Ukuhlola amathuluzi akho okubungaza

I-app ye-Airbnb yenza kube lula ukumenenja ikhaya lakho futhi isize ekukhuliseni ibhizinisi lakho. Uzothola amathuluzi okubungaza ahlelwe kula mathebhu angu-5 uma usungene ku-akhawunti njengombungazi.

Ithebhu ethi Namuhla iyilokho okubonayo uma uvula i-app. Ungabuka imininingwane yokubhukha ukuze ukwazi ukuhlela usuku lwakho futhi wamukele izivakashi ngezinga eliphezulu.

• Shintsha phakathi kokubuka ukubhukha kwamanje nokuzayo ukuze wazi ukuthi ubani ombungazayo nokuthi umbungaza nini.
• Faka amanothi owabhalele ukukukhumbuza ngokubhukha, njengezikhumbuzo ngezikhathi noma izicelo ezikhethekile.
• Thola amacebiso ngalokho ongakwenza ekubhukheni ngakunye, njengokubuza izivakashi ukuthi izinto zihamba kanjani noma ukufunda ukuphawula.

Ikhalenda yilapho ubuyekeza futhi ushintsha khona ukutholakala kwakho namanani akho.

• Lungisa ukutholakala kwakho namasethingi enani, njengobusuku obuyiminimamu nezaphulelo.
• Vula izinsuku ukuze izivakashi zibhukhe bese uvala ubusuku ongeke ukwazi ukubungaza ngabo.
• Buka amacebiso amanani obusuku, asekelwe ezicini ezinjengendawo okufake ku-Airbnb okukuyo kanye nezinto ezidingekayo, ukubhukha kwakho kwangaphambilini, namanani akamuva endaweni okuyo.

Ithebhu yokufakiwe ikusiza umenenje imininingwane yalokho okufake ku-Airbnb. Sebenzisa la mathuluzi ukuze ukhange ababhukhayo futhi unikeze izivakashi isithombe esinembile nesiphelele sendawo yakho.

• Lungisa okufake ku-Airbnb, okuhlanganisa nokufaka izithombe zekhwalithi ephezulu futhi unike iziqondiso zokufika eziningiliziwe.
• Faka zonke izinto ezidingekayo ozinikezayo, kuhlanganise nezici zezidingo zabanokukhubazeka.
• Buka okufake ku-Airbnb ukuze ubone ukuthi kuvela kanjani ezivakashini.

Ithebhu ethi Imiyalezo ikusiza uxhumane nezivakashi ngaphambi, phakathi, nangemva kokuhlala kwazo.

• Phendula izivakashi kalula usebenzisa izimpendulo ezisheshayo—amathempulethi aqokiwe ongawathumela ngokushesha noma uwahlelele ukuba athunyelwe ngezikhathi ezisemqoka.
• Thumela izithombe ukuze uzethule futhi ugqamise imininingwane ebalulekile, bese ufaka amavidiyo ukuze usize izivakashi ziqonde indawo yakho.
• Hlola izicelo zokubhukha, okuhlanganisa imininingwane enjengezinsuku zohambo nenani lezivakashi.
• Nikeza ukusikisela kwezinto ezingcono kakhulu ongazibona, ongazenza, nongazidla endaweni yakini.

Imenyu ikungenisa eholweni lakho, imibono, namanye amasethingi. Uzothola amacebiso enzelwe wena nezinsiza zokukhulisa ibhizinisi lakho lokubungaza.

• Buka iholo lakho futhi usungule imibiko eqokiwe kudeshibhodi yeholo.
• Hlola izilinganiso nokuphawula kwezivakashi engxenyeni yemibono.
• Menenja amasethingi e-akhawunti yakho futhi uthole izinsiza zokubungaza.

Imininingwane ekulesi sihloko kungenzeka isishintshile selokhu sashicilelwa.