Heha izivakashi ngethesti entsha yejubane ye-wifi

Izivakashi eziningi zithembele ku-inthanethi esheshayo ukuze zibe nohambo olumnandi, futhi isemqoka ezivakashini ezisebenzela emakhaya. Empeleni, ucwaningo lwe-Airbnb lubonisa ukuthi i-wifi ingenye yamasevisi isivakashi eziwasesha kaningana, nokuthi ukufaka indawo evumela ukusebenzisa i-laptop kumasevisi endlu kungasiza abanye Ababungazi bakhuphule iholo labo.*

Ijubane libalulekile uma kuziwa ku-wifi, kusukela ekubukeleni amamuvi kuya ekujoyineni ucingo lwenkomfa ngaphandle kobuhixihixi. Manje Ababungazi bangaqinisekisa ijubane le-wifi yendlu yabo ngaphandle kokuphuma ku-app ye-Airbnb ngokusebenzisa ithesti entsha yejubane le-wifi. Leli thuluzi likuvumela ukuba utheste kalula ijubane le-wifi yendlu yakho, bese ulibonisa ngokuqondile ekhasini lendlu yakho—okukusiza ukuba uhehe izivakashi ezengeziwe ezifuna izindawo zokuhlala ezinoxhumano.

Ithesti yejubane le-wifi njengamanje iyatholakala ku-app ye-Airbnb ye-iOS neye-Android. Ukuze uqalise, kuzodingeka ube sendaweni yakho futhi uxhume kunethiwekhi ye-wifi yendlu yakho.

Uma usulapho, landela lezi zinyathelo:

1. Thepha Iphrofayili bese uthepha okuthi Shintshela ekubungazeni
2. Thepha Izindlu bese uthepha indlu oyifunayo
3. Ngaphansi kokuthi Mayelana nendlu, iya kokuthi Amasevisi
4. Skrola uye kokuthi I-wifi bese uthepha okuthi Faka imininingwane
5. Thepha okuthi Thesta ijubane le-wifi (kudingeka unike imvume yokubona indawo uma ingakagunyazwa kakade)
6. Thepha okuthi Qala ithesti
7. Ngemva kokuboniswa kwemiphumela, thepha okuthi Gcina ukuze ijubane le-wifi yakho livele ekhasini lendlu yakho
8. Uma ijubane le-wifi yakho lingu-50 Mbps noma ngaphezulu, indlu yakho izogqanyiswa njengene-wifi esheshayo

Funda kabanzi ngokunikeza izivakashi i-wifi

Ijubane le-inthanethi likalwa ngama-megabits umzuzwana ngamunye, futhi le nombolo ingabonisa ijubane loxhumano lwakho. Nazi izinombolo ezihlukahlukene ongazithola ezivela kuthesti yejubane le-wifi, nalokho ezikushoyo:

• Akunalutho: Ayikho i-wifi. Awunayo i-wifi noma ayixhunyiwe. Zama ukuqala kabusha irawutha yakho noma uyibeke kwenye indawo endlini yakho.
  
• 1-6 Mbps: Ijubane le-wifi elivamile. Izivakashi zingahlola imiyalezo futhi zibhrawuze kuwebhu.
  
• 7-24 Mbps: Ijubane le-wifi elikahle. Izivakashi zingadlala amavidiyo e-HD.
  
• 25-49 Mbps: Ijubane le-wifi elisheshayo. Izivakashi zingadlala amavidiyo ekhwalithi ephezulu e-4K futhi zijoyine izingcingo zevidiyo.
  
• 50+ Mbps: Kuhle kakhulu! Ijubane le-wifi elishesha kakhulu. Izivakashi zingadlala amavidiyo e-4K futhi zijoyine izingcingo zevidiyo kumadivayisi angaphezu kweyodwa. Sizogqamisa ijubane elisheshayo le-wifi endlini yakho.

Funda kabanzi ngokuhlola ijubane lakho le-inthanethi

Uma ithesti isiqedile futhi imiphumela yakho igciniwe, ijubane le-wifi yakho (ama-megabit ngomzuzwana) lizovela kokuthi Amasevisi eceleni kokuthi I-wifi, livumele izivakashi ukuba ziqinisekise ijubane lakho le-inthanethi ngaphambi kokuba zibhukhe.

Uma ijubane lakho lingu-50 Mbps noma ngaphezulu, uzovula isevisi entsha: Okuthi “I-wifi esheshayo” kuzovela ekhasini lendlu yakho.

Ngenxa yokuthi i-wifi iyisevisi ebaluleke kakhulu, siyajabula ngokukunikeza ithuluzi elingakusiza ukhangise ngejubane le-wifi yakho ezivakashini—elizokusiza nokuba ukhuphule izinga lokukhanga kwendlu yakho ku-Airbnb.

*Ngokwedatha yezangaphakathi ye-Airbnb elinganisa amasevisi aseshwa kaningi kunawo wonke kusukela ngo-September 1, 2020, kuya ku-September 1, 2021.