Ukusebenzisa izimpendulo ezisheshayo ukuze wonge isikhathi

Ababungazi bokokuzithokozisa bavame ukuzithola bephendula imibuzo efanayo evela ezivakashini ezihlukahlukene: Utholakala nini ngeviki elizayo? Sizohlangana kuphi? Ngingayilungiselela kanjani imvula?

Ungazisebenzisa kabusha izimpendulo zakho—futhi uphendule ngokushesha njalo—ngezimpendulo ezisheshayo kuthebhu ethi Imiyalezo.

Impendulo esheshayo ingumyalezo omfushane, obhalwe kusengaphambili ogcinwa njengethempulethi kumasethingi akho emiyalezo.

Ama-placeholder emininingwane, njengegama lesivakashi, enza umyalezo ngamunye uhambelane nomuntu owubhalelwe ngokuthatha imininingwane evela kokufake ku-Airbnb noma ekubhukheni.

Sungula izimpendulo zakho ezisheshayo noma ushintshe amathempulethi e-Airbnb. Ngokwesibonelo, uma ngokuvamile kudingeka uthintane nezivakashi ezifika sekwephuzile, zama ukuseyiva impendulo yakho evamile njengempendulo esheshayo.

Ungathumela izimpendulo ezisheshayo ngokushesha noma uzishejulele ukuba zithunyelwe ngokuzenzakalelayo kamuva.

Ukuze uthumele impendulo esheshayo ngaso leso sikhathi esivakashini:

• Iya kuthebhu ethi Imiyalezo.
• Khetha ingxoxo ongathanda ukuphendula kuyo.
• Thepha uphawu lokuhlanganisa (+) kokuthi Bhala umyalezo.
• Khetha okuthi Thumela impendulo esheshayo.
• Khetha impendulo esheshayo, evela engxoxweni yenu.
• Shintsha umyalezo noma uwuthumele njengoba unjalo.
• Thepha umcibisholo (↑) ukuze uthumele umyalezo.

Ithebhu ethi Imiyalezo iphinde ibe nezimpendulo ezisikiselwayo, ezisebenzisa i-artificial intelligence ukuze ziqonde umbuzo wesivakashi bese zisikisela enye yezimpendulo zakho ezisheshayo ukuze ziwuphendule. Ukusikisela kuvela engxoxweni yakho, lapho kunguwe kuphela ongakubona khona. Ungashintsha impendulo esikiselwayo ngaphambi kokuyithumela, noma ubhale impendulo ehlukile.

Ukuze uthumele impendulo esheshayo kuzo zonke izivakashi ngokuzenzakalelayo:

• Iya kuthebhu ethi Imiyalezo.
• Thepha i-ayikhoni yamasethingi phezulu kwesikrini sakho.
• Thepha okuthi Menenja izimpendulo ezisheshayo.
• Khetha impendulo esheshayo ofuna ukuyishejula bese uthepha Okulandelayo.
• Thepha okuthi Shejulela bese uyakhetha ukuthi ungathanda izivakashi ziwuthole nini umyalezo, njengalapho kuqinisekiswa ukubhukha noma emahoreni angu-2 ngaphambi kokuba okokuzithokozisa kuqale.

Ekuqinisekisweni kokubhukha, kubili ongakhetha kukho: Shejula umyalezo oqondile esivakashini ngasinye esibhukhayo, noma umyalezo weqembu ngemva kokubhukha kwesivakashi sokuqala. 

Uma ushejula umyalezo weqembu, izivakashi ezibhukha okokuzithokozisa ngosuku nangesikhathi esifanayo zifakwa ngokuzenzakalelayo emiyalezweni. Zingayifunda yonke imiyalezo esithunyelwe, ngakho akudingeki uphinde ubhale osukushilo.

Uzobona isikhumbuzo engxoxweni yakho nesivakashi lapho impendulo esheshayo eshejuliwe isisondele. Lungisa noma weqe ukuthumela umyalezo uma uphinda imininingwane osuyithumele kakade.

Impendulo esheshayo isebenza kangcono uma imfushane futhi igxile esihlokweni esisodwa. Uzothola amathempulethi abhalwe kusengaphambili kuthebhu ethi Imiyalezo ezihloko ezivamile ezinjengalezi. Zama ukuwathumela ngezikhathi ezisemqoka.

• Ukuqinisekiswa kokubhukha: Thumela inothi lokwamukela ukuze uzethule futhi ubuze izivakashi ukuthi zinayo yini imibuzo noma izicelo ezikhethekile, njengokudla ezikudlayo noma lokho ezikuncamelayo.
• Ukulungiselela: Siza izivakashi zihlomule ngangokunokwenzeka kokokuzithokozisa ngokusho lokho ezingakulindela, njengokuthumela isibikezelo sesimo sezulu namacebiso alokho okufanele zikugqoke noma zikuphathe ukuze zithokomale.
• Ngaphambi kokokuzithokozisa: Thintana nezivakashi kusasele amahora angu-24 ukuze uzikhumbuze ngesikhathi sokuqala nendawo yokuhlangana, neziqondiso ezicacile zokufika kuyo.
• Ngemva kokokuzithokozisa: Yabelana ngokusikisela kwakho kwasendaweni futhi ucabangele ukucela umbiko nokuphawula kukawonk'uwonke ezivakashini.

Ukufaka izithombe noma amavidiyo ezimpendulweni zakho ezisheshayo kungakusiza uzethule, unikeze isithombe sendawo yakho yokuhlangana, noma ubonise okuvelele kokokuzithokozisa. Ngokwesibonelo, uma uthathe izithombe zezivakashi zakho phakathi nokwenziwayo, athasha ezimbalwa empendulweni yakho esheshayo “yangemva kokokuzithokozisa” ngaphambi kokuyithumela.

Unga-athasha amafayela emiyalezweni noma nini ngemva kokuqinisekiswa kokubhukha. Thumela izithombe ngefomethi ye-PNG noma ye-JPG (amamegabhayithi angaba ngu-50) namavidiyo ngefomethi ye-MP4 noma ye-MOV (amamegabhayithi angaba ngu-100 nemizuzwana engu-60).

Isimo singahluka ngokwendawo kubasebenzisi. Imininingwane ekulesi sihloko kungenzeka isishintshile selokhu sashicilelwa.