Faka imininingwane izivakashi ezizoyithanda

Lapho izivakashi zingena e-Beach Lodge e-Hollywood Beach, e-California, ngokushesha ziba nawo umqondo wokuthi ungubani u-Tiffany Caliva-Talledo. Indlela acabanga ngayo nothando analo ngokudizayina kuyabonakala endleleni ahlobise ngayo—imibala, imidwebo, nakho konke azenzele kona. Njengomuntu owayengumqondisi oyiciko, ubelokhu enekhono lokuhlobisa. Lapha, uxoxa ngezimfihlo zakhe zokuphumelela ku-Airbnb.

“Ngaphambi kokuba silungise i-Beach Lodge, yayiyindlu embi eluhlaza enuka ukukhunta. Abantu babeyibiza ngokuthi ‘Umhume Wezidakamizwa’ futhi bevame ukugijima uma bedlula ngakuyo! Omakhelwane babecabanga ukuthi sisangene uma siyithenga, kodwa ngabona okuthile okukhethekile kuyo—futhi nganginomuzwa wokuthi uma singayilungisa, abantu bazoza. Ngiyithanda kakhulu—futhi ngicabanga ukuthi izivakashi ziyabuya ngenxa yaleso sizathu.”

Sungula isimo esihehayo
“Ukusungula okokuzithokozisa okungalibaleki njalo kuqala ngokusungula isimo esifanele. Lapho udizayina indawo, ngivame ukutshela amaklayenti ami ukuba aqale ngomuzwa hhayi ngetimu. Ufuna izivakashi zakho zizizwe kanjani uma zingena endlini yakho—zithokomele, zijabule, zinokuzola? Ku-Beach Lodge, kunokuba ngisebenzise itimu yezindawo ezingasolwandle, ngacabanga ikakhulukazi ngemibala, uhlobo lwemidwebo, nemininingwane: amaphethini avela nemibala eluhlaza okwesibhakabhaka, imidwebo ehlobene nesihlabathi, nezitshalo eziningi ukuze lokho okubona ngaphandle ukubone ngaphakathi endlini.”

Bala izindleko zokudizayina
“Ukuhlobisa akudingeki kumbe eqolo! Abantu abadayisa emigwaqweni nezitolo ezidayisa amasekeni zigcwele izinto ezinhle ezishibhile nezinto eziyingqayizivele ezibukeka zinomlando. Okufanele nje ukwenze ukuzithungatha. Mina ngokukhethekile ngithanda izinto ezibonisa isizinda sami sase-Philippines nase-Asia. Izinto ozikhethayo zendawo yakho kufanele zibe nomyalezo, futhi sezizonke zizoyilandisa indaba yekhaya lakho.”

Zama izinto ezihlukahlukene
“Okunye engivame ukukutshela amaklayenti ami ukuthi azame izinto ezihlukahlukene. Shintsha imihlobiso. Zama izinto ezintsha. Shintsha izinto enkathini yonyaka ngayinye. Kuyindlela engcono yokuthola lokho okusebenzayo kulokho ozama ukukwenza nalokho okungasebenzi. Cabanga ngendawo yakho njengomuntu onezici zakhe nobuntu bakhe. Njengawe, kufanele iguquke futhi ishintshe ukuze ibe uhlelo olungcono lwangaleso sikhathi.”

Sungula izindawo ezincane ezithokomele
“Ngiyathanda ukudlala ngezindawo ezikhangayo ngezindlela ezingalindelekile. Elinye icebiso engilitusayo ukusungula izindawana ezincane ekhaya lakho—izindawo ezincane lapho izivakashi zingachitha khona isizungu ngokufunda incwadi. Ngingase nginezele izingubo, imicamelo, nomdwebo ekhoneni ukuze abantu bafune ukuyohlala kulo baziphumulele. Cabanga ngendlela ongasungula ngayo lezi zindawo ezincane ezithokomele.”

Yenze ifanelane nohlobo lwezivakashi
“Uma kungenzeka, hlela indawo ifanelane nokuhlala kwezivakashi zakho ngezindlela ezengeziwe ezikhethekile. Ngokwesibonelo, uma othile esho ukuthi uzobe egubha usuku lokuzalwa, ngizoshiya amakhekhe avela ebhikawozi engiyithandayo yasendaweni. Uma engayidli inyama, ngisungula uhlu lwendawo lwezitolo zokudlela. Uma kungumndeni onezingane, ngishintsha imicamelo namashidi ngifake afanelekayo. Lezi zindlela ziyaphawuleka ngempela ezivakashini. Uzobona kubhalwa ngazo ekuphawuleni kwakho nasekubhukheni okuphindwayo.”

Zinikeze into ezizoya nayo ekhaya
“Ngitusa ukunikeza izivakashi into eyisikhumbuzo uma zifika njengendlela yokuzamukela ezozenza zizizwe zisekhaya, njengamakhadi esipho amabhizinisi aseduze noma amaphostikhadi avela emacikweni asendaweni."

"Ngaphezu kwalokho, izivakashi zingathenga izinto e-Beach Lodge ngokuqondile, okuhlanganisa amagawuni namalineni kanye nezinto ezibizayo zakudala ezingelona usongo endaweni ezungezile, noma esitolo se-inthanethi engisisungulile. Bengilokhu ngifaka namabhrendi abantu besifazane nawasendaweni, abalulekile kimi. Angiyithathi inzuzo. Konke kumayelana nokuxhumanisa abantu nalawa mabhrendi. Kungaphezulu kakhulu kokuba indawo yokuvakasha kimi.”

Gqoka isigqoko sakho sokuba umqondisi womkhumbi
“Siqambe ikhaya lethu ngokuthi yi-Beach Lodge ngoba, kithina, i-lodge iyindawo ethokomele abantu abahlangana kuyo. Ngifake kuyo imidlalo yamabhodi, omata be-yoga, izinto ezisunguliwe, izinto zobuciko, indawo yokosa, amathawula asebhishi, amabhayisikili, izincwadi zokuchitha isizungu, nomshini wokudlala amarekhodi. Ukuvakasha kuhlobene nokwazi ezinye izindawo futhi lezi zinto ezenziwayo zingasiza abantu basungule izinkumbulo nezindlela ezintsha zokuphila. Cabanga ukuthi yimaphi amasevisi angathuthukisa okokuzithokozisa kwabo.”

Khumbula ukuthi konke kuxhomeke emininingwaneni! Ngalezi zindlela ezicatshangelwe kahle, izivakashi ziyakuzwa ukukhathalela onako ngendawo yakho—zizoqhubeka zibuya.

Funda kabanzi ngokuba umbungazi