lwango-2024. Imininingwane kungenzeka isishintshile selokhu yashicilelwa. Funda mayelana nokukhishwa komkhiqizo wethu wakamuva
Nisitshele ukuthi kubalulekile ukwazi kabanzi ngokuthi ubani ombungazayo. Manje, izivakashi ezibhukhayo noma ezijoyina uhambo zizocelwa ukuba zisungule iphrofayili ephelele.
Asebenza kanjani amaphrofayili ezivakashi athuthukisiwe?
Ngesethaphu yethu entsha yephrofayili, sikwenza kube lula futhi kube mnandi ngezivakashi ukuba zigcwalise amaphrofayili azo. Lokhu kuhlanganisa ukuthwebula izithombe okuqondisiwe okusiza izivakashi zifake isithombe sephrofayili esibonisa ubuso ngokucacile, ngaphandle kwabanye abantu esithombeni.
Ngokufanayo nephrofayili yonbungazi, izivakashi zingafaka imininingwane enjengokuthi zihlalaphi, izilimi ezizikhulumayo, namanye amaqiniso ngazo, ukuze ube nomqondo ongcono wokuthi ngubani ozayo. Zonke izivakashi ezibhukhayo kusadingeka ziqinisekise ukuthi zingobani.
Izivakashi zingafaka nezitembu zokuvakasha, zibonise zonke izindawo eziye kuzo nge-Airbnb. Lokhu kubonisa umlando wohambo wezivakashi ngezitembu ezinemifanekiso, njengalezo ozithola kuphasipoti.
Njengenjwayelo, uzokwazi ukungena kumaphrofayili ezivakashi ngokuvula ukubhukha.
Siza izivakashi ukuthi zikwazi ngokuqedela iphrofayili yakho yombungazi.