Zihlelele kusenesikhathi izimo eziphuthumayo zesimo sezulu

Ukuzilungiselela isimo sezulu esibucayi kusiza ekuvikeleni wena, izivakashi zakho, nendlu yakho.

Inhlangano enikeza usizo lwezempilo nentuthuko i-Americares inikeza lawa macebiso okusiza izivakashi nokunciphisa umonakalo wendlu phakathi neziphepho, izivunguvungu, nama-heat wave.

Izivakashi kungenzeka azijwayelene nesimo sezulu sendawo nokuthi yini okufanele ziyenze esimweni sezulu esiphuthumayo.  Nazi ezinye izindlela zokuzisiza, ngokusho kwe-Americares.

Bhala phansi noma uphrinte imininingwane ebalulekile bese uyishiya endaweni esobala.

• Izinombolo zezimo eziphuthumayo: Faka izinombolo zocingo zamaphoyisa, umlilo, namasevisi e-ambulensi kanye nenombolo kazwelonke yezimo eziphuthumayo (njenge-911, 999, noma 112).
• Ikheli lendlu: Nikeza ikheli lomgwaqo eliphelele lendawo yakho, imigwaqo emikhulu noma izindawo eziphawulekayo, negama lendawo ohlala kuyo, isifunda, noma i-zone.
• Indawo yokukhosela lapho kunesiphepho: Bhala ukuthi zingabalekelaphi uma kuba nesivunguvungu noma isiphepho, njenge-basement noma igumbi elingenawo amafasitela noma uphahla olungenisa ukukhanya. 
• Imephu yendawo: Thola izindlela ezingasetshenziselwa ukuphuma, izindawo zokukhoselisa abantu emphakathini, nezikhungo zokuzipholisa uma kushisa. Yisho ukuthi yiziphi izindawo ezivumela izilwane ezifuywayo.

Bhala maqondana nesimo sezulu ngezinkathi zonyaka endlini oyifakile, emiyalezweni, nakunqubomgomo yokukhansela.

• Imithetho yendlu: Faka imininingwane eyisisekelo mayelana nesimo sezulu senkathi yonyaka. Ngokwesibonelo, “Inkathi yeziphepho ngokuvamile iqala ngo-June kuya ku-November. Sicela ulandele imibiko yesimo sezulu neziqondiso ezikhishwe abaphathi bendawo.”
• Izimpendulo ezisheshayo nemiyalezo eshejuliwe: Sebenzisa amathuluzi kuthebhu yakho ethi Imiyalezo ukuze ugcine amacebiso ongawanikeza uma kubikezelwa isimo sezulu esibucayi. Ngokwesibonelo, ungasungula impendulo esheshayo esikisela indawo yokuzipholisa phakathi nokushisa okuhangulayo.
• Inqubomgomo yokukhansela: Isimo sezulu esibi kakhulu singabangela izingozi ezengeziwe ezindaweni ezingenayo i-air conditioning nezindawo ezikhethekile ezifana nezokukhempa, amatende, nezindlu ezakhiwe esihlahleni. Ukunikeza inqubomgomo yokukhansela evumelana nezimo kunikeza izivakashi ithuba elengeziwe lokulungiselela isimo sezulu.

Inqubomgomo yokukhansela oyikhethayo yendlu yakho ngokuvamile inquma ukubuyiselwa kwemali yesivakashi ekubhukheni okukhanseliwe, ngaphandle uma wena nesivakashi nivumelana ngenye indlela. Uma isigameko esikhulu endaweni yokubhukha siba isithiyo noma sivimbela ngokomthetho ukubhukha ukuba kuphothulwe, Inqubomgomo Yezigameko Ezinkulu Eziphazamisayo ye-Airbnb ingase isebenze. 

Lapho Inqubomgomo Yezigameko Ezinkulu Eziphazamisayo isebenza, ungakhansela ukubhukha ngaphandle kwezindleko noma imiphumela engemihle, futhi ikhalenda lendlu lizovinjelwa ngalezo zinsuku. Izivakashi ezinokubhukha okuthintekile nazo zingakhansela futhi zibuyiselwe imali ephelele. Uma wena noma izivakashi zakho zikhansela ukubhukha okuvikelwe yinqubomgomo, ngeke ukhokhelwe.

I-Americares isikisela ukuthumelela izivakashi zakho imiyalezo mayelana nezeluleko zesimo sezulu. Ungazikhumbuza ngezinsiza zendawo futhi uzithumelele amacebiso okuzivikela phakathi nokuhlala kwazo.

Ukuphucula okusiza ekubhekaneni nesimo sezulu kungasiza ekunciphiseni umonakalo wendlu phakathi nesiphepho noma isivunguvungu futhi kwenze indawo yakho ithokomale kakhudlwana phakathi ne-heat wave. I-Americares itusa lezi zinyathelo zokugcina nokuvikela indawo yakho.

Imininingwane ekulesi sihloko kungenzeka isishintshile selokhu sashicilelwa.