Indlela ukukhokhelwa okusebenza ngayo ekuhlaleni kwesikhathi eside
Okuvelele
Uma isivakashi sihlala ubusuku obungaphezu kuka-28, ukhokhelwa ngezitolimende
Lokhu kuhlukile kushejuli yenkokhelo yokubhukha okufushane
Ukuhlala kwesikhathi eside kungakunikeza iholo elingena ngokuqhubekayo, ikakhulu uma isivakashi sibhukha amaviki noma izinyanga eziningana zilandelana. Uma usujwayele ukubungaza ukuhlala okufushane, kubalulekile ukuba uphawule ukuthi isikhathi sezinkokhelo ekuhlaleni kwesikhathi eside—noma ukubhukha okungaphezu kobusuku obungu-28—sihlukile kwesokuhlala kwesikhashana.
Izitolimende zenyanga
Ekuhlaleni okufushane, sithumela inkokhelo yakho, esiyibiza ngokuthi ukukhokhelwa, cishe emahoreni angu-24 ngemva kokungena kwesivakashi endaweni yakho. Ekuhlaleni kwesikhathi eside, sithumela ukukhokhelwa kwakho ngezitolimende.
Nansi indlela izitolimende ezisebenza ngayo:
- Ukukhokhelwa kokuqala: Sikhokhisa isivakashi sakho ubusuku bokuqala obungu-30 bokuhlala kwaso uma sibhukha, bese sidlulisela leyo nkokhelo kuwe emahoreni angu-24 ngemva kwesikhathi saso esishejuliwe sokungena
- Ukukhokhelwa okunezelwe: Izinkokhelo zobusuku obulandelayo ziyaqongelelwa bese zidluliselwa kuwe nyanga zonke (izinsuku ezingu-28-31) ngemva kokukhokhelwa kokuqala phakathi nakho konke ukubhukha
“Uma ukubhukha kuyizinsuku ezingu-45, ngokwesibonelo, uyakhokhelwa izinsuku zokuqala ezingu-30 ngemva nje kokufika kwesivakashi nezinsuku ezingu-15 ezisele ngemva kwenyanga isivakashi singenile,” kuchaza uMbungazi Ovelele u-Deborah wase-Berkeley, e-California.
Ungahlola isteyithasi sokukhokhelwa kwakho Emlandweni wemali engenayo nephumayo.
Eminye imininingwane yokukhokhelwa
Ukuthi kuthatha isikhathi esingakanani ngemali ukuba ifike ku-akhawunti yakho kuxhomeke endleleni yokukhokhelwa oyikhethile nebhange olisebenzisayo. Ababungazi abasha abamukela ukubhukha kwabo kokuqala bangase babhekane nokwephuza enkokhelweni ngesikhathi sisaqinisekisa umazisi wakho.
Uma usethe inani eliyiminimamu ekukhokhelweni, ngeke sizidedele izimali zakho iholo lakho lize lilifinyelele. Uma unezindlu ezingaphezu kweyodwa ezinabangena ngosuku olufanayo, sivame ukuthumela izimali zakho njengokukhokhelwa okukodwa.
Noma nini lapho sikuthumelela izimali, okubhalwayo kulokho kukhokhelwa kusuka Ekukhokhelweni Okuzayo kuye Ekukhokhelweni Okuqediwe kokuthi Umlando Wemali Engenayo Nephumayo. Ungaqhathanisa lo mlando nesitatimende se-akhawunti yakho yasebhange ukuze uqinisekise ukuthi kuyefana.
Okuvelele
Uma isivakashi sihlala ubusuku obungaphezu kuka-28, ukhokhelwa ngezitolimende
Lokhu kuhlukile kushejuli yenkokhelo yokubhukha okufushane