Xhumana ngokuzenzakalelayo ngalezi zilungiso ze-inbox

I-inbox yethu yaBabungazi iphuculiwe ukuze ikongele isikhathi osidingayo. Manje isinesivinini esiphindwe kayishumi futhi ihlanganisa izici ezithuthukisiwe njengemiyalezo eshejuliwe nezimpendulo ezisheshayo ozibhalele zona, kanye nokusesha nokuhlunga—konke okuklanyelwe ukukusiza ukhulumisane kalula nezivakashi zakho.

Nansi indlela esikusiza ngayo uxhumane nezivakashi kalula:

Ukuphendula izivakashi ngokushesha kusiza ekwenzeni izivakashi zikujabulele ukuvakasha.

Ungasebenzisa imiyalezo eshejuliwe ukuze uthumelele izivakashi imininingwane ngokuzenzakalelayo ngezikhathi ezisemqoka, njengasekubhukheni, ekungeneni, noma ekuphumeni.

Siphinde safaka namakhodi amafushane, afaka ngokuzenzakalelayo imininingwane enjengegama lesivakashi nosuku esizofika ngalo. Lokho kusho ukuthi ungasuka emiyalezweni eshejuliwe ethi “Ngiyabonga ngokubhukha!” uye kwethi “Ngiyabonga ngokubhukha, Anna!” ngaphandle kwenkinga.

Setha imiyalezo eshejuliwe

Imibuzo evela ezivakashini enjengokuthi “Ungangithumelela iziqondiso zendlela yokuza endaweni yakho?” nokuthi “Ithini ikhodi ye-wifi?” ivame kakhulu.

Yingakho sisungule izimpendulo ezisheshayo, ezenza ukuphendula emibuzweni evamile kusheshe futhi kube lula. Khetha umyalezo owuhlele kusengaphambili uchofoze okuthi thumela. Njengemiyalezo eshejuliwe, izimpendulo ezisheshayo manje zinamakhodi amafushane azokusiza ubhale ngendlela yakho kuyo yonke imiyalezo oyithumelayo.

“Izimpendulo ezisheshayo zinginika isikhathi sokusungula impendulo ebhalwe kahle—ehloliwe, ecacile, futhi, uma kufaneleka, ebonisa ukuqonda izidingo zezivakashi zethu,” kusho uSally, uMbungazi waseSnoqualmie, eWashington.

Sungula izimpendulo ezisheshayo

I-inbox nayo iyashesha ngenxa yesici sokusesha nesokuhlunga ezikwenza kube lula ngawe ukuthola umyalezo owudingayo ngesikhathi owudinga ngaso.

Sesha

Manje usungasesha i-inbox kalula kakhudlwana ngegama lesivakashi, ikhodi yokuqinisekisa, noma igama eliyinhloko. Ukuze useshe ngegama eliyinhloko, thayipha kalula nje kubha yokusesha—i-inbox ngokuhlakanipha isesha imiyalezo njengoba uthayipha. (Inothi elilodwa: igama eliyinhloko lakho kudingeka lipelwe kahle, kungenjalo i-inbox ngeke ikwazi ukuthola imiyalezo efanele.)

Hlela

Ukuze ukwazi ukubeka imiyalezo ebalulekile kuqala futhi ugxile ezintweni ezisemqoka kuqala, ungahlela imiyalezo yakho ngokumaka umyalezo ngokuthi awufundiwe, uwufake inkanyezi, noma uwufake ku-akhayivu.

Hlunga

Uma imiyalezo yakho isimakwe ngokuthi ayifundiwe noma isifakwe inkanyezi, uzokwazi ukuyihlunga kalula bese uthola umyalezo owudingayo. Isithonjana sesihlungi ngakwesokudla kwebha yakho yokusesha sikusiza uhlunge ngohlobo lomyalezo kanye/noma isigaba sohambo. Isihlungi esinenkanyezi sikuvumela ukuba ugxile emiyalezweni oyiphawule njengebalulekile, kuyilapho isihlungi sokungafundiwe sibonisa imiyalezo engafundiwe kuphela, noma imiyalezo oyiphawule njengengafundiwe.

Ungabuye uhlunge ngendlu (uma unengaphezu kweyodwa) nesigaba sohambo, njengalokhu:

• Izicelo
• Kudingeka ukuphawula
• Ukungena noma nokuphuma
• Ngaphambi kohambo, ohambweni, noma ngemva kohambo

I-inbox ehlungiwe, eseshekayo ingakwenza kube lula kakhudlwana ngawe ukuthola nokuphendula imiyalezo, futhi uhlale uthintana nezivakashi.