Ukusiza izivakashi ukuba zivakashe njengabantu bendawo
I-Airbnb yaqala njengendlela eshibhile yokuba izivakashi zihlale ekhaya lomunye umuntu. Lo mbono wanda kakhulu njengoba ababungazi abengeziwe banikeza izindawo emhlabeni jikelele futhi bexhumana nezivakashi.
Amagumbi agubha leli siko: Mahle kakhulu ezivakashini ezithanda iphrayivesi, nokho ezisafuna ukuhlangana nothile omusha futhi zijabulele indawo njengomuntu wasendaweni. Egumbini, izivakashi ziba nekamelo lazo lokulala endlini, futhi zibe futhi nemvume yokuya ezindaweni ezingase zihlanganyelwe nabanye.
Nawa amanye amacebiso okusiza izivakashi zizizwe zikhululekile ukubhukha nokuhlala nawe.
Ukuxoxa ngezindawo ozithandayo zasendaweni
Ungasiza izivakashi zazi indawo okuyo ngokusungula incwadi yeziqondiso yalokho okufake ku-Airbnb. Lena yindlela elula yokutshela izivakashi lokho okusikiselayo.
Ababungazi abaningi banikeza ukusikisela mathupha. UReed, obungaza igumbi ePhiladelphia nomkakhe, uvame ukumema izivakashi ukuba zibajoyine ekudleni kwakusihlwa ngeSonto. Ukhuluma “ngezindawo ezipholile ezingaziwa kakhulu,” njenge-cafe yasendaweni enenqwaba yezincwadi.
Ngezinye izikhathi uReed umema izivakashi ukuba bayodansa isalsa, enye yezinto athanda ukuzilibazisa ngayo. Uthi, “Siye sahamba nezivakashi ezimbalwa saya endaweni yesiLatini ukuze siyozijabulisa kancane.” Unezela ngokuthi ezinye izivakashi “sezifana nezingane zethu manje.”
Ukwenza izivakashi zizizwe zisekhaya
Izivakashi zingase zibhukhe igumbi lakho ngoba iphrofayili yakho yombungazi yenza kube sengathi seziyakwazi kakade, okungasiza izivakashi zizizwe zikhululekile ukuhlala nawe.
UNicola, obungaza igumbi eFitzroy, e-Australia, uthi uyawazisa amasiko amasha nokudla. Uthole ukuthi ezinye izivakashi ziyathanda “ukuzilibazisa futhi zizizwe sengathi zinekhaya lapha.”
Yena nomfowabo, umpheki odumile waseMelbourne, ngezinye izikhathi bacela ukupheka izidlo nezivakashi. Uthi, “Sinekhishi elikhulu, ngakho bangenza ipasta noma izinkwa zepanini.”
Elinye iqembu lazizwa likhululeke kangangokuba lenza iyoga egumbini lokuphumula likaNicola. Uthi, “Kwakukuhle ukuthi babekujabulela ngempela ukuba lapha.” Eqaphela ukuthi banesifiso sokuzivocavoca, uNicola wabayisa epaki eliseduze, lapho bachitha khona intambama begibela izihlahla futhi bekhuluma ngezinye izindawo abangaya kuzo.
Ukwamukela okungalindelekile
Cabanga ngendlela ongathanda ngayo ukuxhumana nezivakashi, futhi uzitshele ukuthi yini oyithandayo. Uma ukuthanda ukuxoxa, ukukhululeka kwakho kungase kuholele ebunganini obuhle.
UGarth, umbungazi e-Auckland, eNew Zealand, uthi ukwamukela izivakashi kumvumela ukuba achithe isikhathi esengeziwe nabantu abavela kwamanye amasiko ngaphandle kokuvakasha. Wacabanga, “Abantu mabeze kimi.”
Esinye sezikhathi uGarth angenakuzilibala njengombungazi senzeka nezivakashi ebezivakashe zivela eFrance. Umama wabuza ukuthi indodana yakhe ingambuka yini njengoba esebenza egalaji lakhe. “Yayinomuzwa wokuthi konke engangikwenza kuhlakaniphile,” kusho uGarth.
Ngakho uGarth wathi mabenze iphrojekthi ethile ndawonye. Uthi, “Senza isikebhe esincane, futhi sasidweba.” “Kwakumnandi ngempela, ngoba wayengasikhulumi isiNgisi, kodwa sasinalolu limi lwethu sobabili.”
Ungathola izindaba namacebiso engeziwe okubungaza ngokujoyina Ikilabhu Yababungazi yangakini. La makilabhu aqhutshwa ngababungazi futhi asiza bona, futhi anikeza imihlangano engokoqobo neye-inthanethi, usizo oluqhubekayo, nezindaba ze-Airbnb nezibuyekezo zomkhiqizo.
Imininingwane ekulesi sihloko kungenzeka isishintshile selokhu sashicilelwa.