Ukusiza izivakashi zaMagumbi ukuba zihlale njengabantu bendawo
I-Airbnb yaqala njengendlela eshibhile yokuba izivakashi zihlale ekhaya lomunye umuntu. Lo mbono waqala ngokuthi Ababungazi nezivakashi emhlabeni wonke baxhumane ngezindlela zangempela.
Amagumbi aqhuba lesi siko. Ababungazi abaningi kunangaphambili basiza izivakashi ukuba zihlale njengabantu bendawo. Lokhu bakwenza ngezindlela eziningi, kungaba ngokunikeza amacebiso okuthi ungaya kuphi noma ukuya endaweni ongazi ukuthi ungalindelani kuyo.
Nansi indlela Ababungazi abathathu abasungule ngayo izikhathi ezingenakulibaleka.
Ukusho izindawo ozithandayo zasendaweni
Ungasiza izivakashi zazi indawo okuyo ngokusungula incwadi yeziqondiso yendlu yakho. Lena indlela elula yokutshela izivakashi lokho okusikiselayo. ABabungazi abanezincwadi zeziqondiso bavame ukuthola ukubhukha okwengeziwe.
ABabungazi abaningi banikeza ukusikisela mathupha. U-Reed, obungaza iGumbi e-Philadelphia nomkakhe, umema izivakashi ukuba zibajoyine ekudleni kwakusihlwa ngeSonto. Wenza isitshulu bese ebabuza ukuthi yini bona abangathanda ukuyenza. Ube esebatshela “ngezindawo ezipholile ezingavamile,” njengesitolo sekhofi sasendaweni esinenqwaba yezincwadi.
Ngezinye izikhathi u-Reed umema izivakashi ukuba bayodansa, enye yezinto athandayo ukuzilibazisa ngayo. Uthi, “Siye sahamba nezivakashi ezimbalwa saya endaweni yesiLatini ukuze siyozijabulisa kancane.” Unezela ngokuthi ezinye izivakashi “zifana nezingane zethu manje.”
Ukwenza izivakashi zizizwe zisekhaya
Izivakashi zingase zibhukhe iGumbi lakho ngoba Iphasipoti Yombungazi yakho yenza zikwazi, okungasiza izivakashi zizizwe zikhululekile ukuhlala nawe.
U-Nicola, obungaza iGumbi e-Fitzroy, e-Australia, uthi uyawazisa amasiko amasha nokudla. Uthole ukuthi ezinye izivakashi ziyathanda “ukuzilibazisa futhi zizizwe sengathi zinekhaya lapha.”
Yena nomfowabo, umpheki odumile wase-Melbourne, ngezinye izikhathi bacela ukupheka ukudla nezivakashi. Uthi, “Sinekhishi elikhulu, ngakho bangenza i-pasta noma ama-panini bread.”
Elinye iqembu lazizwa likhululeke kangangokuba lenza i-yoga egumbini lokuphumula lika-Nicola. Uthi, “Kwakukuhle ukuthi bayakujabulela ngempela ukuba lapha.” Ephawula ukuthi banesifiso sokuzivocavoca, uNicola wabayisa epaki eliseduze, lapho bachitha khona intambama begibela izihlahla futhi bekhuluma ngezinye izindawo abangaya kuzo.
Ukulungela okungalindelekile
Cabanga ngendlela ongathanda ngayo ukuxhumana nezivakashi, bese uzitshela ukuthi yini oyincamelayo. Uma ukuthanda ukuxoxa, ukukhululeka kwakho kungase kuholele ebunganini obuhle.
U-Garth, obungaza iGumbi e-Auckland, e-New Zealand, uthi ukuba nezivakashi ekhaya lakhe kumvumela ukuba achithe isikhathi esengeziwe nabantu abavela kwamanye amasiko ngaphandle kokuvakasha. Wacabanga, “Abantu mabeze kimi.”
Esinye sezikhathi ezingenakulibaleka zika-Garth njengoMbungazi senzeke nezivakashi ebezivakashe zivela e-France. Umama wabuza ukuthi indodana yakhe ingambuka yini njengoba esebenza egalaji lakhe. “Yayinomuzwa wokuthi konke engangikwenza kuhlakaniphile,” kusho u-Garth.
Ngakho u-Garth wathi abenze iphrojekthi ethile ndawonye. Uthi, “Senza isikebhe esincane, futhi sasidweba.” “Kwakumnandi ngempela, ngoba wayengasikhulumi isiNgisi, kodwa sasinalolu limi lwethu sobabili.”
Ungathola izindaba namacebiso engeziwe okubungaza ngokujoyina Ikilabhu Yababungazi yangakini. La makilabhu aqhutshwa ngaBabungazi futhi asiza bona, futhi anikeza imihlangano engokoqobo neye-inthanethi, usizo oluqhubekayo, nezindaba ze-Airbnb nokulungiswa komkhiqizo.
Imininingwane ekulesi sihloko kungenzeka isishintshile selokhu sashicilelwa.