Indlela ongasekela ngayo izindawo zokuhlala zezimo eziphuthumayo ezikhathini ezibucayi

Lapho izinhlekelele zemvelo noma izimpi ezinkulu ziphoqa abantu ukuba babaleke emizini yabo, esinye sezidingo zabo eziphuthumayo ukuthola indawo yokuhlala. Izindawo zokuhlala zesikhashana zibanikeza indawo yokuthi bakwazi ukugxila kwezinye izinto ezisemqoka futhi benze izinhlelo zesikhathi eside esisazolandela. Ungaba negalelo ngokubungaza izindawo zokuhlala zezimo eziphuthumayo noma ngokunikela kokuthi Airbnb.org.

I-Airbnb.org iyinhlangano engenzi nzuzo yase-US 501(c)(3) engasebenzi ngaphansi kwe-Airbnb. Lo msebenzi waqala ngo-2012, lapho uShell, umbungazi waseBrooklyn, eNew York, enikeza indawo yakhe mahhala kubantu ababefudukile Ngesiphepho uSandy. I-Airbnb yacela usizo kwabanye abantu emphakathini, futhi ababungazi bendawo abangaphezu kuka-1,000 bavulela abantu abathintwe yisiphepho amakhaya abo.

Igqugquzelwa yizenzo zikaShell, i-Airbnb yasungula uhlelo oluvumela ababungazi emhlabeni jikelele ukuba banikeze ngezindawo zabo ngezikhathi zenhlekelele. Ngo-2020, lolu hlelo lwaba inhlangano engenzi nzuzo i-Airbnb.org, enomgomo kanye nethimba labaqondisi bayo.

Namuhla, i-Airbnb.org isebenza nohulumeni, ama-NGO, nezinhlangano ezisiza abantu emhlabeni jikelele ekutholeleni abantu izindawo zokuhlala zesikhashana. Ixhaswa ngabantu abanikelayo, incike ezinkundleni zobuchwepheshe ze-Airbnb nomphakathi womhlaba wonke wababungazi ukuze isize ezinhlekeleleni zemvelo, izimpi, nezinye izimo eziphuthumayo.

I-Airbnb.org inikeze ubusuku obungaphezu kuka-1.6 million bezindawo zokuhlala zezimo eziphuthumayo kubantu abangaphezu kuka-250,000, okuhlanganisa ababaleki nabantu abangenamakhaya ngenxa yezinhlekelele zemvelo. Isidingo sosizo siyaqhubeka sikhula.

Ungenza umnikelo owodwa, kungakhathaliseki ukuthi unendawo yokubungaza noma cha. Uma ubungaza njalo ku-Airbnb, unganikeza amaphesenti athile emalini ngayinye oyikhokhelwayo. Kunoma yikuphi, u-100% womnikelo wakho uya ekuxhaseni izindawo zokuhlala zezimo eziphuthumayo (hhayi izindleko zokusebenza zokuthi Airbnb.org).

Uma ungumbungazi we-Airbnb, ungasebenzisa okufakwe ku-Airbnb kwamanje noma usethe okusha kwenye indlu. Ungakhetha ukunikeza indawo yakho mahhala noma ngesaphulelo nge-Airbnb.org.

Ungaphinde futhi ubhalisele ukubungaza ngokukhethekile ngokuthi Airbnb.org, okusho ukuthi uzobungaza kuphela izivakashi ezidinga ukuhlala kwezimo eziphuthumayo. Kulokhu, unganikeza indawo yakho mahhala kuphela.

Izivakashi ze-Airbnb.org zihlala mahhala. Ukubhukha kuxhaswa ngeminikelo. Ngokunikeza indawo yakho mahhala noma ngesaphulelo, ungasiza iminikelo iqhubekele phambili futhi inikeze izindawo zokuhlala zezimo eziphuthumayo kubantu abengeziwe.

I-Airbnb ikhokhela zonke izindleko zokusebenza kwe-Airbnb.org, ngakho yonke iminikelo ngobunjalo bayo iya ngokuqondile ekunikezeni izindawo zokuhlala zezimo eziphuthumayo. I-Airbnb ayenzi mali kulokhu kuhlala. Ukubhukha kuvikelwe yi-AirCover Yababungazi.

Izivakashi zokuthi Airbnb.org zivame ukunikezwa noma ukusekelwa yizinhlangano ezigxile ekusabeleni ezinhlekeleleni nasekuhlaliseni ababaleki. Izivakashi azikwazi ukubhalisela ngokuqondile ukuhlala kwezimo eziphuthumayo ngokuthi Airbnb.org.

Izivakashi ezifanelekela ukuhlala kwezimo eziphuthumayo zihlanganisa:

• Abantu abathintwe yizinhlekelele ezinkulu, kuhlanganise nezisebenzi ezinika usizo kulezo zinhlekelele ngokomthetho.
• Ababaleki, noma abantu abasenqubweni yokufuna ukukhoseliswa, i-Special Immigrant Visa, noma esinye isteyithasi sezifiki esinenjongo efanayo yezenhlalakahle.

Izivakashi ezifanelekayo zingathola ikhredithi ye-Airbnb.org ukuze zibhukhe ukuhlala kwezimo eziphuthumayo, noma uphathina ongenzi inzuzo angase abhukhe egameni lezivakashi futhi amenenje ukuxhumana nombungazi.

Indawo yakho inganikeza induduzo kubantu ngezikhathi zobunzima. UDima, isivakashi se-Airbnb.org eBerlin, washiya i-Ukraine ngo-2022.“Ngangizwa ubuhlungu obukhulu ngalezo zinsuku zokuqala,” kusho uDima. “Angazi nokwazi ukuthi iyiphi ingxenye eyayibalulekile kimi: ukuba sendaweni ephephile noma nje ukuqonda ubukhulu bosizo engilutholayo.”

Yebo. Ukubhalisela ukunikeza izindawo zokuhlala zezimo eziphuthumayo mahhala noma ngesaphulelo, noma ukusetha iminikelo eqhubekayo evela emalini oyikhokhelwayo, kukutholela ibheji lomsekeli le-Airbnb.org kuphrofayili yakho yombungazi. 

Izigidi zabantu emhlabeni jikelele zishiya amakhaya azo ngenxa yezimpi nenhlekelele. Ungenza umehluko owusizo ekuphileni kwababaleki, abantu abafudukile, nezisebenzi zosizo ngokuvula ikhaya lakho, noma ukwenza umnikelo ukuze usekele izindawo zokuhlala zezimo eziphuthumayo.