Ukubeka inani lakho lokuqala

Ukubeka inani eliphansi kungasiza ekutheni okufake ku-Airbnb kuvelele futhi kukhuthaze izivakashi ukuba zibhukhe. Nguwena njalo onquma inani lakho, futhi ungalishintsha noma nini.

Uqala ngokukhetha inani ngosuku lezinsuku zaphakathi neviki. Leli yinani eliqokiwe kubo bonke ubusuku ekhalendeni lakho. Ungakhetha ukufaka iphrimiyamu ngezimpelasonto, okunguLwesihlanu noMgqibelo.

Amacebiso amanani abonisiwe asebenzisa izici ezinjengendawo, izinto ezidingekayo, ukubhukha kwakho kwangaphambilini, namanani akamuva endaweni okuyo. Uma ungathanda ukusetha inani elihlukile kunalokho okusikiselwayo, zama ukubhalansisa izindleko zakho nalokho izivakashi ezizimisele ukukukhokha. Nazi izinto ezimbalwa ongazicabangela.

• Izindleko zakho zokubungaza: Lezi zingase zihlanganise imali yokukhokhela indlu, ugesi namanzi, ukulungiswa kwendlu, nezintela.
• Izinto ozinikezayo: Cabangela lokho okhangisa ngakho kulokho okufake ku-Airbnb, njengezinto ezidingekayo ezithandwayo, izidingo zabanokukhubazeka, nokusondelana nezindawo ezikhangayo zasendaweni.
• Ingqikithi yenani elikhokhwa yizivakashi: Khumbula ukuthi noma yiziphi izindleko ohlela ukuzifaka, njengezindleko zezilwane ezifuywayo, zinomthelela enanini eliyingqikithi.

Ukuqala ngenani eliphansi kungakusiza uhehe izivakashi nokuphawula kwakho kokuqala.

Amaphromoshini nezaphulelo kungasiza ekuthuthukiseni isilinganiso sokuseshwa kwalokho okufake ku-Airbnb nasekuheheni izivakashi.

• Iphromoshini yokufake ku-Airbnb okusha: Nikeza isaphulelo esingu-20% ekubhukheni kwakho kokuqala okungu-3 ukuze uthole izivakashi nokuphawula kwakho kokuqala.
• Isaphulelo somzuzu wokugcina: Nciphisa inani lakho lokubhukha okwenziwe osukwini olulodwa kuya kwezingu-28 ngaphambi kokungena ukuze ugcwalise izikhala ekhalendeni lakho.
• Izaphulelo zeviki nezenyanga: Izaphulelo zokuhlala kwesikhathi eside zingakusiza ugcwalise ikhalenda lakho ngokushesha futhi unciphise ukungena nokuphuma kwezivakashi.

Inani lakho elinesaphulelo livela eceleni kwenani lakho elivamile, elikhanseliwe.

Uzokwazi ukungena emathuluzini engeziwe okubeka inani ngemva kokushicilela lokho okufaka ku-Airbnb. Ukusebenzisa amathuluzi we-Airbnb ukuze ulungise inani lakho njalo kungakusiza uhlangabezane nemigomo yeholo olitholayo.

Imininingwane ekulesi sihloko kungenzeka isishintshile selokhu sashicilelwa.