Ukuthola impumelelo ezikhathini ezingematasa

Ngisho nezindlu ezithandwa kakhulu zinezinkathi ezithule ezinokubhukha okumbalwa. Nazi ezinye izindlela ongasebenzisa ngazo amathuluzi okubungaza e-Airbnb ukuze uhehe izivakashi ngezikhathi ezingematasa.

Ukulungisa inani lakho ngokuqhubekayo kungakusiza unikeze inani elingambi eqolo. Cabangela ukwenza okulandelayo kushejuli ekusebenzelayo:

• Faka inani eliqokiwe langempelasonto. Uma unikeza inani elifanayo kubo bonke ubusuku, ungase usethe inani elihlukile phakathi neviki kunelobusuku bangoLwesihlanu nangoMgqibelo. Ukushintsha amanani ngokusekelwe ebusukwini kungasiza ekwandiseni ukubhukha kwakho.
• Qhathanisa izindlu ezifanayo. Izindlu ezinamanani aphansi kunezindlu ezifanayo eziseduze zivame ukuba nesilinganiso esiphezulu emiphumeleni yokusesha. Cabangela ukulungisa inani lakho lobusuku uma liqhathaniswa nezindlu ezibhukhiwe nezingabhukhiwe endaweni okuyo.

Iya ekhalendeni lendlu yakho bese ukhetha izinsuku ezingaba ngu-31 ukuze ubone isilinganiso samanani ezindlu ezifanayo ebalazweni lendawo okuyo. Izinto ezinquma ukuthi yiziphi izindlu ezifanayo zihlanganisa indawo, usayizi, izici, izinto ezidingekayo, izilinganiso, ukuphawula, kanye nezinye izindlu izivakashi ezizibhrawuzayo lapho zicabangela eyakho.

“Ngiyazibheka izindlu ezifana nezami ukuze ngiqiniseke ukuthi nginenani elingambi eqolo,” kusho uKatie, oyilungu leBhodi Yabeluleki Bababungazi noMbungazi ovelele ePalm Springs, eCalifornia. “Kubalulekile ukuba uzivumelanise nezimo phakathi nezikhathi ezingematasa uma ufuna ngempela ukuthola abantu abazongena endlini yakho.”

Izaphulelo zokuhlala okungubusuku obuyisikhombisa noma ngaphezulu zingathuthukisa isilinganiso sakho ekusesheni futhi zinciphise ukungena nokuphuma kwezivakashi, kuyilapho ukuhlala okufushane kungasiza ekugcwaliseni izikhala ekhalendeni lakho.

• Faka isaphulelo seviki. Izivakashi zibona isimemezelo esikhethekile emiphumeleni yokusesha nasekhasini lendlu yakho sezaphulelo zika-10% noma ngaphezulu. Inani lakho elinesaphulelo livela eceleni kwenani lakho elivamile, elikhanseliwe.
• Nciphisa iminimamu yohambo lwakho. Ungahlela iminimamu yohambo lwakho ngokosuku lweviki. Uma isidingo siphakeme ngezimpelasonto, ungase uvumele ukuhlala kobusuku obubodwa phakathi neviki kodwa hhayi lapho izivakashi zibhukha ngoLwesihlanu noma ngoMgqibelo ebusuku.

“Phakathi nezinkathi ezingematasa, nakanjani ngizokwehlisa iminimamu yami yobusuku bokuhlala futhi lokho kungisiza ngihehe abantu mhlawumbe abamane nje bezohlala ubusuku obumbalwa,” kusho uFelicity, uMbungazi ovelele eSydney, e-Australia.

Ukuvuselela imininingwane yendlu yakho kusiza ekucaciseni lokho okungalindelwa futhi kwenza izivakashi ziqiniseke nakakhulu ngokubhukha ikhaya lakho, ikakhulukazi phakathi nezinkathi ezingematasa.

• Sungula izithombe zamagumbi. Ithuluzi le-Airbnb lihlela ngokuzenzakalelayo izithombe zakho ezi-aphulodiwe ngokwamagumbi ukuze izivakashi ziqonde indlela indlu yakho ehlelwe ngayo. Ungahambisa, ukhiphe, futhi ufake izithombe, ufake imininingwane egunjini ngalinye, futhi ubhale izincazelo zesithombe ngasinye.
• Faka iziqondiso ezicacile zokuphuma. Chaza ukuthi yini okubalulekile ngezivakashi ukuba ziyenze ngaphambi kokuba zihambe, njengokukhiya. Noma ubani angakwazi ukukufunda lokhu ngaphambi kokuba abhukhe, futhi izivakashi ezengeziwe zibhukha izindlu ezineziqondiso zokuphuma. Izivakashi zisitshele ukuthi zikhetha uhlu olufushane lokuphuma, ngakho cabangela ukugcina imisebenzi imbalwa.

Amakhulu Amakilabhu Ababungazi emhlabeni wonke asiza ababungazi be-Airbnb baxhumane futhi bafunde komunye nomunye. Siphawulile ukuthi amalungu alawa makilabhu asendaweni athola imali ephindwe kabili kunababungazi abangewona amalungu ekilabhu,* futhi cishe anamathuba aphindwe kathathu okuba aBabungazi abavelele.**

Izinto ezithandwayo ezenziwayo kukilabhu zihlanganisa:

• Ukunikezana amacebiso okubungaza angase asize ekukhuphuleni iholo
• Ukuxoxa ngeziqondiso zokuqashisa isikhashana
• Ukwabelana ngamasevisi endawo anokwethenjelwa, njengabahlanzayo nabasebenza ngamapayipi amanzi
• Ukuhambela imicimbi yokuxhumana ekhethekile

*Ngokwemininingwane ye-Airbnb yezangaphakathi, uma uqhathanisa isilinganiso seholo nezilinganiso zamalungu eKilabhu Yababungazi ye-Airbnb yomhlaba wonke uma kuqhathaniswa nalo lonke inani lababungazi bomhlaba wonke kusukela ngo-September 2022 kuya ku-September 2023. Idatha yeholo iyahlukahluka kuye ngendawo, inkathi yonyaka, nohlobo lwendlu.

**Ngokwedatha ye-Airbnb yezangaphakathi ngesteyithasi soMbungazi ovelele sababungazi abajoyine kusukela ngo-July 2023 kuya ku-July 2024.

Ulawula amanani akho namanye amasethingi ngaso sonke isikhathi. Imiphumela yakho ingashintshashintsha.

Ababungazi bakhokhelwe ngokubamba kwabo iqhaza ezingxoxweni.

Amacebiso okubungaza angaphansi komthetho wendawo.

Imininingwane ekulesi sihloko kungenzeka isishintshile selokhu sashicilelwa.