Yenza incwadi yeziqondiso ukwabelana ngamacebiso endawo

Ababungazi abaningi banikeza izivakashi zabo ukusikisela kwasendaweni, njengokuthi zingaliphuza kuphi ikhofi noma zingakutholaphi ukudla okumnandi. Kunokuba ubhale phansi amacebiso esivakashi ngasinye, ukusungula incwadi yeziqondiso eyidijithali ku-Airbnb kungakusiza wonge isikhathi ngokufaka konke ukutusa kwakho endaweni eyodwa.

Izivakashi zingayithola incwadi yakho yeziqondiso kuthebhu yazo ethi Uhambo nasendlini oyifakile, noma ungazithumelela yona ngokuqondile ngomyalezo usebenzisa ithuluzi elithi Ukwabelana Ngokutusa. Nayi indlela yokufeza lukhulu ngencwadi yakho yeziqondiso ukuze ukhangise ngendawo ekuzungezile futhi unikeze izivakashi okokuzithokozisa okukhethekile, okuhlukile.

Incwadi yeziqondiso iyithuba lakho lokuba unikeze izivakashi imininingwane ehleliwe egqamisa indlela owamukela ngayo izivakashi nalokho umphakathi wendawo yakini okunikezayo. Ungazisungulela eyakho incwadi yeziqondiso ku-Airbnb ukuze izivakashi ziyithole kalula.

1. Kugcine kukufushane. Kwenze kube lula ngezivakashi ukuba ziskene ukusikisela kwakho ngokugcina ukusikisela ngakunye kukufushane. Siza izivakashi ziqonde ukuthi iyini indawo noma okokuzithokozisa nokuthi kungani kufanele zikuzame.
2. Khuluma ngento oyaziyo. Ukutusa okunamandla kuvela entweni oyaziyo oke wayenza. Kungcono ukutusa kuphela izindawo nawe oke wajabulela ukuya kuzo.
3. Yisho izici ezikhethekile. Qiniseka ukuthi ufaka noma iziphi izici ezihlukile noma eziphawulekayo, njengovulande omuhle ongaphandle kwesitolo sokudlela, noma ingxenye ekhethekile yesitolo yezimpahla zasendaweni.
4.Faka isithombe. Ukuze wenze incwadi yakho yeziqondiso ihehe kakhudlwana, ungafaka isithombe osithathile uma kungenzeka endaweni ngayinye oyitusayo.
5. Yigcine ibuyekeziwe. Qiniseka ukuthi ubuyekeza incwadi yakho yeziqondiso ngezikhathi ezithile ukuze uqinisekise ukuthi yonke imininingwane isanembile futhi ufake ukusikisela okusha.

Funda indlela yokusungula incwadi yeziqondiso

Izincwadi zeziqondiso zilinkwe ku-akhawunti yakho yoMbungazi, hhayi indlu eyodwa (okuwusizo kuBabungazi abanamagumbi noma amakhaya amaningi abawanikezayo). “Manje ngingasungula incwadi yeziqondiso eyodwa yendawo ezohambisana nazo zonke izindlu zami ezintathu,” kusho u-Ann, uMbungazi Ovelele e-Sedgwick, e-Maine.

Izivakashi zingangena encwadini yakho yeziqondiso ekhasini lendlu oyifakile nelephrofayili, nangokuya kuThebhu yohambo, lapho kuzovela khona ngokuzenzakalelayo uma ukubhukha kuqinisekisiwe.

Ungase uthande nokwabelana ngencwadi yakho yeziqondiso ngesikhathi nithumelelana imiyalezo nezivakashi. Ungakwenza lokhu kalula ngokuthepha i-ayikhoni ethi Yabelana Ngokutusa ku-inbox yakho yoMbungazi. Leli thuluzi likuvumela nokuba utuse ingxube yoKokuzithokozisa kwe-Airbnb okusendaweni.

Siyazi ukuthi ufeza lukhulu ukuze usungule ukuhlala okukhumbulekayo—futhi sinethemba lokuthi incwadi yeziqondiso eyidijithali izokusiza uxhumanise izivakashi nezinto ezimnandi ezenziwayo endaweni.