Indlela yokuba uMbungazi ovelele

Uhlelo lwaBabungazi abavelele lwe-Airbnb luqaphela ababungazi bethu abasezingeni eliphezulu, asebemnkantsh'ubomvu.

Siyahalalisa futhi siklomelise ukubungaza okusezingeni eliphezulu ngebheji endlini yabo, okungaholela ekubhukheni okwengeziwe. Izivakashi ezingaba ngu-59% zithi isteyithasi soMbungazi ovelele sizenza ziqiniseke kakhudlwana ngekhwalithi yendawo yokuhlala, futhi aBabungazi abavelele bathola imali engaphezu kuka-60% kunababungazi abangavelele.* Ababungazi abavelele bayakwazi nokuthola Ithimba Elisiza Umphakathi elihloselwe bona, ukumenywa emicimbini ekhethekile, amakhuphoni okuvakasha, nokuvelela emiphumeleni yokusesha.

Ababungazi abangaphezu kwezigidi ezingu-1.3 sebengaBabungazi abavelele—futhi nawe ungakwazi, ngokwandisa ukubhukha kwakho nangokubungaza ngendlela ephumelelayo.** Ukwenza ushintsho olumbalwa ekhalendeni lakho, ukuvuselela indlu yakho, nokuqikelela ekukhulumisaneni kungawenza umehluko.

UMbungazi ovelele kumelwe abe ngumnikazi wendlu one-akhawunti esesimweni esihle futhi ahlangabezane nalezi zimfuneko ezine ezinsukwini ezingu-365 ezidlule:

• Thola ukubhukha okwanele. Bungaza ukubhukha okungenani okungu-10, noma ukubhukha okuthathu okunengqikithi yobusuku okungenani obungu-100 ekuhlaleni okuthathu.
• Gwema ukukhansela. Gcina isilinganiso sokukhansela esingaphansi kuka-1%, ngaphandle kokukhansela ngenxa yeZenzakalo Ezinkulu Eziphazamisayo noma ezinye izizathu ezizwakalayo.
• Phendula izivakashi. Gcina isilinganiso sokuphendula esingu-90% noma ngaphezulu. Izinga lokuphendula kwakho liyiphesenti lemibuzo yezivakashi ezintsha oyiphendule emahoreni angu-24.
• Beka ukubungaza kuqala. Gcina isilinganiso esiyingqikithi engu-4.8 noma ngaphezulu.

Ukuphendula ngokucacile nangokushesha, ukugwema ukukhansela, nokubeka ukubungaza kuqala nakho kungasiza ikhaya lakho livelele ekusesheni futhi kwandise iholo lakho.

Nawa amacebiso okukusiza uhlangabezane nalezi zimfuneko futhi uqale ukuzuza kusteyithasi sokuba uMbungazi ovelele.

Ukuvula ubusuku obengeziwe ekhalendeni lakho kusiza indlu yakho ivele emiphumeleni yokusesha eyengeziwe futhi kwandisa amathuba akho okubungaza ukuhlala okwanele ukuze uhlangabezane nezimfuneko zoMbungazi ovelele.

Iya ekhalendeni lendlu yakho bese ubheka ubusuku obuvaliwe, obuvela ngombala ompunga. Vula noma yibuphi ubusuku obuvinjelwe okwaziyo ukubungaza ngabo.

Ukuvumela ukuhlala kwesikhashana kungenye indlela indlu yakho engavela ngayo emiphumeleni eyengeziwe yokusesha. Ungahlela iminimamu yohambo lwakho ngokosuku lweviki. Ngokwesibonelo, uma isidingo sezivakashi siphakeme ngezimpelasonto, ungase ukhethe ukuvumela ukuhlala kobusuku obubodwa phakathi neviki kodwa hhayi lapho izivakashi zibhukha ngoLwesihlanu noma ngoMgqibelo ebusuku.

Ukunikeza ukuvumelana nezimo kakhudlwana nokuvumela izivakashi zibhukhe sekusondele isikhathi sokungena nakho kusiza ekuheheni ukubhukha okwengeziwe. Khetha ukuthi isikhathi esiyiminimamu sokuthola ukubhukha sibe usuku olufanayo, kuye ngokuthi udinga isikhathi esingakanani phakathi kokubhukha kwesivakashi nokufika kwaso.

Ungavumela futhi izicelo ngesikhathi esifushane kuneminimamu yakho yesikhathi sokuthola ukubhukha. Uzotshelwa ukuba ubuyekeze futhi wamukele lezi zicelo.

Izindlu ezinamanani aphansi kunezinye izindlu ezifanayo eziseduze zivame ukuba nesilinganiso esiphezulu emiphumeleni yokusesha. Cabangela ukulungisa inani lakho lobusuku ngokuliqhathanisa nezinye izindlu eziseduze ukuze ukwazi ukubungaza okungenani ukuhlala okungu-10.

Ukuze uhlole amanani ezindlu ezifanayo endaweni okuyo, iya ekhalendeni lendlu yakho bese ukhetha izinsuku ezingaba ngu-31.

Uzobona isilinganiso samanani ezindlu ezifanayo ebalazweni lendawo okuyo. Izinto ezinquma ukuthi yiziphi izindlu ezifanayo zihlanganisa indawo, usayizi, izici, izinto ezidingekayo, izilinganiso, ukuphawula, kanye nezinye izindlu izivakashi ezizibhrawuzayo lapho zicabangela eyakho.

Uma unikeza inani elifanayo kubo bonke ubusuku, cabangela ukulungisa amanani akho aphakathi neviki nawangempelasonto ukuze uhehe izivakashi ezengeziwe. Ukushintshashintsha amanani ngokusekelwe ebusukwini kungasiza ekwandiseni ukubhukha neholo lakho.

Ukufaka izaphulelo kungenye indlela yokuvelela ezivakashini. Ungakwazi ukulungiselela izivakashi ezihlukahlukene ngokunikeza:

• Izaphulelo zeviki nezenyanga. Nikeza izaphulelo zeviki ekuhlaleni okungubusuku obungu-7 noma ngaphezulu noma izaphulelo zenyanga ekuhlaleni okungubusuku obungu-28 noma ngaphezulu. Lokhu kungandisa isilinganiso sobude bokuhlala ezindlini zakho futhi kunciphise isidingo sokulungiselela izivakashi ezingenayo.
• Isaphulelo sababhukha kuqala. Faka isaphulelo ekubhukheni okwenziwe enyangeni eyodwa kuya kwezingu-24 ngaphambi kokungena, futhi wakhe amathuba engeziwe okubhukha ngaphambi kwezinkathi zonyaka ezimatasa.

Izivakashi zibona isimemezelo esikhethekile emiphumeleni yokusesha nasekhasini lendlu yakho sezaphulelo zeviki noma zenyanga ezingu-10% noma ngaphezulu kanye nezaphulelo zababhukha kuqala ezingu-3% noma ngaphezulu. Inani lakho elinesaphulelo livela eceleni kwenani lakho elivamile, elikhanseliwe.

Phawula ukuthi isaphulelo sababhukha kuqala asitholakali uma i-Smart Pricing ivuliwe nokuthi izaphulelo zobude bokuhlala kudingeka zilandele imithetho neziqondiso zendawo.

Izivakashi ziyakwazisa ukukhulumisana okusheshayo, okucacile, futhi izimfuneko zoMbungazi ovelele zidinga ukuthi ababungazi babe nezinga lokuphendula okungenani elingu-90%. Ukusetha izimpendulo ezisheshayo kukusiza uphendule izivakashi kalula nangempumelelo.

Izimpendulo ezisheshayo zingamathempulethi emiyalezo emifushane agxile ezihlokweni ezithile ezivame ukubuzwa ababungazi. Ungazibhala noma uzihlele kusengaphambili ukuze uzithumele uma uxoxa nesivakashi.

Ukulwela ukuthola ukuphawula kwezinkanyezi ezinhlanu kusho nokucabanga ngalokho izivakashi ezingakudinga nokwenza konke ongakwenza ukuze uzamukele noma nini lapho kungenzeka.

• Nezela izenzo ezibonisa ubuntu. Izenzo ezincane, ezifana nokunikeza ikhofi lasendaweni olithandayo noma inothi lokwamukela izivakashi elibhalwe ngesandla, zingasiza kakhulu ekwenzeni izivakashi zizizwe zikhethekile.
• Siza izivakashi zizizwe zisekhaya. Zama ukubona indawo yakho nakho konke okunikezayo ngombono wazo. Izinto ezinjengokuvumela ukungena ngaphambi kwesikhathi nokugcina amathawula esongwe kahle futhi eyisitaki kungenza umehluko phakathi kwesilinganiso esikahle nesihle kakhulu.
• Hlala uxhumana nezivakashi. Tshela izivakashi ukuthi zingakuthola noma umbungazi ongumsizi wakho noma nini. Setha izaziso zakho ukuze zikuxwayise lapho izivakashi zithumela imiyalezo.

Ukudamane uvuselela ikhasi lendlu yakho kungakusiza uhehe izivakashi ezifanele indawo yakho.

Izithombe ezinhle zidonsa amehlo, zisize ekucaciseni lokho okungalindelwa, futhi zenze izivakashi ziqiniseke nakakhulu ngokubhukha ikhaya lakho. Cabangela ukubuyekeza izithombe zendlu yakho ukuze ukwazi ukufinyelela isteyithasi sokuba uMbungazi ovelele.

• Hlela izithombe zakho. Gxila ekutholeni izithombe ezibonisa imininingwane ehlukile yekhaya lakho, izinto ezidingekayo ezithandwayo, nezici zabanezidingo zokukhubazeka. Thwebula igumbi nendawo ngayinye izivakashi ezingayisebenzisa usezindaweni ezihlukahlukene.
• Faka izithombe ezivundlile, zerezolushini ephakeme.. Izithombe kufanele zibe okungenani amaphikseli angu-800 x 1,200. Osayizi abakhulu bamafayela bangcono, bangaba ngu-10 MB.
• Thola iphrofeshinali. Cabangela ukuqasha umthwebuli wezithombe oyiphrofeshinali ukuze akusize. I-Airbnb ingakuxhumanisa nephrofeshinali emadolobheni athile emhlabeni jikelele.
• Sungula izithombe zamagumbi. Ithuluzi le-Airbnb lihlela ngokuzenzakalelayo izithombe zakho ezi-aphulodiwe ngokwamagumbi ukuze izivakashi ziqonde indlela indlu yakho ehlelwe ngayo. Ungahambisa, ukhiphe, futhi ufake izithombe, ufake imininingwane egunjini ngalinye, futhi ubhale izincazelo zesithombe ngasinye.

Okushoyo endlini oyifakile kubaluleke njengendlela ebukeka ngayo. Isihloko sakho, incazelo, nezinto ezidingekayo kunikeza amathuba engeziwe okuheha izivakashi nokucacisa lokho ezingakulindela ekuhlaleni kwazo.

• Faka isihloko sendlu esifushane, esichazayo. Hlola ukuthi isihloko sakho sinikeza umbono ongafani neminye, onembile wekhaya lakho nendawo ezungezile. Ngokwesibonelo, okuthi “Ifulethi elingenamsindo eduze ne-Uffizi” kuchaza ngamagama ambalwa ukuthi indawo iyifulethi elinokuthula, elimaphakathi neFlorence, e-Italy.
• Izincazelo zendlu ezicacile zivame ukusebenza kangcono. Faka imininingwane ecacile echaza lokho izivakashi ezingalindela ukukubona, ukukuzwa, nokukujabulela endaweni yakho. Ngokwesibonelo, ungase uthi igceke elingemuva libiyelwe, futhi kunendawo evulekile okungagijima kuyo izingane nezilwane ezifuywayo.
• Faka wonke amasevisi owanikezayo. Cabangela ukuthi yimaphi amasevisi athandwayo ongawafaka noma uwathuthukise, njengokufaka i-smart lock esikhundleni sebhokisi lesikhiye noma ukuphucula i-wifi yakho. Amasevisi ahamba phambili aseshwa yizivakashi ahlanganisa ukuzingenisa, i-wifi, umshini wokuwasha, umshini wokomisa, i-TV noma i-cable, nendawo yokosa inyama.***

*Ngokusekelwe eholweni elivamile laBabungazi abavelele nabangebona aBabungazi abavelele kusukela ngo-October 2023 kuya ku-October 2024.

**Ngokusekelwe kudatha yezangaphakathi ye-Airbnb kusukela ngo-October 7, 2024.

***Ngokuvumelana nedatha ye-Airbnb elinganisa amasevisi aseshwe kaningi kunawo wonke emhlabeni kusukela ngo-January 1 kuya ku-June 30, 2024.

Ulawula amanani akho namanye amasethingi ngaso sonke isikhathi. Imiphumela yakho ingashintshashintsha.

Ababungazi bakhokhelwe ngokubamba kwabo iqhaza ezingxoxweni.

Amacebiso okubungaza angaphansi komthetho wendawo.

Imininingwane ekulesi sihloko kungenzeka isishintshile selokhu sashicilelwa.