Indlela yokusetha amanani akho ku-Airbnb

I-Airbnb ikungenisa emathuluzini okubungaza nasezigidini zezivakashi ukuze ikhulise ibhizinisi lakho. Inani lakho lilawulwa nguwe njalo, futhi ungalishintsha noma nini.

Njengoba uyiphrofeshinali eseligogodile emkhakheni wakho, uyakuqonda ukubaluleka kokunikeza amasevisi ekhwalithi ephezulu ngamanani angambi eqolo. Nazi ezinye izici okufanele uzicabangele uma usetha amanani akho ku-Airbnb.

• Amasevisi afanayo: Bhrawuza i-Airbnb nezinye izinkundla zamasevisi afana neyakho ukuze ubone lokho okukhokhiswa abanye ababungazi.
• Amanani okuqalisa: Cabangela ukuqala ngenani eliphansi ukuze uhehe izivakashi zakho zokuqala ku-Airbnb. Ungenza ushintsho njengoba wakha ibhrendi nedumela lakho ngezilinganiso nokuphawula kwezivakashi okuhle.
• Izindleko ze-Airbnb: Faka inani lesevisi i-Airbnb elikhokhisa ababungazi ekubhukheni ngakunye, ozolibona uma usetha inani lakho. Inani lisivumela ukuba sinikeze amathuluzi okubungaza, sinikeze isevisi yamakhasimende engu-24/7, futhi sifinyelele izigidi zezivakashi ngamaSevisi we-Airbnb.

Ukufaka okunikezwayo kwamanani aphansi, avamile, nawephrimiyamu kunikeza izivakashi okwengeziwe ezingakhetha kukho futhi kungakusiza uhlangabezane nemigomo yeholo olitholayo.

Inani lakho kufanele libonise ifomethi, ubunkimbinkimbi, nendlela okunikezwayo ngakunye okuhluke ngayo. Ngokwesibonelo, umthwebuli wezithombe e-US anganikeza iseshini yesigamu sehora ebiza ngaphansi kuka-$50 USD, iseshini yezithombe eziqokiwe ezibiza phakathi kuka-$50 USD no-$150 USD, neseshini yomndeni ebiza ngaphezu kuka-$150 USD.

Izivakashi ezifuna amasevisi ku-Airbnb zizobona inani lakho eliphansi kunawo wonke emiphumeleni yokusesha. Okunikezwayo kwenani eliphansi kungasiza ekuheheni izivakashi eziqalayo futhi kwenze zifise ukwazi okunye okunikezayo.

Uzokwazi ukukhetha ukukhokhisa inani lesivakashi ngasinye noma inani elingaguquki. Lokhu kuzosebenza kukho konke okunikezayo.

• Inani lesivakashi ngasinye: Inani lakho lomuntu ngamunye lihlanganisa zonke izindleko namathiphu. Ungasetha futhi inani eliyiminimamu ekubhukheni ngakunye. Phawula ukuthi inani eliphansi lingaheha izivakashi ezengeziwe futhi liholele ekutholeni imali eyengeziwe. E-US, ngokwesibonelo, izivakashi ezingu-4 ezibhukhe ngo-$60 USD ngasinye sikunika ingqikithi engu-$240 USD, kanti izivakashi ezingu-8 ezibhukhe ngo-$45 USD ngasinye sikunika ingqikithi engu-$360 USD.
• Inani elingaguquki: Ingqikithi yenani lakho ihlanganisa zonke izindleko namathiphu kunoma yiliphi inani lezivakashi, kuze kufike emkhawulweni owubekele okunikezwayo.

Indlela enhle kakhulu yokugcina amanani akho ephansi ukunikeza izaphulelo ezinhlotsheni ezihlukahlukene zokubhukha.

• Isikhathi esilinganiselwe: Nikeza isaphulelo esingu-5% kuya ku-50% enanini lakho izinsuku ezingu-30 ukuze ukhuthaze izivakashi zakho zokuqala ukuba zibhukhe.
• Ababhukha kuqala: Nikeza isaphulelo esingu-20% ezivakashini ezibhukha kusasele amaviki angaphezu kwangu-2 ukuze uhehe izivakashi ezihlela kusenesikhathi.
• Iqembu elikhulu: Faka isaphulelo seqembu ukuze ufinyelele umkhawulo wenani lakho ngokushesha.

Izaphulelo zakho zisebenza isikhathi ngasinye lapho isivakashi sibhukha isevisi. Uma ufaka esingaphezu kwesisodwa, isivakashi sithola noma imiphi imiphumela yesaphulelo sokonga okukhulu kunazo zonke. Ngeke sikwazi ukuthola izaphulelo ezingaphezu kwesisodwa ekubhukheni okufanayo.

Bonke ababungazi, izithombe, nemininingwane yokufakwe ku-Airbnb kumelwe kuhlangabezane namazinga nezimfuneko zamaSevisi we-Airbnb.

Imininingwane ekulesi sihloko kungenzeka isishintshile selokhu sashicilelwa.