Sebenzisa ukuphawula kwezivakashi ukuze uthuthukise

Izilinganiso nokuphawula okungcono kungaholela ekubhukheni okwengeziwe neholo elengeziwe. Nansi indlela yokusingatha inqubo yokuphawula nokusebenzisa imibono ukuze uthuthukise.

Bonisa izivakashi ukuthi uzimisele ukuthuthukisa ngokucela umbiko kuzo.

• Thumela umyalezo oshejuliwe lapho ziphuma. Cela izivakashi zithumele umbiko ophrayivethi, okuhlanganisa imibono eqondile yendlela obungenza ngayo ukuvakasha kwazo kube ngcono.

• Nikeza ukuphawula ngezivakashi zakho. Lokhu kuyazikhumbuza ukuthi nazo ziphawule ngawe phambi kukawonk'uwonke. Ninezinsuku ezingu-14 ngemva kokuphuma kwazo ukuba niphawule ngomunye nomunye.

Sungula inqubo elula yokunquma ukuthi yikuphi ukusikisela ozokusebenzisa.

• Funda konke ukuphawula. Bonga izivakashi ngemibono yazo futhi ucabange nokuthi yini engaba usizo endaweni yakho nasenqubweni oyisebenzisayo, nakwezinye izivakashi.
• Naka izilinganiso zezinkanyezi. Izivakashi zinganikeza isilinganiso sezinkanyezi ezigabeni ezithile, bese zikhetha ohlwini lwalokho okuhambe kahle noma lokho ezingagculisekanga kukho. Bheka amathrendi, njengezivakashi ezivame ukukhetha “imfucumfucu” uma zifaka isilinganiso enhlanzekweni noma “iziqondiso ezingacacile” uma zifaka isilinganiso ekungeneni.

Ungathuthukisa njalo kulokho okunikeza izivakashi.

• Phendula ekuphawuleni. Uma izivakashi zinikeza ukusikisela, phendula ubonge bese usebenzisa ukuphawula kwazo. Lokhu kubonisa ukuthi uwubheka njengobalulekile umbiko wazo. Uma uphendula ekuphawuleni okubonwa nguwonk'uwonke, impendulo yakho izovela ngaphansi kwako.
• Gxila ezixazululweni. Uma kunenkinga, thola imbangela yenkinga, bese uzama ukubona ukuthi yini okwazi ukuyenza. Ngokwesibonelo, ungase ukhanyise igumbi elimnyama ngokusebenzisa izibani eziphathwayo, nezibuko.
• Thumelela neqembu elikusizayo umbiko. Kungase kudingeke unikeze aBabungazi Abangabasizi nalabo abahlanzayo iziqondiso ezengeziwe. Ngokwesibonelo, uma izivakashi zithola izimvuthuluka kusofa, dlulisela lokho kunoma ubani okusiza ekuhlanzeni.
• Lungisa indlu yakho. Ukuphawula kubonisa izinga okufinyelela ngalo lokho okulindelekile. Qiniseka ukuthi izinto ezidingekayo, izithombe, nencazelo yendlu kuyafana nalokho okunikezayo.

Imininingwane ekulesi sihloko kungenzeka isishintshile selokhu sashicilelwa.