Amacebiso angu-7 okubungaza abantu abaye babalekela inhlekelele

Uma uke wabungaza nge-Airbnb ngaphambili, cishe uchithe amahora amaningi ucabanga ngendlela yokwenza izivakashi zakho ziziwe zamukelekile endaweni yakho.

Uma ubungaza ukuhlala kwezimo eziphuthumayo nge-Airbnb.org, kungenzeka ucabanga ngendlela yokwamukela izivakashi okungenzeka zibhekane nesimo esishaqisayo.

Abantu abashiye amakhaya abo befuna indawo ephephile, ngezinye izikhathi ngaphandle kwesixwayiso, bangase babe nezinye izinto ezibakhathazayo nabazilindele kunezivakashi ezivakashayo. Leso ngesinye isizathu esenza i-Airbnb.org ibe ngophathina namabhizinisi angenzi inzuzo agxile ekusizeni abantu ababalekayo ezimpini nasezinhlekeleleni zemvelo. Lezi zinhlangano ngezinye izikhathi zinikeza amasevisi okunakekela izingane ngokuphelele phakathi nokuhlala kwezivakashi zakho.

I-Airbnb.org inikeza wena nezivakashi zakho abantu abaqeqeshelwe ukusiza amakhasimende uma kuphakama izinkinga eziyinkimbinkimbi. Iphinde isize nezivakashi kungakhathaliseki ubuzwe, uhlanga, isizinda, noma uhlobo lwabantu abayilo.

Kulula ukukubukela phansi ukubaluleka kwendawo ethokomele, ephephile, nephrayivethi yomndeni osanda kubhekana nesimo esibucayi. Abaningi basuke bengenalo ikhishi abangaphekela kulo, noma igumbi lokuphumula lapho bengahlangana khona, selokhu bashiya amakhaya abo.

Nazi izinyathelo ezimbalwa ongazithatha ukuze wenze indawo yakho ithokomale nakakhulu:

• Faka umuzwa wemfudumalo nokuthokomala endaweni yakho ukuze abantu bangcebeleke. Hlanza amashidi namathawula, izinto zokugeza nokuzilungisa, nezinto ezidingeka ekhishini zingasiza abantu bazizwe bezokwazi ukuhlala, ngisho noma bezohlala izinsuku ezimbalwa.

• Ezinye izivakashi zingase zikhathazeke ngokuphepha kwazo. Zama ukuqinisekisa ukuthi izindawo ezingena imoto nezokungena eminyango zinokukhanya okwanele. Qiniseka ukuthi konke okukhiywayo, ama-blinds, namakhethini kuyasebenza. Zitshele uma kufanele zilindele ukuzwa imisindo emikhulu njengezindiza ezindizela eduze noma abantu abathatha imigqomo abasondela endlini entathakusa.

• Abantu ababhekane nesimo esishaqisayo noshintsho ekuphileni bangakuthola kunzima ukukhumbula izinto. “Awukwazi ukucabanga kahle; awukwazi ukuhlaziya isimo,” kusho esinye isivakashi esiye sabaleka ngesikhathi kuba nomlilo omkhulu e-California. “Kungaphezu kwamandla kangangokuba usuke ungazi nokuthi izinto zenziwa kanjani, futhi kuvele kukwenze uphelelwe amandla.” Izithombe ezichazayo zingazisiza izivakashi zakho. Ungazinika iphepha eliphrintiwe elinekheli lendlu yakho nebalazwe lendawo izivakashi zakho ezingalibheka noma nini lapho zilidinga.

• Uma wena nezivakashi zakho ningakhulumi ulimi olufanayo, funa abantu bendawo noma amabhizinisi angenzi inzuzo angase anikeze izinsiza ezihunyushelwe olimini izivakashi ezilwaziyo. Uma othile owenza uphenyo ovela kophathina abangenzi inzuzo be-Airbnb.org esiza izivakashi zakho, naye angase akwazi ukusiza.

KuBabungazi abaningi, ukuxhumana ngokuqondile nezivakashi kungomunye wemivuzo emikhulu yokubungaza. Nazi izinto ezimbalwa okufanele uzikhumbule uma uxhumana nezivakashi okungenzeka zisanda kubhekana nenhlekelele.

• Ukungafihli lutho nokungaguquguquki kubaluleke kakhulu. Nikeza izivakashi isaziso kusenesikhathi uma kuzoba nothile ozolungisa ngaphakathi noma ngaphandle kwendlu, futhi uzitshele kusenesikhathi uma kuzodingeka ufike.

• Uma uxoxa nezivakashi zakho, zama ukugxila emibuzweni emayelana nokuhlala kwazo esikhundleni senhlekelele ezisanda kubhekana nayo. U-Mary, ubungaze abantu abaningana ababalekile e-Ukraine, uthi, “Ngangibuza imibuzo evamile enjengokuthi ‘Nivela kuphi?’ Nokuthi ‘Belunjani uhambo lwenu?’” Unezele nokuthi, izivakashi zakho zizokutshela uma zifuna ukuxoxa kabanzi ngalokho ezibhekane nakho. Uma uhlonipha iphrayivesi yazo, uzinika ithuba lokuphumuza ingqondo nokungcebeleka.

• Nakisisa izivakashi zakho ubone ukuthi yini ezingathanda ukuyixoxa nawe. Ezinye zingase zifune ukuhlala eduze nemindeni yazo. Ezinye zingeza kuwe, zikucele uzisize zihlangane nabanye abantu emphakathini.

Siyabonga ngokuzimisela kwakho ukunikeza indawo yakho, isikhathi sakho, nomusa wakho. Uma ufuna imininingwane eyengeziwe yendlela yokulungiselela izindawo zokuhlala zezimo eziphuthumayo, uzothola izihloko namavidiyo eziqondisweni zokubungaza ze-Airbnb.org eSikhungweni Solwazi.