Hlola amathuluzi amasha okokuzithokozisa kwakho

I-app entsha ye-Airbnb inakho konke okudingayo ukuze umenenje okokuzithokozisa kwakho. Amathuluzi akho okubungaza akusiza ushejule kalula, uhehe ukubhukha, uxhumane nezivakashi, uqonde iholo, futhi uthole imibono ngezilinganiso nokuphawula.

Uzothola amathuluzi ahlelwe kulawa mathebhu angu-5 uma usungene ku-akhawunti njengombungazi.

Ithebhu ethi Namuhla iyilokho okubonayo uma uvula i-app. Ungabuka imininingwane yokubhukha ukuze ukwazi ukuhlela usuku lwakho futhi wamukele izivakashi ngezinga eliphezulu.

• Shintsha phakathi kokubuka ukubhukha kwanamuhla nokuzayo ukuze wazi ukuthi ubani ombungazayo nokuthi umbungaza nini.
• Faka amanothi owabhalele ukukukhumbuza ngokubhukha, njengezikhumbuzo ngezikhathi noma izicelo ezikhethekile.
• Thola amacebiso ngalokho ongakwenza ekubhukheni ngakunye, njengokunikeza imininingwane ebalulekile ukuze usize izivakashi zikulungele.

IKhalenda elidizayinwe kabusha lihlanganisa ukubukeka okusha okungcono kosuku ngalunye. Ungabuyekeza kalula futhi ulungise ishejuli yakho, ihora nehora.

• Faka ukutholakala kokokuzithokozisa kwakho, bese ukhetha ukuthi yiziphi izenzakalo ongathanda ukuziphinda ngokuqhubekayo.
• Vumelanisa amakhalenda akho e-Airbnb ne-Google ukuze ulandelele konke endaweni eyodwa.
• Buka inani lezivakashi eziqinisekisiwe esenzakalweni ngasinye osishejulile.
• Setha amanani aqokiwe ezinsukwini nasezikhathini ezithile ukuze uhehe ukubhukha.

Izivakashi zingabhukha ngokushesha noma isiphi isikhala esivulekile ekhalendeni lakho, ngakho ukugcina ukutholakala kwakho kungokwakamuva kubalulekile.

Ithebhu yokufakiwe ikusiza umenenje imininingwane yalokho okufake ku-Airbnb. Ungalungisa amanani akho futhi ukhangise okokuzithokozisa ezivakashini.

• Faka izaphulelo zesikhathi esinomkhawulo, zababhukha kuqala, nezaphulelo zeqembu elikhulu ukuze uhehe izivakashi ukuba zibhukhe.
• Faka izithombe zokufakiwe zekhwalithi ephezulu ukuze kwaziwe ngokucacile lokho okulindelekile futhi wenze lokho okufake ku-Airbnb kuvelele.
• Gcina imininingwane yohambo ingeyakamuva uma wenza ushintsho endaweni okuyo noma okwenziwayo.
• Shintsha amasethingi njengosayizi bamaqembu, izikhathi zokuvalwa kokubhukha, nokungena kombungazi ongumsizi kulokho okufake ku-Airbnb.
• Faka izici zezidingo zabanokukhubazeka, kuhlanganise nosizo lokulalelwayo nokubukwayo.

Bonke ababungazi, izithombe, nemininingwane yokufakwe ku-Airbnb kumelwe kuhlangabezane namazinga nezimfuneko zoKokuzithokozisa kwe-Airbnb.

Ithebhu ethi Imiyalezo ikusiza uxhumane nezivakashi ngaphambi, phakathi, nangemva kokokuzithokozisa. Uzothumela imiyalezo emiyalezweni yeqembu esungulwa ngokuzenzakalelayo esenzakalweni ngasinye.

• Thumela ividiyo noma izithombe ukuze uzethule kusengaphambili noma unikeze amabalengwe ezikhathi ezingenakulibaleka ngemva kokokuzithokozisa.
• Thumelela isivakashi umyalezo ngokuqondile ukuze ulandelele ezicelweni ezithile uma kudingeka.
• Phendula imibuzo evamile ngezimpendulo ezisheshayo ongazishintsha, ezibhalwe kusengaphambili, noma uzisungulele amathempulethi akho.
• Shejula izimpendulo ezisheshayo ukuze uthumele imininingwane ebalulekile ngokuzenzakalelayo ngezikhathi ezisemqoka, njengesikhathi sokubhukha nosuku olungaphambi kokuzithokozisa.
• Xhumana naboSizo Lwe-Airbnb noma uthumele umyalezo kumbungazi uma usebenzisa i-app njengesivakashi.

Imenyu ikungenisa eholweni lakho, imibono, namanye amasethingi. Uzothola amacebiso enzelwe wena nezinsiza ezengeziwe zokukhulisa ibhizinisi lakho lokubungaza.

• Buka iholo lakho futhi usungule imibiko eqokiwe kudeshibhodi yeholo.
• Hlola umbiko wezivakashi futhi ubone ukuthi isilinganiso sakho sisonke sinjani uma siqhathaniswa nokokuzithokozisa okufanayo engxenyeni yemibono edizayinwe kabusha.
• Menenja amasethingi e-akhawunti yakho futhi uthole izinsiza zokubungaza.

Imininingwane ekulesi sihloko kungenzeka isishintshile selokhu sashicilelwa.