Ukusebenzisa izimpendulo ezisheshayo ukuze wonge isikhathi

Ababungazi bavame ukuzithola bephendula imibuzo efanayo evela ezivakashini ezihlukahlukene: Ingabe ikhaya lakho liyatholakala ngo-June? Ungangithumelela iziqondiso zendlela? Ithini iphasiwedi ye-wifi?

Ungazisebenzisa kabusha izimpendulo zakho—futhi uphendule ngokushesha njalo—ngezimpendulo ezisheshayo kuthebhu ethi Imiyalezo.

Impendulo esheshayo ingumyalezo omfushane, obhalwe kusengaphambili ogcinwa njengethempulethi kumasethingi akho emiyalezo.

Ama-placeholder emininingwane, njengegama lesivakashi, enza umyalezo ngamunye uhambelane nomuntu owubhalelwe ngokuthatha imininingwane evela kokufake ku-Airbnb noma ekubhukheni.

Sungula izimpendulo zakho ezisheshayo noma uhlele amathempulethi e-Airbnb. Ngokwesibonelo, uma uvame ukuphendula imibuzo mayelana ne-grill yakho yangaphandle, zama ukuseyiva impendulo yakho evamile njengempendulo esheshayo.

Ungathumela izimpendulo ezisheshayo ngokushesha noma uzishejulele ukuba zithunyelwe ngokuzenzakalelayo kamuva.

Ukuze uthumele impendulo esheshayo ngaso leso sikhathi esivakashini:

• Iya kuthebhu ethi Imiyalezo.
• Khetha ingxoxo ongathanda ukuphendula kuyo.
• Thepha uphawu lokuhlanganisa (+) kokuthi Bhala umyalezo.
• Khetha okuthi Thumela impendulo esheshayo.
• Khetha impendulo esheshayo, evela engxoxweni yenu.
• Shintsha umyalezo noma uwuthumele njengoba unjalo.
• Thepha umcibisholo (↑) ukuze uthumele umyalezo.

Ithebhu ethi Imiyalezo iphinde ibe nezimpendulo ezisikiselwayo, ezisebenzisa i-artificial intelligence ukuze ziqonde umbuzo wesivakashi bese zisikisela enye yezimpendulo zakho ezisheshayo ukuze ziwuphendule. Ukusikisela kuvela engxoxweni yakho, lapho kunguwe kuphela ongakubona khona. Ungashintsha impendulo esikiselwayo ngaphambi kokuyithumela, noma ubhale impendulo ehlukile.

Ukuze uthumele impendulo esheshayo kuzo zonke izivakashi ngokuzenzakalelayo:

• Iya kuthebhu ethi Imiyalezo.
• Thepha i-ayikhoni yamasethingi phezulu kwesikrini sakho.
• Thepha okuthi Menenja izimpendulo ezisheshayo.
• Khetha impendulo esheshayo ofuna ukuyishejula bese uthepha Okulandelayo.
• Thepha okuthi Shejulela futhi ukhethe ukuthi ungathanda izivakashi ziwuthole nini umyalezo, njengemizuzu engu-5 ngemva kokubhukha kwesivakashi noma usuku olulodwa ngaphambi kokungena ngo-10:00 AM.

Uzobona isikhumbuzo engxoxweni yakho nesivakashi lapho impendulo esheshayo eshejuliwe isisondele. Lungisa noma weqe ukuthumela umyalezo uma uphinda imininingwane osuyithumele kakade.

Impendulo esheshayo isebenza kangcono uma imfushane futhi igxile esihlokweni esisodwa. Uzothola amathempulethi abhalwe kusengaphambili kuthebhu ethi Imiyalezo ezihloko ezivamile ezinjengalezi.

• Ukutholakala kokufakwe ku-Airbnb: Yazisa izivakashi ukuthi zingabhukha noma yiziphi izinsuku ezivuliwe ekhalendeni lakho.
• Amalungiselelo okulala: Qinisekisa inani lamakamelo okulala, imibhede, nezindlu zokugezela indawo yakho ezinikezayo.
• Ukungena ngaphambi kwesikhathi: Yamukela isicelo sesivakashi sokufika ngaphambi kwesikhathi sakho esivamile sokungena.
• Iziqondiso zendlela nezithuthi: Qinisekisa ikheli lekhaya, neziqondiso zendlela zokufika lapho.
• I-wifi: Nikeza inethiwekhi ye-wifi nephasiwedi ekhaya noma endaweni yakho.
• Ukuphuma sekwephuzile: Yamukela isicelo sesivakashi sokuphuma ngemva kwesikhathi sakho esivamile sokuphuma.

Ungashintsha noma iyiphi ithempulethi ebhalwe kusengaphambili ngaphambi kokuyithumela noma usungule eyakho. Zama ukushejula izimpendulo ezisheshayo zezikhathi ezibalulekile ezinjengalezi.

• Ukuqinisekiswa kokubhukha: Thumela inothi lokwamukela lapho ukubhukha kwesivakashi sekuqinisekisiwe.
• Ngaphambi kokungena: Landelela emahoreni angu-24 kuya kwangu-48 ngaphambi kokungena, lapho yonke imininingwane yohambo lwaso isitholakala. 
• Ngemva kobusuku bokuqala: Bathinte ukuze ubuze ukuthi kukhona yini abakudingayo ukuze wenze ukuhlala kwabo kuthokomale kakhudlwana. 
• Ngaphambi kokuphuma: Yabelana ngesikhathi sokuphuma neziqondiso ngobusuku obungaphambi kokuba izivakashi zihambe.
• Ngemva kokuhamba: Bonga izivakashi ngokuhlala nawe futhi ucele umbiko emahoreni angu-24 kuya kwangu-48 ngemva kokuba seziphumile.

Ukufaka izithombe noma amavidiyo ezimpendulweni zakho ezisheshayo kungakusiza uzethule futhi wabelane ngemininingwane ebalulekile mayelana nekhaya lakho. Ngokwesibonelo, isiqondiso esibonakalayo singakwenza kube lula ngezivakashi ukuba zingene ngaphakathi, zilungise i-air conditioning noma ukushisa, noma zivule futhi zivale ubhavu wamanzi ashisayo.

Unga-athasha amafayela emiyalezweni noma nini ngemva kokuqinisekiswa kokubhukha. Thumela izithombe ngefomethi ye-PNG noma ye-JPG (amamegabhayithi angaba ngu-50) namavidiyo ngefomethi ye-MP4 noma ye-MOV (amamegabhayithi angaba ngu-100 nemizuzwana engu-60).

Abasebenzisi bangabhekana nezimo ezingefani kuye ngezindawo. Imininingwane ekulesi sihloko kungenzeka isishintshile selokhu sashicilelwa.