Ulungiselela ukubungaza izivakashi ezingababaleki nge-Airbnb.org

Lapho bethuthela kwelinye izwe, ababaleki kudingeka baqonde isiko elisha ngesikhathi besingatha izimo eziningi, njengokugcwalisa amaphepha nokufuna imisebenzi. Ngokuvamile, izisebenzi zezinhlangano ezingophathina be-Airbnb.org zisiza amaklayenti angababaleki ngale misebenzi ebucayi, futhi zibasize bathole indawo yokuhlala unomphela. Ngezinye izikhathi, ababaleki kudingeka bazisingathele bona lezi zinselele.

NjengoMbungazi, ungaba usizo esikhathini esibucayi ekuphileni komuntu ngokunikeza indawo yokuhlala ephephile nethokomele ngesikhathi ezohlala endaweni entsha okwesikhashana aze athole indlela yokuqhubeka nokuphila futhi abuyele esimweni esivamile.

Kulesi sihloko, uzothola amacebiso endlela yokulungiselela ukuze ubungaze izivakashi ezakha kabusha ukuphila kwazo. Lokhu kutusa kusekelwe eselulekweni esivela kwabanye Ababungazi abaye bamukela izivakashi ezingababaleki, nasezisebenzini zezenhlalo zezinhlangano ezingenzi inzuzo ezisiza amaklayenti angababaleki.

Ngaphambi kokubhukha, isisebenzi senhlangano engenzi esivela kwenye yezinkampane ezingenzi inzuzo ezingophathina be-Airbnb.org—njenge-IRC ne-HIAS—sizokuthinta ukuze siqinisekise imininingwane ngendawo yakho. Ukuze kwenziwe lokhu, sicela uqinisekise ukuthi imininingwane yendlu yakho iphelele futhi ingeyakamuva, bese uphendule ngokushesha noma imiphi imibuzo.

Kubalulekile ukwazi ukuthi phakathi nosizi lwababaleki, njengalolo njengamanje oluthinta abantu base-Ukraine, isidingo sezindawo zokuhlala siyaphuthuma. Kwezinye izimo, izicelo zokubhukha ze-Airbnb.org zingase zibe ezokuhlala izinsuku ezingu-30 noma ngaphezulu, kusukela osukwini olulodwa noma ezimbili ngemva kokuthintana okokuqala nesivakashi.

Phakathi nenqubo yokubhukha, ungabuza isivakashi noma isisebenzi imibuzo, futhi uma kunesidingo, uzokwazi ukuthintana neqembu labosizo eliqeqeshiwe le-Airbnb.org.

Izinhlangano ezingophathina ezingenzi inzuzo zivame ukunikeza amaklayenti azo izinto eziyisidingo njengokudla nento yokuhamba, namasevisi abalulekile njengezokwelashwa, ukuthola umsebenzi, nosizo oluqhubekayo lwendawo yokuhlala.

Ngenxa yomzamo omkhulu wokuhlalisa ababaleki base-Ukraine, isidingo sala masevisi awusizo sikhulu kakhulu. Izivakashi zikhuthazwa ukuba ziqale zenze umzamo wokunakekela lezi zidingo ngokwazo, ukuze usizo lunikezwe labo abampofu kakhulu.

NjengoMbungazi, ungase ukhethe ukunikeza iziqondiso ngezinsiza zasendaweni ukuze usize izivakashi zakho zijwayelane nendawo yazo entsha, nakuba lokho kungadingeki ngempela.

“Ngavele ngaphenduka ngaba umama,” kusho uMbungazi u-Sarah wase-Vancouver, e-Canada. “Bebezidinga izingubo zokugqoka? Sikufake yini ukudla efrijini? Bazoludinga yini usizo ngokuthenga ukudla?” Wathumelela isisebenzi senhlangano engenzi inzuzo sezivakashi zakhe le mibuzo, sabe sesimthumelela umyalezo othi umndeni azobe ewubungaza ungazijabulela izingubo ezengeziwe namathoyizi amancane ezingane.

Njengoba engowokudabuka e-Ukraine futhi enomlando wokubungaza ababaleki nge-Airbnb.org, uMbungazi u-Adam wase-Ontario, e-Canada, washesha ukunikeza abantu ababalekela impi e-Ukraine indawo yokuhlala. Ngaphezu kokubungaza indawo yakhe nezindawo azimenenjayo, u-Adam uthi uyakujabulela ukusiza izivakashi zakhe kabusha ukuphila kwazo ngokuzijwayelanisa nesiko nomphakathi wase-Ukraine osendaweni akuyo, njengezitolo, amasonto, namakilasi ayiphrofeshinali esikhungweni somphakathi wase-Ukraine esisendaweni. “Ngizobabuza, ‘Yini ebeniyenza ekhaya?’ bese ngizama ukubakhombisa indlela efanele,” esho.

Izinga lephrayivesi umuntu noma umndeni ngamunye olifunayo lizohlukahluka, njengoba bekungaba njalo nganoma isiphi isivakashi se-Airbnb. Ukuthola izindawo endlini yakho lapho izivakashi zingangcebeleka khona zizodwa noma zindawonye njengomndeni—igumbi eliphrayivethi, igceke elingemuva, noma enye indawo—kungenza ushintsho lube lula futhi kuzenze zizizwe zisekhaya.

“Umndeni [esiwubungazayo] ungaba nesikhathi uwodwa noma ube nabanye ngendlela ofuna ngayo,” kusho u-Sarah. “Sasinobungane uma siwubona usengadini noma upakisha ukudla okuthengile, kodwa sasiwunika isikhathi sokuba wodwa.”

I-Airbnb ifake iziqondiso nezinhlelo zokusiza aBabungazi banikeze ukuhlala okuphephile. Nakhu okusemqoka:

• Gqoka isifonyo futhi uqhelelane nabanye uma imithetho neziqondiso zendawo zifuna kanjalo
• Landela inqubo yokuhlanza ethuthukisiwe yezinyathelo ezingu-5 ye-Airbnb ngemva kokuhlala ngakunye
• Ungavakashi noma ubungaze uma usanda kuchayeka ku-COVID-19 noma unezimpawu zayo

Izivakashi ezingababaleki kungenzeka ziye zabhekana nobunzima obukhulu ohambweni lwazo. Uma unesifiso sokufunda kabanzi ngalokho ababaleki ababhekana nakho, hlola lezi zinsiza ezituswa ophathina bethu abangenzi inzuzo:

• Funda kabanzi ngokusebenza nababaleki
• Thola imininingwane mayelana nenhlekelele yababaleki e-Ukraine kuphathina we-Airbnb.org, i-International Organization for Migration
• Thola okwengeziwe ngenhlekelele yabantu base-Afghanistan kuphathina we-Airbnb.org, i-International Rescue Committee (IRC)

Labo ababalekayo e-Ukraine babhukha kanjani izindawo zokuhlala zesikhashana?
Uma umuntu noma umndeni eseqokiwe njengodinga indawo yokuhlala yesikhashana, isisebenzi senhlangano engenzi inzuzo singase simsize abhukhe indawo yokuhlala, noma isivakashi singathola ivawusha yokubhukha, esivumela ukuba sizibhukhele sona izindawo zokuhlala zesikhashana.

Ababungazi bangase batshelwe phakathi nenqubo yokubhukha uma isicelo sokubhukha kungesokuhlala kwezimo eziphuthumayo kwe-Airbnb.org.

Kufanele ngilindele ukuzinikeza isikhathi esingakanani indawo yokuhlala izivakashi ezingababaleki?
Izindawo zokuhlala ze-Airbnb.org zivame ukubhukhwa izinsuku ezimbalwa kuya emavikini ambalwa. Nokho, njengoba izigidi zabantu zibaleka e-Ukraine, izinhlangano ezingenzi inzuzo nama-ejensi kahulumeni basingatha izicelo zosizo eziningi kakhulu, okwenza kudingeke izindawo zokuhlala zezinsuku ezingu-30 noma ngaphezulu kwezinye izivakashi.

Amanye amadolobha awuhoxisile umkhawulo wobude bokuhlala ezindaweni zababaleki— ukuze uthole ukuthi yiziphi iziqondiso ezisebenzayo endaweni yakini, sicela uthintane neziphathimandla zendawo ezifanele.

Kwenzekani ngemva kokuphela kokuhlala kwesivakashi esingumbaleki?
Phakathi nokuhlala kwesikhashana kwesivakashi esingumbaleki, kungenzeka sisebenzele ekuhleleni izinyathelo ezilandelayo zokuqala ukuphila kwaso endaweni entsha, okuhlanganisa ukuthola izindawo zokuhlala isikhathi eside.

Izivakashi zikwazi ukuthintana ngokuqondile neqembu labosizo elichwepheshile le-Airbnb.org, elisebenzelana eduze nezinhlangano ezingenzi inzuzo zasendaweni ezinika usizo olwengeziwe uma ludingeka.

Ngenxa yobunzima besimo sase-Ukraine esingakaze sibe khona ngaphambili, izinhlangano ezingenzi inzuzo kumelwe zikubeke kuqala ukunikeza usizo olwengeziwe kubantu ezibabheka njengabadinga usizo nakakhulu. Njengamanje, akunakwenzeka ukuqinisekisa ukuthi zonke izivakashi zizokwazi ukuthola usizo lwesikhathi eside.

Uma kwenzeka isivakashi sidinga indawo yokuhlala yesikhashana ngokuqhubekayo ekupheleni kokuhlala kwaso, singathintana ne-Airbnb.org ukuze sicele amaviki angaba mabili wokuhlala okunezelwe.

Abantu bakufanelekela kanjani ukuhlala kwezimo eziphuthumayo?
I-Airbnb.org ivame ukusebenzelana nezinhlangano ezingenzi inzuzo nama-ejensi abantu abangenamakhaya agxile ekusabeleni ezinhlekeleleni nakubabaleki ukuze abasize ngokoqobo, okuhlanganisa nokuhlola izidingo nokufaneleka kwalabo abangaba izivakashi.

Izivakashi ze-Airbnb.org ezizibhukhela zona izindawo zesikhashana kudingeka zivule i-akhawunti ye-Airbnb, okungase kuhlanganise ukuhlolwa okuqinisekisa i-ID.

Ukubungaza kwe-Airbnb.org kusithinta kanjani isteyithasi sami sokuba uMbungazi Ovelele?
Ekuhloleni kwango-April 1, 2022 kwaBabungazi Abavelele (okuhlanganisa idatha yango-April 1, 2021 kuya ku-March 31, 2022):

• Ukubhukha kwe-Airbnb.org kuzonezelwa enanini lakho eliyingqikithi yokuhlala.
• Ukubhukha kwe-Airbnb.org ngeke kuphazamise ezinye izici ezicatshangelwayo phakathi nokuhlolwa kwaBabungazi Abavelele kwangemva kwezinyanga ezintathu, okuhlanganisa ukuphawula, ukukhansela, nokuphendula.

Ukulungele ukuqalisa? Joyina umphakathi okhulayo ovula ithuba lokwabelana phakathi nezikhathi zobunzima nge-Airbnb.org.