Ideshibhodi yeholo: Ukubukeka kangcono kweholo lakho

Ukuqonda iholo lakho kungakusiza uqhube ibhizinisi lokubungaza eliphumelela kakhudlwana. Yingakho sifaka izici ezintsha kudeshibhodi yeholo, egqugquzelwe umbiko waBabungazi.

• Amashadi ongabhala kuwo emibono ejulile. Bona iholo lakho ngokubuka inyanga kanye nonyaka, futhi uhlunge ngokwendlu, uthole nemininingwane eyengeziwe ngeminyaka eyedlule kanye nemibono yesikhathi esizayo.
• Imibiko yeholo kuhabhu elisha eliwusizo. Thola ngokuzenzakalelayo imibiko yenyanga neyonyaka bese uyidawuniloda njengama-PDF. Imibiko ihlanganisa ukucazwa ngokwendlu nangendlela yokukhokhelwa.

Ngena kudeshibhodi yeholo kuthebhu yeMenyu. Khetha Iholo ukuze ulivule.

Nakhu konke ozokuthola kudeshibhodi yeholo ethuthukisiwe.

Ishadi leholo phezulu kudeshibhodi libonisa:

• Imali osuyenzile enyangeni ngayinye kweziyisithupha ezidlule
• Imali osuyenzile kuze kube manje kule nyanga
• Imali ongase uyenze enyangeni ngayinye kwezinhlanu ezizayo ngokusekelwe ekubhukheni okuzayo

Thepha imicibisholo emibili ukuze ukhulise futhi ubhale eshadini leholo. Lokhu kubuka okusha kubonisa iholo lakho ngenyanga noma ngonyaka, nangokwendlu. Sebenzisa isihlungi ukuze ukhethe ukuthi iyiphi indlu noma izindlu ezizoboniswa.

Ngezansi kweshadi leholo ongabhala kulo, izibalo zephefomensi zizobonisa:

• Inani lokubhukha
• Ingqikithi yobusuku obubhukhiwe
• Izinga lokuhlala
• Isilinganiso sobude bokuhlala

Lezi zibalo zibalwa zisuselwa enkathini kanye nezindlu ozibukayo. Zibuyekezwa ngokuzenzakalelayo noma nini lapho ufaka isihlungi noma ulowuda kabusha ideshibhodi.

Ukuze uthole ukucazwa kweholo lakho kusukela ngo-January 1 walowo nyaka, thepha okuthi Buka amabalengwe eholo eceleni kweshadi. Abonisa iholo lakho eliphelele—ingqikithi yemali oyitholayo ngaphambi kokudonswa kwemali. Imali ngayinye edonswayo ibhalwe emgqeni wayo, ilandelwa ingqikithi yemali oyikhokhelwayo.

Nakhu ozokubona:

• Iholo eliphelele
• Imali oyikweletayo
• Inani lesevisi yombungazi
• Izintela ezidonsiwe
• Ingqikithi oyikhokhelwayo

Ideshibhodi igqamisa amathranzekshini akho azayo nawakamuva. Vula noma iyiphi ithranzekshini ukuze uthole imininingwane, ehlanganisa lokhu:

• Ukucazwa kwenani
• Usuku ekhokhelwe ngalo noma eshejulelwe ukukhokhelwa ngalo
• Ukukhetha ukukhokhelwa emizuzwini engu-30 nge-Fast Pay (e-U.S. kuphela)
• Ikhodi yokubhukha elinkiwe
• Igama nesithombe sesivakashi

Vula wonke amathranzekshini azayo noma akhokhelwe ukuze ubone konke. Ulapho, ungakwazi ukwenza lokhu:

• Ukuhlunga amathranzekshini ngosuku, indlu, nangendlela yokukhokha
• Ukusesha inani eliqondile lenkokhelo noma ikhodi yokuqinisekisa ukubhukha
• Ukwenza imibiko eqokiwe njengamafayela e-CSV ngokukhetha ukuthi yimiphi imininingwane ongathanda ukuyifaka, njengendlela yokukhokhelwa, usuku lokubhukha, nekhodi yokuqinisekisa ukubhukha

I-Airbnb manje ikukhiqizela ngokuzenzakalelayo izitatimende zenyanga nezonyaka kuhabhu entsha yokubika. Ungathola imibiko esukela onyakeni owaqala ngawo ukubungaza futhi uyidawunilode noma uyithumele nge-imeyili ingama-PDF.

Umbiko ngamunye uqokomisa imininingwane yeholo laleyo nyanga noma lonyaka, okuhlanganisa:

• Ukucazwa kweholo eliphelele, imali oyikweletayo, inani lesevisi yoMbungazi, noma yiziphi izintela ezidonsiwe, kanye nengqikithi yemali oyikhokhelwayo
• Izibalo zephefomensi, njengobusuku obubhukhiwe nesilinganiso sobude bokuhlala
• Iholo ngokwendlu nangokwendlela yokukhokhelwa
• Iholo lenyanga ngayinye onyakeni okhethiwe (emibikweni yonyaka kuphela)

Thepha i-ayikhoni yegiya phezulu kwesokudla sedeshibhodi yeholo ukuze ungene kulokhu:

• Amasethingi okukhokhelwa, lapho ungabuyekeza khona noma ufake izindlela zokukhokhelwa nemithetho yokwahlukanisa iholo
• Imininingwane yentela, lapho ungamenenja khona imininingwane yomkhokhi wentela namadokhumenti entela
• Imibiko yeholo, okungenye indlela yokufinyelela ezitatimendeni zehabhu lakho elisha lokubika

Zama ideshibhodi yeholo ethuthukisiwe namuhla uma ubhalisa kokuthi Imvume Yabokuqala.

Ukusebenzisa kungahluka ngokwendawo.

Imininingwane ekulesi sihloko kungenzeka isishintshile selokhu sashicilelwa.