Yenza ukungena nokuphuma kube lula

Ukungena nokuphuma kuyizikhathi ezibalulekile ezingaba negalelo elihle noma ezingaphazamisa ukuhlala kwezinkanyezi ezinhlanu. Izivakashi zilindele ukungena ngaphakathi kalula, zizizwe zamukelekile, futhi zihambe kalula.

Izivakashi zifuna ukwazi indlela yokuthola indawo yakho nokuvula umnyango wangaphambili lapho zifika. Funa izindlela zokwenza ukungena kube lula:

• Sebenzisa Iziqondiso zokufika ukuze uthole imininingwane ebalulekile. Ethuluzini lokulungisa indlu, ungasetha noma ulungise indlela yakho yokungena nesikhathi, indlela okuhanjwa ngayo, imanyuwali yendlu, iphasiwedi ye-wifi, nokunye—konke kube sendaweni eyodwa. Izivakashi zithola le mininingwane ngemva kokubhukha.

• Bonisa izinyathelo zokungena ngaphakathi. Faka izithombe noma ngisho nevidiyo yokusiza izivakashi zingene. Ngokwesibonelo, ungafaka isithombe salapho umshudo ukhona esangweni noma indlela yokuvula ibhokisi lesikhiye. 

• Zibuke kuqala iziqondiso zakho. Thepha inkinobho ethi Buka ukuze ubone imininingwane yakho yokufika ngendlela izivakashi eziyibona ngayo. Cela umngane atheste iziqondiso zakho bese wenza noma yikuphi ukulungisa okudingekayo ukuze ukungena kube lula.

• Lungisa indawo yakho. Zama ukufaka ukukhanya, ukuphosta izimpawu, noma ukufaka indlela ehlukile yokukhiya—njenge-smart lock noma ikhiphedi—ukuze wenze ukungena kube lula kuwe nasezivakashini zakho.

Izivakashi zingakuthumelela imiyalezo enemibuzo mayelana nokungena. Phendula ngokushesha ngangokunokwenzeka, ikakhulukazi emahoreni angu-24 ngaphambi kokufika kwazo.

Indlela obingelela ngayo izivakashi futhi ucabange ngezidingo zazo kuyizimpawu zokwamukela izivakashi okuhle kakhulu. Ukunaka ngisho nemininingwane emincane kakhulu kungaba nomthelela omkhulu ezivakashini.

• Shejula umyalezo wokwamukela izivakashi. Ngosuku lokungena, tshela izivakashi ukuthi uyatholakala uma kukhona ezikudingayo.

• Zijwayeze ukwamukela izivakashi ngokungakhethi. Khumbula ukuthi izivakashi zingase zibe nezinkolelo noma amasiko ahlukile kwawakho.

• Yiba ocabangelayo. Bonisa ukuthi uyazikhathalela izivakashi zakho futhi ubeke izidingo zazo kuqala kuyilapho uhlonipha nephrayivesi yazo.

URie, oyilungu leBhodi Yabeluleki Bababungazi noMbungazi ovelele eYomitan, eJapan, uthanda ukushiya inothi lokwamukela izivakashi elinemininingwane yendawo ewusizo. Uthi, “Uma engumzali ongitshele ukuthi unengane encane, ngizotusa kuye isitolo esikahle sokuthenga amanabukeni.” “Uma benenja, ngiyasikisela ukuthi bangakuthenga kuphi ukudla kwezilwane ezifuywayo kwekhwalithi ephezulu.”

Cabanga ngokuphuma njengendlela yokugcina yezivakashi yokujabulela ukuba sendaweni yakho. Ufuna zikhumbule ukuhlala okuhle ezibe nakho.

Sebenzisa Iziqondiso zokufika ukuze unikeze iziqondiso zokuphuma ezicacile nezilula. Cabangela ukuthi imisebenzi yokuphuma enjengokukhipha udoti noma ukuqoqa amathawula asetshenzisiwe kungazithola yini izinkanyezi ezinhlanu ezivakashini. Ukwenza le misebenzi ibe yingxenye yenqubo yakho yokuhlanza kungaholela ekuphawuleni okungcono.

Ngemva kokuhlala ngakunye, thumelela izivakashi umyalezo wokubonga. Zicele ukuba zibuye, futhi uzitshele ukuthi uyawujabulela umbiko wazo. Buza ukuthi yini ezingayijabulela ngokuzayo lapho zivakasha.

Imininingwane ekulesi sihloko kungenzeka isishintshile selokhu sashicilelwa.