Ukwenza ukukhulumisana kube lula

Imiyalezo eshejuliwe nezimpendulo ezisheshayo zingakongela isikhathi. Njengoba ubhala le miyalezo, khumbula ukuthi makhulu amathuba okuba izivakashi ziyifunde uma ifike ngesikhathi futhi imifushane.

Thumela imiyalezo eshejuliwe ezivakashini ngokuzenzakalelayo ngemva kokuba sezithathe izinyathelo ezithile, njengokubhukha ukuhlala, ukungena, nokuphuma.

Cabangela ukushejula imiyalezo ngalezi zikhathi.

• Umbuzo noma isicelo sokubhukha: Phendula ngokushesha (noma phakathi nomkhawulo wamahora angu-24) lapho izivakashi zithintana nawe.
• Isiqinisekiso sokubhukha: Bonga izivakashi ngokubhukha, futhi uzitshele ukuthi uyatholakala ukuze uphendule noma yimiphi imibuzo.
• Ngaphambi kokungena: Cishe kusasele amahora angu-24 kuya kwangu-48, khumbuza izivakashi ukuthi zingazitholaphi iziqondiso zokungena, futhi uzinike noma yimaphi amanothi amayelana nokungena ngaphakathi. 
• Ngemva kokungena: Buza ukuthi konke kuhamba kanjani ngokushesha ngemva kokufika kwezivakashi.
• Ngaphambi kokuphuma: Thumela isikhumbuzo esinobungane sesikhathi sakho sokuphuma ngobusuku bangaphambi kokuba izivakashi zihambe ukuze zingaphumi sekwephuzile.
• Ngemva kokuphuma: Bonga izivakashi futhi uzicele ukuba zibhale ukuphawula. Phawula ngazo ngokushesha ngangokunokwenzeka.

Phendula imibuzo evamile ngokuthepha noma ngokuchofoza kanye ngokusungula izimpendulo ezisheshayo. Ungasebenzisa izimpendulo ezisheshayo ezifanayo kuzo zonke izindlu zakho.

Yenza izimpendulo zakho zibe ezomuntu siqu ngamakhodi amafushane agcwalisa ngokuzenzakalelayo imininingwane yesivakashi, ukubhukha, nendlu. Qiniseka ukuthi yonke imininingwane yendlu yakho iphelele ngaphambi kokusebenzisa amakhodi amafushane.

Ezinye izibonelo zamakhodi amafushane:

• Igama lesivakashi
• Usuku lokungena
• Isikhathi sokungena
• Usuku lokuphuma
• Isikhathi sokuphuma
• Indlela yokungenisa izivakashi
• Iziqondiso zokuphuma
• Izinkombandlela
• Incwadi yeziqondiso
• Imanyuwali yendlu
• Imithetho yendlu
• Igama le-Wifi
• Iphasiwedi ye-Wifi

Uma usebenzisa isofthiwe exhunywe ku-API, uzokwazi ukuthola lezi zici kusofthiwe yakho uma umhlinzeki wakho ezifakile. Uma kungenjalo, xhumana nomhlinzeki wakho ukuze uthole ukuthi zizotholakala nini.

Imininingwane ekulesi sihloko kungenzeka isishintshile selokhu sashicilelwa.