Ukunikeza eminye imininingwane embalwa
Ungase uzibuze ukuthi kungani ucelwa ukuba unikeze imininingwane yakho ethile njengoba usungula lokho okufaka ku-Airbnb. Kuhloselwe ukusisiza sithobele imfuneko engokomthetho ebizwa ngokuthi yi-Know Your Customer (KYC).
Iyini i-KYC?
I-KYC iyimfuneko elawulayo esiza ekuvikeleni umphakathi we-Airbnb ekukhwabaniseni, nasekuvimbeleni ukushushumbiswa kwezimali nokuxhaswa kwamaphekula. Izinkampani ezinelayisense yokuphrosesa izinkokhelo, njengezinkampani zezinkokhelo ze-Airbnb, kumelwe zibe nezinqubo ze-KYC. Ngamanye amazwi, kudingeka sazi ukuthi ubani ongena ku-akhawunti ngayinye ye-Airbnb nokuthi ubani okhokhelwayo.
Yini edingekayo?
Kuzodingeka unikeze le mininingwane engu-4 ngaphambi kokuba ushicilele okufaka ku-Airbnb.
- Igama elisemthethweni: Unikeze lokhu ngesikhathi usungula i-akhawunti yakho ye-Airbnb.
- Usuku lokuzalwa: Unikeze lokhu ngesikhathi usungula i-akhawunti yakho ye-Airbnb.
- Ikheli lendlu: Nikeza ikheli lakho lamanje. Uma lingafani nekheli lalokho okufake ku-Airbnb, izivakashi ngeke zilibone. Izivakashi zibona kuphela ikheli lalokho okufake ku-Airbnb ngemva kokuba ukubhukha kwazo sekuqinisekisiwe.
- Ingabe ubungaza njengebhizinisi? Ngokuvamile lokhu kusho ukuthi ibhizinisi lakho libhalisiwe esifundazweni noma kuhulumeni wakini. Uma ungumbungazi e-EU, ukubungaza njengebhizinisi kusho ukuthi kuyindlela eyinhloko othola ngayo imali noma usebenzela inkampani, njenge-boutique hotel noma inkampane emenenja izindlu.
I-Airbnb iyisebenzisa futhi iyigcine kanjani le mininingwane?
Imininingwane yakho isingathwa ngokuvumelana neNqubomgomo Yephrayivesi.
Kwenzekani uma ngingayifaki le mininingwane?
Le mininingwane ye-KYC iyadingeka ukuze ukhokhelwe. Ngeke ukwazi ukushicilela lokho okufaka ku-Airbnb kuze kube yilapho unikeza le mininingwane.
Yini elandelayo?
Singacela imininingwane eyengeziwe kuye ngokuthi ukuphi nendawo, njengobufakazi begama lakho elisemthethweni nosuku lokuzalwa oluku-ID ekhishwa nguhulumeni.
Uma ubungaza njengebhizinisi, sizocela imininingwane yebhizinisi lakho ngemva kokushicilela lokho okufake ku-Airbnb. Lokhu kungahlanganisa i-ID yakho yentela yebhizinisi, imininingwane yokubhalisa, nemininingwane ngabanikazi.
Imininingwane ekulesi sihloko kungenzeka isishintshile selokhu sashicilelwa.