Airbnb Amagumbi, ukuthuthukiswa kwamagumbi aphrayivethi

Ungatshela izivakashi okwengeziwe ngawe kuPhasipoti YoMbungazi entsha.
Ngu Airbnb ngo- Jan 17, 2024
ividiyo yemizuzu engu-3
Kulungiswe ngomhla ka- Jan 17, 2024

Inothi lomhleli: Lesi sihloko sishicilelwe njengengxenye yalokho Okukhululwa Ngo-May 2023 Kwe-Airbnb. Imininingwane kungenzeka isishintshile selokhu sashicilelwa. Funda kabanzi mayelana nokukhululwa komkhiqizo wethu wakamuva.

I-Airbnb yaqala njengendlela eshibhile yokuba izivakashi zihlale ekhaya lomunye umuntu. Kuyo yonke le minyaka, aBabungazi bamagumbi aphrayivethi bahlanganise abantu futhi basize izivakashi ukuba zivakashe ezindaweni ezintsha njengabantu bendawo.

Namuhla, abantu bafuna ukuvakasha ngamanani aphansi, ikakhulukazi ngenxa yesimo samanje sezomnotho. Futhi ngemva kweminyaka yokuhlukaniswa phakathi nobhubhane, bafuna izindlela zokuxhumana nabanye futhi bahlangane nabantu abasha.

Yingakho sethula okuthi Amagumbi, ukuthuthukiswa kwamagumbi aphrayivethi. Okuphuculiwe kuhlanganisa:

  • Iphasipoti YoMbungazi, ukuze izivakashi zikwazi ngaphambi kokuba zibhukhe

  • Isigaba esisha esithi Amagumbi nezihlungi zokusesha ezidizayinwe kabusha ezikwenza kube lula ngezivakashi ukuba zithole amagumbi aphrayivethi

  • Imininingwane emisha ehlobene nephrayivesi yokunethezeka kwawo wonke umuntu

IPhasipoti YoMbungazi

Izivakashi zisitshele ukuthi zifuna ukwazi ukuthi zizobe zihlala nobani ngaphambi kokuba zibhukhe igumbi eliphrayivethi. Iphasipoti YoMbungazi manje ikunikeza izindlela ezengeziwe zokuzethula ezivakashini zakho. Iphinde iveze imininingwane ekuphrofayili yakho futhi iyigqamise ekusesheni nasendlini yakho.

Ushintsho lokuqala ozolubona ukuthi isithombe sakho sephrofayili sivela ekhoneni lesithombe sendlu yakho esiyinhloko. Isivakashi singasithepha noma sisichofoze ukuze siye kuPhasipoti YoMbungazi yakho nemininingwane embalwa oyibhalile ngawe.

Igama lakho, iminyaka yokubungaza, isilinganiso sezinkanyezi, nenani lokuphawula kwezivakashi kuvela phezulu kuPhasipoti YoMbungazi. Ngezansi kwalokho, izingxenye ezintsha zephrofayili yakho zikuvumela ubhale izinto ezinjengokuthi uhlalaphi, uzilibazisa ngani, igama lesilwane osifuyile, amaqiniso ajabulisayo, nokuthi yini eyenza ukuhlala endaweni yakho kukhetheke.

Ungakhetha isithombe nemininingwane oyinikezayo ngokushintsha iphrofayili yakho. Futhi, ungase uphawule ukuthi izingxenye zangaphambilini zephrofayili yoMbungazi zinefomethi entsha, ngakho kuwumqondo omuhle ukuqinisekisa ukuthi umsebenzi, izilimi, nendawo okuyo kuvela ngendlela ofuna kuvele ngayo.

Thola amacebiso okuthatha isithombe esihle sePhasipoti YoMbungazi

Isigaba Samagumbi

Kulula ngezivakashi ukuthola indlu yakho ngeSigaba esisha esithi Amagumbi phezulu ekhasini lokuqala. Isihlungi sokusesha esiklanywe kabusha naso sikwenza kube lula ukushintsha phakathi kwamagumbi aphrayivethi, amakhaya aphelele, nazo zonke izinhlobo zezindawo. Isilinganiso senani lanoma yikuphi isivakashi esikukhethayo siboniswa esihlungwini.

Kusukela ngo-May 3, indlu yakho kudingeka ihlangabezane nazo zonke lezi zimfuneko ukuze ifakwe eSigabeni esithi Amagumbi:

  • Isivakashi sinegumbi laso lokulala eliphrayivethi elinomnyango.

  • Isivakashi siyakwazi ukungena endlini yokugezela ephrayivethi noma ehlanganyelwayo.

  • Isivakashi sinemvume okungenani endaweni eyodwa ehlanganyelwayo, efana nekhishi, igumbi lokuphumula, noma igceke elingemuva.

  • ABabungazi basebenzisa amagama abo ezindlini zabo, hhayi igama lebhizinisi noma elinye.

  • “Igumbi eliphrayivethi” likhethwa njengendlu noma uhlobo lwegumbi kumasethingi endlu yakho.

  • Igumbi eliphrayivethi akulona igumbi elihlanganyelwayo, ihhotela, i-resort, itende, umahamba-nendlwana, iyunithi ezimele (njenge-bungalow engemuva kwegceke), nanoma yiluphi olunye uhlobo lwendlu kulolu hlu.

Izindlu ezingahlangabezani nalezi zimfuneko ezintsha ngeke ziboniswe ezivakashini njengamaGumbi ekusesheni noma emakhasini ezindlu. Ungakhetha uhlobo olusha lwendlu noma ulungise indlu yakho ukuze ihlangabezane nalezi zimfuneko. Uma ungathanda ukuthi indlu yakho ifakwe, noma ikhishwe, eSigabeni esithi Amagumbi, ungathumela isicelo kokuthi Ithimba Elisiza Umphakathi.

Iphrayivesi nokunethezeka

Izivakashi ezibhrawuza izindlu eziyigumbi eliphrayivethi zivame ukuhlola imininingwane ezisiza zizizwe zinethezekile futhi zivikelekile. Ukuze sikusize ubonise lokho okungalindelwa, sithuthele le mininingwane phezulu ekhasini lendlu yakho:

  • Ukuthi umnyango wekamelo lokulala unokhiye yini. Izivakashi zilindele ukukwazi ukukhiya umnyango wazo. Uma igumbi lakho eliphrayivethi lingenawo ukhiye, cabangela ukuwufaka.

  • Ukuthi indlu yokugezela iphrayivethi, ngeyomuntu oyedwa, noma iyahlanganyelwa. Kuzo zonke izindlu eziku-Airbnb, izivakashi zidinga ukuba nendlu yokugezela enosinki, ithoyilethi, neshawa noma ubhavu. Indlu yakho manje ingagqamisa ukuthi indlu yokugezela yesivakashi sakho iphrayivethi futhi isekamelweni yini, ngeyomuntu oyedwa (iphrayivethi kodwa kungenwa kuyo ngendawo ehlanganyelwayo, njengephaseji), noma ihlanganyelwa nabanye.

  • Ubani omunye okungenzeka abe sendlini. Izivakashi zifuna ukwazi uma zizohlangana nabanye phakathi nokuhlala kwazo, njengezinye izivakashi, amalungu omndeni, noma abantu ohlala nabo. Ungagwema ukuba zithole ebezingakulindele ngokufaka imininingwane yokuthi ubani ongase abe khona.

  • Kuzoba nokuxhumana okungakanani nabanye. Izivakashi zivame ukujabulela ukuchitha isikhathi naBabungazi, abangazisiza ziyazi indawo ezivakashele kuyo njengomuntu wasendaweni. Ungabhala ukuthi singakanani isikhathi othanda ukusichitha nezivakashi phakathi nokuhlala kwazo.

Ukuze ushintshe le mininingwane, iya engxenyeni ethi Amagumbi nethi Izindawo yendlu yakho.

Amagumbi nokuphucula okungu-25 kwaBabungazi kuqala ukuphuma kuleli viki njengengxenye yalokho Okukhululwa Ngo-May 2023 Kwe-Airbnb.

Airbnb
Jan 17, 2024
Ingabe lokhu kube wusizo?