Izindlela eziyisithupha zokulungiselela inkathi yonyaka engematasa

Ingabe uyilungele inkathi yonyaka yendawo yakini engematasa? Nazi izindlela eziyisithupha ongasebenzisa ngazo amathuluzi okubungaza e-Airbnb ukuze umenenje ukubhukha lapho izivakashi zincipha. Cabangela izinzuzo zendlela ngayinye ukuze unqume ukuthi yini elungele ibhizinisi lakho lokubungaza.

Ukunciphisa iminimamu yobude bohambo kungaheha izivakashi ezibhukha ukuhlala okufushane futhi kusize ekugcwaliseni izikhala ekhalendeni lakho lapho abantu bengavakashi kangako.

Uyakwazi ukukhetha ukuqoka iminimamu yohambo lwakho ngosuku lweviki. Ngokwesibonelo, uma isidingo sezivakashi siphakeme ngezimpelasonto, ungase ukhethe ukuvumela ukuhlala kobusuku obubodwa phakathi neviki kodwa hhayi lapho izivakashi zibhukha ngoLwesihlanu noma ngoMgqibelo ebusuku.

Ukuze wehlise iminimamu yohambo lwakho:

• Iya kuthebhu ethi Ukutholakala ekhalendeni lendlu yakho.
• Ngaphansi kokuthi Ubude bohambo, thepha Ubusuku obuyiminimamu.
• Shintsha iminimamu yobude bohambo ibe yinani lobusuku obukusebenzelayo.

“Uma nginesikhala sobusuku obungu-8, amathuba okuthola ukubhukha kobusuku obungu-7 mancane,” kusho uFelicity, ilungu leBhodi Yabeluleki Bababungazi noMbungazi ovelele eNew South Wales, e-Australia. “Uma nginciphisa ubusuku obuyiminimamu phakathi naleyo nkathi, kunamathuba okuba ngihehe izivakashi ezengeziwe.”

Cabangela ukuvumela izivakashi ukuba zibhukhe sekusondele isikhathi sokungena ukuze uhehe ukubhukha okwengeziwe phakathi nenkathi yonyaka engematasa. Ungakhetha ukuthi isikhathi esiyiminimamu sokuthola ukubhukha sibe usuku olufanayo, kuye ngokuthi udinga isikhathi esingakanani phakathi kokubhukha kwesivakashi nokufika kwaso.

Ukuze ushintshe iminimamu yesikhathi sokuthola ukubhukha:

• Iya kuthebhu ethi Ukutholakala ekhalendeni lendlu yakho.
• Vula Ukuvala izinsuku.
• Khetha inani lezinsuku ezikusebenzelayo.

Ungavumela futhi izicelo ngesikhathi esifushane kuneminimamu yakho yesikhathi sokuthola ukubhukha. Uzotshelwa ukuba ubuyekeze futhi wamukele lezi zicelo.

“Kuyithuba elihle lokuvelela kwezinye izindlu okungenzeka azikuvumeli,” kusho uKaren, uMbungazi ovelele eNelson, eBritish Columbia. “Kukhona nokuzingenisa, futhi ngisebenzisa imiyalezo eshejuliwe ukuze ngibayalele indlela. Lokho kungivumela ukuba ngihlalise izivakashi ezibhukha cishe ngaphambi kokungena.”

Ukunciphisa inani lakho lobusuku njengoba usuku lokungena lusondela kungakusiza uhehe ababhukha ngomzuzu wokugcina. Cabangela ukunikeza isaphulelo sokubhukha okwenziwe osukwini olulodwa kuya kwezingu-28 ngaphambi kokungena ukuze ugcwalise ikhalenda lakho futhi uthuthukise iholo lakho.

Ngezaphulelo zika-10% noma ngaphezulu enanini lakho eliyisilinganiso lezinsuku ezingu-60, izivakashi zibona isimemezelo esikhethekile ekhasini lendlu yakho nasemiphumeleni yokusesha. Inani lakho elinesaphulelo livela eceleni kwelasekuqaleni, elikhanseliwe.

Ukuze ufake isaphulelo somzuzu wokugcina:

• Iya kuthebhu ethi Inani ekhalendeni lendlu yakho.
• Ngaphansi kokuthi Izaphulelo ezengeziwe, vula Izaphulelo zomzuzu wokugcina.
• Faka inani lezinsuku ngaphambi kokufika, phakathi kuka-1 no-28.
• Faka amaphesenti esaphulelo ongathanda ukusinikeza.

“Okungenani, ngizizwa ngikhululekile ukunciphisa ngo-15%,” kusho uJimmy, uMbungazi ovelele ePalm Springs, eCalifornia. “Nginalo inani eliyiminimamu, ngakho angisoze ngaya ngaphansi kwalokho. Ekubhukheni okuzayo kule mpelasonto, ngizimisele ukuhlangabezana nalelo nani eliyiminimamu ukuze ngibhukhwe.”

Izaphulelo zokuhlala kwesikhathi eside zingathuthukisa isilinganiso sakho ekusesheni, zigcwalise izikhala ekhalendeni lakho, futhi zinciphise ukungena nokuphuma kwezivakashi. Cabangela ukunikeza izaphulelo zeviki ekuhlaleni okungubusuku obungu-7 noma ngaphezulu kanye nezaphulelo zenyanga ekuhlaleni okungubusuku obungu-28 noma ngaphezulu.

Izivakashi zibona isimemezelo esikhethekile ekhasini lendlu yakho nasemiphumeleni yokusesha sezaphulelo zeviki noma zenyanga ezingu-10% noma ngaphezulu. Zonke izaphulelo zobude bokuhlala nazo zigqanyisiwe eceleni kwenani lakho lasekuqaleni ekucazweni kwenani.

Ukuze ufake isaphulelo seviki noma senyanga:

• Qinisekisa ukuthi iminimamu nomkhawulo wobude bokuhlala kulandela imithetho neziqondiso zendawo okuyo.
• Uma unganikeza ukuhlala kweviki noma kwenyanga, iya kuthebhu ethi Inani ekhalendeni lendlu yakho.
• Ngaphansi kwezaphulelo zeviki noma zenyanga, setha amaphesenti esaphulelo bese uthepha okuthi Seyiva.

“Ukunikeza izaphulelo zeviki noma zenyanga ngokuqinisekile kuzodonsela amehlo engeziwe endlini yakho,” kusho u-Omar, uMbungazi ovelele waseMexico City. “Bengilokhu ngibona ukuthi izivakashi eziningi, ikakhulukazi abantu abasebenza ngezobuchwepheshe besohambweni, ziyeza zihlale isikhathi eside.”

Ukwenza iphromoshini phakathi nenkathi yonyaka engematasa kuyindlela enhle kakhulu yokuvelela emiphumeleni yokusesha nokuthola ukubhukha okwengeziwe. Uma unikeza izaphulelo zika-15% noma ngaphezulu, izivakashi zibona isimemezelo esikhethekile ekhasini lendlu yakho nasemiphumeleni yokusesha.

Indlela yokufaka iphromoshini eqokiwe:

• Iya kuthebhu ethi Inani ekhalendeni lendlu yakho.
• Khetha izinsuku ekhalendeni.
• Setha isaphulelo sakho samaphesenti.

Iphromoshini eqokiwe ingase ingatholakali ngaso sonke isikhathi endlini yakho. Izimfuneko zihlanganisa ukuthi indlu yakho kumelwe okungenani ibe nokubhukha okuthathu, okungenani okukodwa onyakeni odlule, futhi izinsuku ozikhethayo kudingeka zibe sezitholakale okungenani izinsuku ezingu-28.

“Amaphromoshini angivumela ukuba ngibeke inani lezinyanga ezimbalwa ezizayo futhi ngikwazi ukufaka isaphulelo uma kungekho sithakazelo kuleyo nkathi,” kusho uDaniel, ilungu leBhodi Yabeluleki Bababungazi eTenerife eCanary Islands. “Angelinye lamathuluzi engiwathandayo, ngoba ngiyathanda ukwazi izinga lokuhlinzekwa nokufunwa futhi ngenze ngokuvumelana nalokho.”

Ukuqhathanisa amanani ezindlu ezifanayo endaweni okuyo kungakusiza ubeke inani eliphansi futhi uhehe ukubhukha okwengeziwe njengoba ukuvakasha kuncipha. Uma inani lakho liphezulu kunezindlu ezifanayo eziseduze, ungase ulinciphise ukuze ukhange izivakashi ezengeziwe futhi uthuthukise isilinganiso sakho sokusesha.

Uma unikeza inani elifanayo kubo bonke ubusuku, cabangela ukufaka amanani aphakathi neviki nawangempelasonto. Ukushintsha amanani akho ngokusekelwe ebusuku nakho kungasiza ekwandiseni ukubhukha.

Ukuze uqhathanise izindlu ezifanayo:

• Iya kuthebhu ethi Inani ekhalendeni lendlu yakho.
• Khetha izinsuku ezingaba ngu-31.
• Thepha okuthi Buka izindlu ezicishe zifane.

Uzobona isilinganiso samanani ezindlu ezifanayo eziseduze ebalazweni lendawo yakini. Izinkinobho ezisebalazweni zikuvumela ukuthi ubuke izindlu ezibhukhiwe noma ezingabhukhiwe. Izici ezinquma ukuthi yiziphi izindlu ezifanayo zihlanganisa indawo, usayizi, izici, izinto ezidingekayo, izilinganiso, ukuphawula, kanye nezinye izindlu izivakashi ezizibhrawuzayo lapho zicabangela eyakho.

“Ngiyazibheka izindlu ezifana nezami ukuze ngiqiniseke ukuthi nginenani eliphansi,” kusho uKatie Kay, oyilungu leBhodi Yabeluleki Bababungazi noMbungazi ovelele eLake Arrowhead, eCalifornia. “Kubalulekile ukuba uzivumelanise nezimo phakathi nezikhathi ezingematasa uma ufuna ngempela ukuthola abantu abazongena endlini yakho.”

Ulawula amanani akho namanye amasethingi ngaso sonke isikhathi. Imiphumela yakho ingahluka. 

Ababungazi bakhokhelwe ngokubamba kwabo iqhaza ezingxoxweni.

Imininingwane ekulesi sihloko kungenzeka isishintshile selokhu sashicilelwa.